16-Sep-2025

ବୀରମହାରାଜପୁର,(ବିନୋଦ ପାଣ୍ଡେ ‌)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ହାଇସ୍କୁଲରେ ଆଜି ‌ଜୋନ ସ୍ତରୀୟ ଖୋକୋ ଓ କବାଡି ଖେଳାଳି ଚୟନ ଶିବିର ଅନୁଷ୍ଠିତ ହୋଇଯାଇଛି। ଅମରପାଲି ହାଇସ୍କୁଲର ଖେଳ ଶିକ୍ଷକ କହ୍ନେଇ ଚରଣ ପ୍ରଧାନ ଙ୍କ ପୌରୋହିତ୍ୟରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ ପ୍ରଧାନ ଶିକ୍ଷକ ଉମେଶ ଚନ୍ଦ୍ର ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ଏହି ପ୍ରତିଯୋଗିତାରେ ବହଳପଦର, ଦୁର୍ଜନତୈଳା, ଲୁତୁରପଙ୍କ, କେନଝିରିଆପାଲି, ଖଣ୍ଡହତା ଓ ମୁର୍ଷୁଣ୍ଢି ପଞ୍ଚାୟତର ପ୍ରାୟ ୧୦ ଟି ସ୍କୁଲରୁ ୧୧୫ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ। ଏଥିରେ ୧୭ ବର୍ଷରୁ କମ ଓ ୧୪ ବର୍ଷରୁ କମ ଉଭୟ ବାଳିକା ଓ ବାଳକ ବର୍ଷର ଖୋକୋ ଏବଂ କବାଡି ପ୍ରତିପୋଗିତ ହୋଇଥିଲା। ଉଭୟ ବାଳିକା ଓ ବାଳକ ବର୍ଗର କବଡିରୁ ୩୮ ଜଣ ଓ ଖୋକୋ ରୁ ୩୯ ଜଣ ସମୁଦାୟ ୭୭ ଜଣ ପ୍ରତିଯୋଗୀ ଚୟନ ହୋଇ ବ୍ଲକ ସ୍ତରୀୟ ପ୍ରତିଯୋଗୀତା ରେ ଅଂଶ ଗ୍ରହଣ କରିବାକୁ ଯୋଗ୍ୟ ବିବେଚିତ ହୋଇଛନ୍ତି। ଆସନ୍ତା ଗୁରୁବାର ଦିନ ବ୍ଲକ ର ପିତାମହୁଲ ହାଇ ସ୍କୁଲରେ ହେବାକୁ ଥିବା  ବ୍ଲକ ସ୍ତରୀୟ ଖୋକୋ ଏବଂ କବାଡି ଖେଳାଳି ଚୟନ ଶିବିରେ ଚୟନ ହୋଇଥିବା ୭୭ ପ୍ରତିଯୋଗୀ ଅଂଶ ଗ୍ରହଣ କରିବେ। ଅମରପାଲି ହାଇସ୍କୁଲ ର ଖେଳ ପଡ଼ିଆରେ ଅନୁଷ୍ଠିତ ହୋଇଥିବା ଉକ୍ତ ଜୋନ ସ୍ତରୀୟ କବାଡି ଓ ଖୋକୋ ଖେଳାଳି ଚୟନ ଶିବିର ରେ ସ୍ଥାନୀୟ ହାଇସ୍କୁଲ ର ଖେଳ ଶିକ୍ଷକ କହ୍ନେଇ ଚରଣ ପ୍ରଧାନ ସମେତ କେନଝିରିଆପାଲି ହାଇସ୍କୁଲର ଖେଳ ଶିକ୍ଷକ ସୁରେନ୍ଦ୍ର କୁମାର ପ୍ରଧାନ, ଲୁତୁରପଙ୍କ ହାଇସ୍କୁଲର ଖେଳ ଶିକ୍ଷକ ଶକ୍ତି ସାମନ୍ତରାୟ, ସ୍ଥାନୀୟ ୟୁପି ସ୍କୁଲ ର ଖେଳ ଶିକ୍ଷୟିତ୍ରୀ ଆନନ୍ଦୀନୀ ପ୍ରଧାନ, ମୁର୍ଷୁଣ୍ଢି ହାଇସ୍କୁଲର ଖେଳ ଶିକ୍ଷକ ଶ୍ରୀକାନ୍ତ ନାଏକ, ବିପ୍ର ଚରଣ ପେରା,ଶେଷଦେବ ପ୍ରଧାନ,ନଳରାଜ ମେହେର  ଖେଳ ଗୁଡ଼ିକ ପରିଚାଳନା କରିଥିଲେ। ଅମରପାଲି ହାଇସ୍କୁଲର ସମସ୍ତ ଶିକ୍ଷକ, କର୍ମଚାରୀ ସମତେ ବିଭିନ୍ନ ସ୍କୁଲରୁ ଆସିଥିବା ଶିକ୍ଷକମାନେ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।