03-Oct-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
ଆଜି ସକାଳ ୯ ଘଣ୍ଟା ୩୦ ମି ରେ ସୋନପୁର ବାସୀ ଙ୍କ ଦୀର୍ଘ ଦିନର ଦାବୀ ତଥା ବହୁ ପ୍ରତିକ୍ଷୀତ ସୋନପୁରର ନୂତନ ବା ଅତ୍ୟାଧୁନିକ ବସଷ୍ଟାଣ୍ଡ ର ଶିଳାନ୍ୟାସ କରିବେ ଓଡିଶାର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ଏବଂ ବଲାଙ୍ଗିର ସାଂସଦ ସଂଗୀତା କୁମାରୀ ସିଂଦେଓ l ସୁବର୍ଣ୍ଣପୁର ଜିଲ୍ଲା ର ସଦର ମହକୁମା  ରେ ନୂତନ ବସ ଷ୍ଟାଣ୍ଡର ଭୂମିପୂଜନ ଖବର ପ୍ରସାରିତ ପରେ ସହର ବାସୀ ଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି l  ଓ ଦୀର୍ଘ ବର୍ଷ ରୁ ରାଜନୈତିକ ଛକା ପଞ୍ଜା କଥା ରେ, ଗୁଜବ କଥାରେ, ସନ୍ଧୟ ରେ ଓ ଆଶା ଆଶଙ୍କା ରେ ଥିବା ସହର ବାସୀ ତୁରନ୍ତ ଶିଳାନ୍ୟାସ ଫଳକ ନିର୍ମାଣ ଦେଖି ଆଶ୍ୱସ୍ତି ଅନୁଭବ କରିଛନ୍ତି l ତା ପୂର୍ବରୁ ଗତ କାଲି ସକାଳୁ ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁ ଓ ଜିଲ୍ଲା ଆରକ୍ଷୀ ଅଧିକାରୀ ନାରାୟଣ ନାୟକ ଙ୍କ ସହ ସ୍ଥାନୀୟ ପ୍ରଶାସନିକ ଅଧିକାରୀ ଙ୍କ ସହ ସ୍ଥାନୀୟ ଜନ ପ୍ରତିନିଧି ଓ ସ୍ୱେଚ୍ଛାସେବୀ ମାନେ ବସଷ୍ଟାଣ୍ଡ ସ୍ଥାନ ପରିଦର୍ଶନ କରିଥିଲେ l ପୂର୍ବ ସରକାର ରେ ଏହା ୧୮ କୋଟି ଟଙ୍କା ର ବସଷ୍ଟାଣ୍ଡ ନିର୍ମାଣ ନେଇ ବ୍ୟୟ ବରାଦ ହୋଇଥିବା ବେଳେ ନୂତନ ସରକାର ଆସିବା ପରେ ଏହା ୭୫ କୋଟି ଟଙ୍କାର ଭବ୍ୟ ମଡେଲ ବସଷ୍ଟାଣ୍ଡ ନିର୍ମାଣ ନେଇ ଟେଣ୍ଡର ସରିଥିବା ବେଳେ ଆଜି  ଶିଳାନ୍ୟାସ ପରେ କାମ ଆରମ୍ଭ ହେବ l ପୁରୁଣା ବସଷ୍ଟାଣ୍ଡ ରେ ନୂତନ ମଡେଲ ବସ୍ ଷ୍ଟାଣ୍ଡ ପାଇଁ ସହର ବାସୀ ଦୀର୍ଘ ଦିନରୁ ଦାବୀ କରି ଆସୁଥିଲେ l ଏ ନେଇ ସାଂସଦ ପ୍ରତିନିଧି ସାନନ୍ଦ ମେହେର ଏକ ପ୍ରେସ ବାର୍ତ୍ତା ରେ କହିଛନ୍ତି ଯେ ସୋନପୁର ବାସୀଙ୍କ ବହୁତ ଦିନର ସ୍ବପ୍ନ ବିଜେପି ସରକାର ରେ ସାକାର ହେବାକୁ ଯାଉଛି l ଗତ ୨୩ ବର୍ଷର ପୂର୍ବ ର ବିଜେଡି ସରକାରରେ ସ୍ଥାନୀୟ ବିଧାୟକ ନିରଞ୍ଜନ ପୂଜାରୀ କେବଳ ଭୋଟ ସମୟରେ ମିଥ୍ୟା ଭୂମିପୂଜନ କରିବା ସହ ମିଥ୍ୟା ପ୍ରତିଶୃତି ଦେଇ ଲୋକଙ୍କ ଭୋଟ ହାତଉ ଥିଲେ କିନ୍ତୁ ଏବେ ବିଜେପି ସରକାର ଆସିବା ପରେ ସୋନପୁର ଟାଉନ ଠାରେ ଥିବା ପୁରୁଣା ବସଷ୍ଟାଣ୍ଡରେ ନୂତନ ଭବ୍ୟ ବସଷ୍ଟାଣ୍ଡ ନିର୍ମାଣ କାର୍ଯ୍ୟ ଶୀଘ୍ର ଆରମ୍ଭ ହେବାକୁ ଥିବା ବେଳେ ଆଜି  ସକାଳ ୯.୩୦ ସମୟରେ ଭୂମିପୂଜନ କାର୍ଯ୍ୟକ୍ରମରେ ସହର ର ସମସ୍ତ ଜନସାଧାରଣ , ବୁଦ୍ଧିଜୀବୀ ଉପସ୍ଥିତ ରହିବା ପାଇଁ ଅନୁରୋଧ କରିଛନ୍ତି l