30-Sep-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଟିକିରିପଡ଼ା ନିବାସୀ ଲକ୍ଷ୍ମୀ ନାରାୟଣ ସାହୁ ଙ୍କ ଧର୍ମପତ୍ନୀ ଉର୍ମିଳା ସାହୁ (ରେଣୁ) ଙ୍କ ୬୧ ବର୍ଷ ବୟସରେ ଗତ ୨୬ ତାରିଖ ରାତି ହୃଦଘାତରେ ଦେହାନ୍ତ ଖବର ଜଣା ପଡ଼ିବା ପରେ ସୋନପୁର ସହର ରେ ଶୋକ ର ଛାୟା ଖେଳିଯାଇଛି l ପ୍ରକାଶ ଥାଉ କି ସୋନପୁରର ବରିଷ୍ଠ ସାମ୍ବାଦିକ ଗୋରେଖ ନାଥ ସାହୁ ଙ୍କ ସାନ ଭାଇ ଲକ୍ଷ୍ମୀ ନାରାୟଣ ଙ୍କ ପତ୍ନୀ ଅଟନ୍ତି ସ୍ବର୍ଗତ ଉର୍ମିଳା ସାହୁ l ସ୍ବର୍ଗତ ଉର୍ମିଳା ଜଣେ ଧର୍ମ ପରାୟଣ, ଅତ୍ୟନ୍ତ ମେଳାପୀ, ସବୁବେଳେ ବେଶ ହସଖୁସି ଚେହେରା ତଥା ସମାଜସେବୀ ଭାବରେ ଜଣାଶୁଣା ଥିଲେ l ସହର ର ଜଣାଶୁଣା ମହିଳା ସ୍ବେଚ୍ଛାସେବୀ ଅନୁଷ୍ଠାନ ସୁବର୍ଣ୍ଣା ନାରୀ ଜାଗରଣ କେନ୍ଦ୍ର ର ଜଣେ ପ୍ରତିଷ୍ଠାତା ସଭ୍ୟ ଥିଲେ l ତାଙ୍କର ଆକସ୍ମିକ ଦେହାନ୍ତ ଅବସର ରେ ଆଜି ସୋନପୁର ଶ୍ରୀ ଗୋପାଳଜୀ ଯୋଗାଳୟ ରେ ଏକ ଶୋକ ସଭା ଅନୁଷ୍ଠିତ ହୋଇଯାଇଛି l ଡ. ସନ୍ତୋଷ କୁମାର ପାଢୀ ଙ୍କ ସଭାପତିତ୍ବରେ ଅନୁଷ୍ଠିତ ଏହି ଶୋକସଭା ରେ ଜ୍ୟୋତି ରଞ୍ଜନ ପଟ୍ଟନାୟକ, ଆର୍ତ୍ତତ୍ରାଣ ବାବୁ, ପ୍ରଦୀପ ପୁରୋହିତ ଙ୍କ ସମେତ ଅନେକ ସଦସ୍ୟ ଉପସ୍ଥିତ ଥିଲେ l ଏହି ଅବସରରେ ସ୍ୱର୍ଗତା ଉର୍ମିଳା ସାହୁ ଙ୍କ ଅମର ଆତ୍ମା ର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା l