03-Oct-2025

ବଲାଙ୍ଗୀର(ପ୍ରେରଣା ଖବର)- ପ୍ରେରଣା ନ୍ୟୁଜ୍ ପୋର୍ଟାଲ ଓ ଡିଜିଟାଲ ମିଡିଆର ପଂଚମ ପ୍ରତିଷ୍ଠା ଦିବସ ସ୍ଥାନୀୟ ଟାଉନ ବାଳିକା ଉଚ୍ଚବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ନିରଂଜନ ବିଶି ଯୋଗ ଦେଇ ଆଜିର ଡିଜିଟାଲ ଯୁଗରେ ପାଠକଙ୍କ ପାଖରେ ଶୀଘ୍ର ଖବର ପହଂଚାଇବା ପାଇଁ ସୋସିଆଲ ମିଡିଆ ଓ ନ୍ୟୁଜ୍ ପୋର୍ଟାଲ ତଥା ୟୁଟ୍ୟୁବ ଚେନାଲ ଲୋକଙ୍କ ଦ୍ୱାରା ଗ୍ରହଣୀୟ ହୋଇଛି ବୋଲି କହିବା ସହ ପ୍ରେରଣାର ଉତ୍ତରୋତ୍ତର ଉନ୍ନତି କାମନା କରିଥିଲେ । ସମ୍ମାନିତ ଅତିଥି

ଭାବରେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଯୋଗ ଦେଇ ଜିଲ୍ଲାର ସମସ୍ୟାଭିତ୍ତିକ ଖବରକୁ ଉତ୍‌ଥାପନ କରିବା କ୍ଷେତ୍ରରେ ପ୍ରେରଣା କାର୍ଯ୍ୟ କରୁ ଓ ଅଧିକରୁ ଅଧିକ ପାଠକଙ୍କ ପାଖରେ ପହଂଚୁ ବୋଲି ମତ ଦେଇ, ପ୍ରେରଣାକୁ ସହଯୋଗ କରିବା ପାଇଁ ପ୍ରତିଶୃତି ଦେଇଥିଲେ ।  ଅନ୍ୟତମ ଅତିଥି ଭାବରେ ବରିଷ୍ଠ ବିଜେପି ନେତା ଗୋପାଲଜୀ ପାଣିଗ୍ରାହୀ ଏବଂ ସ୍କୁଲର ପ୍ରଧାନଶିକ୍ଷକ ନରେନ୍ଦ୍ର ମିଶ୍ର ଯୋଗ ଦେଇ ନିଜର ବକ୍ତବ୍ୟ ରଖିଥିଲେ ।   ଶିକ୍ଷାବିତ୍ ମନୋରଂଜନ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ସଭା ପ୍ରାରମ୍ଭରେ ଅତିଥି ମାନେ ଶ୍ରୀଗଣେଶ, ମହାତ୍ମାଗାନ୍ଧି ଓ ଲାଲବାହାଦୁର ଶାସ୍ତ୍ରୀଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ ପୂର୍ବକ ସମାରୋହର ଶୁଭାରମ୍ଭ କରିଥିଲେ । ପ୍ରେରଣାର ସଂପାଦକ ରଘୁ ନନ୍ଦନ ସିଂହ ସଂପାଦକୀୟ ବିବରଣୀ ପାଠ କରିଥିଲେ । ବରିଷ୍ଠ

ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡାଙ୍କ ଦ୍ୱାରା ପ୍ରେରଣା ତରଫରୁ ଅତିଥି ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ବୀରମହାରାଜପୁରର କବି ଜଜ୍ଞେଶର ବିଶିଙ୍କ ଲିଖିତ ଭକ୍ତିରସାତ୍ମକ ପୁସ୍ତକ ‘ପଦ୍ମ ପାଖୁଡା’ ଉନ୍ମୋଚନ ହୋଇଥିଲା । ମାରୱାଡି ସମ୍ମେଳନର ବଲାଙ୍ଗୀର ଶାଖା ର ଅଧ୍ୟକ୍ଷ ସଂଜୟ ଅଗ୍ରୱାଲ, ଶିକ୍ଷୟିତ୍ରୀ ଧରିତ୍ରୀ ସାହୁ, ଆଗଲପୁର ବ୍ଲକ ଝରଣୀପାଲିର ପଂଚାୟତର ସରପଂଚ ସୁନୀତା ସାହୁ, ଶିକ୍ଷକ ଭକ୍ତଚରଣ ନାଏକ, ସାମ୍ବାଦିକ ନବୀନ ପଶାୟତ, ମହେନ୍ଦ୍ର ପ୍ରଧାନ, ତୁଷୁରାର ସାମ୍ବାଦିକ ମନୋଜ ଜୈନ, ଅରବିନ୍ଦ ସାହୁ, ପ୍ରବୀଣ ମହାନ୍ତି, ଉଷୁ  ଖେଳାଳିି ସୁଶ୍ରୀ ସୁହାନୀ ଗୁରହାଣ୍ଡି, କୁନି କେସିଓ ବାଦକ  ସ୍ଵୟଂ ସମ୍ପନ୍ନ ଖମାରୀ, ଆପ୍ରାଇଜ୍ ଗୃପ୍ ଇନଷ୍ଟିଚ୍ୟୁସନ୍ କୁ ପ୍ରେରଣା ତରଫରୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ସଭାକୁ ଅଂଜଳି ବାରିକ ସଂଯୋଜନା କରିଥିବା ବେଳେ ରଂଜିତ ମିଶ୍ର, ରତ୍ନମୟ ତ୍ରିପାଠୀ, ସ୍ୱରୂପାରାଣୀ ଠାକୁର, ବିନୋଦ ଦୀପ, ଦୁର୍ଯ୍ଯୋଧନ ପଶାୟତ, ରାମନାରାୟଣ ଦାଶ ପ୍ରମୁଖ ସହଯୋଗ କରିଥିଲେ । ଶେଷର ସଭାପତି ଶ୍ରୀ ସାହୁ ଧନ୍ୟବାଦ ଅର୍ପଣ କରିଥିଲେ ।   ଏହି ସମାରୋହରେ ସହରର ବହୁ ବୁଦ୍ଧିଜୀବୀ, ସାମ୍ବାଦିକ ଓ କବିଲେଖକ ମାନେ ଉପସ୍ଥିତ ଥିଲେ ।