23-Aug-2025

ଲୋଇସିଂହା, (ପ୍ରେରଣା ଖବର)ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ପରିସରରେ ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନା ର ଦକ୍ଷତା ବିକାଶ ତାଲିମ କାର୍ଯ୍ୟକ୍ରମ ଶୁଭ ଉଦଘାଟନ ହୋଇଯାଇଛି l ଗ୍ରାମାଞ୍ଚଳ ର ଶିକ୍ଷିତ ଓ ଅର୍ଦ୍ଧ ଶିକ୍ଷିତ ଯୁବକ ଯୁବତୀଙ୍କ ପାଇଁ ନିଯୁକ୍ତି ପାଇଁ  ରାଜ୍ୟ ସରକାରଙ୍କ ଦିନ ଦୟାଲୁ ଉପାଧ୍ୟାୟ ଗ୍ରାମୀଣ କୌଶଳ ଯୋଜନା ରୂପାୟନ ସକାଶେ ଲୋଇସିଂହା ବ୍ଲକ ପରିସରରେ ପଞ୍ଚମଶ୍ରେଣୀ ରୁ ଉର୍ଦ୍ଧ ଶିକ୍ଷାଗତ ଥିବା ୧୮ ରୁ ୩୫ ବର୍ଷୀୟ ଗ୍ରାମାଞ୍ଚଳର ଶିକ୍ଷିତ ଓ ଅର୍ଦ୍ଧ ଶିକ୍ଷିତ ଯୁବକ ଯୁବତୀ ମାନଙ୍କୁ ନିଯୁକ୍ତି ଦେବା ଲକ୍ଷ ନେଇ ଆଜି  ବ୍ଲକ ପରିସରରେ ଦିନଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନା କାର୍ଯ୍ୟକ୍ରମ ଅଯୋଜିତ ହୋଇଥିଲା l କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବ୍ଲକ ଅଧକ୍ଷ୍ୟ ଯତୀନ୍ଦ୍ର ପଟେଲ,ବିଡିଓ ଅକ୍ଷୟ ପାଣି ଉଡ୍ଡୁ, ଏବିଡ଼ିଓ କିଶୋର ମାନସିଂହ ଙ୍କ ସମେତ ଜିଲ୍ଲା ସଂଯୋଜକ ଉପସ୍ଥିତ ଥିଲେ l ଏହି ନିଯୁକ୍ତି ମେଳାରେ ମୋଟ ୨  ଟି କମ୍ପାନୀ ର ପି.ଆଇ ମାନେ ଯୋଗଦେଇଥିବା ବେଳେ ଅଞ୍ଚଳର ୧୮୦ ଜଣ ଯୁବକ ଯୁବତୀ ନାମ ପଞ୍ଜିକରଣ କରିଥିବା ସୂଚନା ମିଳିଛି l ଏଥି ମଧ୍ୟରୁ ୧୬ ଜଣ ଆଜି ନିଯୁକ୍ତି ପାଇଛନ୍ତି l ଆଗାମୀ ଦିନରେ ଏହି ଯୋଜନା ମାଧ୍ୟମରେ ଅଞ୍ଚଳର ୫୦ ରୁ ଉର୍ଦ୍ଧ ଯୁବକ ଯୁବତୀ ନିଯୁକ୍ତି ପାଇବାର ସୁଯୋଗ ଥିବା ଜଣାଯାଇଛି l