16-Sep-2025

ବରପାଲି  (ସୁଦାମ ଦୀପ)
 ବରଗଡ ଜିଲ୍ଲା ବରପାଲି ଜଗନ୍ନାଥ ନଗର ଏଥର ୫୦ ତମ ସାର୍ବଜନୀନ ଦୁର୍ଗାପୂଜା ସୁବର୍ଣ୍ଣ ଜୟନ୍ତୀ ମହୋତ୍ସବ ପାଳନ କରୁଛି। ଆଜି ସକାଳ ୧୦ ଟା ସମୟରେ ଜଗନ୍ନାଥ ନଗର ପୂଜା ମଣ୍ଡପ ଠାରେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଆଗାମୀ ଆଶ୍ଵିନ ଶୁକ୍ଳପକ୍ଷ ପ୍ରତିପଦା ତା. ୨୨.୦୯.୨୫ ସୋମବାର ଦିନ ଠାରୁ ଆଶ୍ଵିନ ଶୁକ୍ଳପକ୍ଷ ଦଶମୀ ତା. ୦୨.୧୦.୨୫ ଗୁରୁବାର ଦିନ ପଯ୍ୟନ୍ତ ନବଦିନାମ୍କକ ମାଁ ଦୂର୍ଗାଙ୍କ ପୂଜା ଅନୁଷ୍ଠିତ ହେବ। ଏହି ସାମ୍ବାଦିକ ସମ୍ମିଳନୀରେ ସଭାପତି ପ୍ରଦ୍ୟୁମ୍ନ କୁମାର ତ୍ରିପାଠୀ, କାର୍ଯ୍ୟକାରୀ ସଭାପତି ରୋହିତ ବଢଳ ଏବଂ ଭୈରବ ମେହେର, ସାଧାରଣ ସମ୍ପାଦକ ଯଦୁମଣି ତ୍ରିପାଠୀ, ସହ ସମ୍ପାଦକ ସୁଜିତ କୁମାର ଥଇତ ଏବଂ ସନ୍ତୋଷ ଗୁପ୍ତା, କୋଷାଧ୍ୟକ୍ଷ ନେତରାମ ଅଗ୍ରୱାଲ, ସଞ୍ଜୟ ଅଗ୍ରୱାଲ ଓ ଜିତେନ୍ଦ୍ର ଅଗ୍ରୱାଲ, ଉପଦେଷ୍ଟା ମଣ୍ଡଳୀ ରେ ମଳୟ କୁମାର ତ୍ରିପାଠୀ, ନରେନ୍ଦ୍ର କୁମାର ଅଗ୍ରୱାଲ, କିଶୋର କୁମାର କୁଷ୍ଟା, କିଶନ ଅଗ୍ରୱାଲ ସଭାରେ ଉପସ୍ଥିତ ଥିଲେ। ଏଥର ୫୦ ତମ ସାର୍ବଜନୀନ ଦୁର୍ଗାପୂଜା ସୁବର୍ଣ୍ଣ ଜୟନ୍ତୀ ବହୁ ଧୁମ୍ ଧାମରେ ପାଳନ ହେବାକୁ କମିଟି ପକ୍ଷରୁ ସୂଚନା ମିଳିଛି। ମାଁ ଦୂର୍ଗାଙ୍କ ଖଣ୍ଡାଧୂଆ ଓ କଳସ ଶୋଭାଯାତ୍ରା ରୁ ପୂଜା ଆରମ୍ଭ କରି ଦେବୀ ଆବାହନ, ମାଁ ଙ୍କ ଶୈଳପୁତ୍ରୀ ବେଶ, ଚଣ୍ଡୀପାଠ, ଷୋଡଶପଚାର ପୂଜା, ମାଁ ଙ୍କ ନବଦୁର୍ଗା ବେଶ ଅନୁଷ୍ଠିତ ହେବ। ମନୋରଞ୍ଜନ କାର୍ଯ୍ୟକ୍ରମ ରେ ବୁଗି ବୁଗି, ହାସ୍ୟକବି ସମ୍ମିଳନୀ, କସରତ, ମହିଳା କିରତନ, ସୁଶ୍ରୀ ପ୍ରାପ୍ତି ଆଚାର୍ଯ୍ୟ ପାରାୟଣ, ଭଜନ, ଅର୍କେଷ୍ଟ୍ରା ଉମାକାନ୍ତ ବାରିକ, ହାସ୍ୟ ଅଭିନେତା ଯୋଗେଶ ଜୋଜୋ ଏବଂ ସାଥି କଳାକାର ଅନୁଷ୍ଠିତ ହେବ। ଚଳିତ ବର୍ଷ ସୁବର୍ଣ୍ଣ ଜୟନ୍ତୀ ମହୋତ୍ସବ ରେ ଏକ ସ୍ମରଣିକା ରାଜେଶ୍ବରୀ ନାମରେ ୫୦ ବର୍ଷ ର ଅନୁଭୂତି, ଦେବୀ ମହାତ୍ମ୍ୟ ତଥା ଓଡ଼ିଶାର ବରେଣ୍ୟ ଲେଖକ ଲେଖିକା ମାନଙ୍କ ଲେଖା ଏବଂ ମତାମତ ଗୁଡିକ ସ୍ଥାନ ପାଇଛି। ଚଳିତ ବର୍ଷ ୨୦୨୫ ଦୁର୍ଗାପୂଜା ପାଇଁ  ହାରାହାରି ୩୫ ଲକ୍ଷ ଟଙ୍କା ର ପ୍ରସ୍ତାବିତ ବଜେଟ ଲକ୍ଷ୍ୟ କରାଯାଇଛି। ପ୍ରତ୍ୟେକ ସନ୍ଧ୍ୟାରେ ଅନ୍ନଭୋଗ ର ବ୍ୟବସ୍ଥା ସ୍ରଧାଳୁ ଙ୍କୁ ଯୋଗେଇ ଦିଆଯିବ। ସଭା ଶେଷରେ ସାମ୍ବାଦିକ ବନ୍ଧୁ ମାନେ, ଗଣମାଧ୍ୟମର ସମସ୍ତ କର୍ମକର୍ତ୍ତାଙ୍କ ମାନେ ପୂଜା ସମୟରେ ଉପସ୍ଥିତି ରହି ବହୁଳ ଭାବରେ ପ୍ରଚାର ପ୍ରସାର କରିବାକୁ ଅନୁରୋଧ କରିଛନ୍ତି ଜଗନ୍ନାଥ ନଗର ଦୁର୍ଗାପୂଜା କମିଟି । ଶେଷରେ ଧନ୍ୟବାଦ ଅର୍ପଣ କରିଥିଲେ ସହ ସମ୍ପାଦକ ରୋହିତ ବଢଳ।