23-Aug-2025

ନୂଆପଡା ଜିଲ୍ଲା କୋମନା ରେଞ୍ଜ ଭାଲୁକନା ପାଟିଡଙ୍ଗର ଠାରେ ବରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାର ବନବିଭାଗ ଜବତ କରିବା ସହ ୩ଜଣ ଅଭିଯୁକ୍ତକୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଭାଲୁକନା ଗାଁର ସୋମନାଥ ସାହୁ  ବୟସ(୫୦), ମାଧବ ମାଝି ବୟସ (୨୫) ଏବଂ ଚମରା ମାଝି ବୟସ(୩୦) । ସଂପୃକ୍ତ ତିନିଜଣ ବ୍ୟକ୍ତି ବ୍ୟକ୍ତି ଭାଲୁକନା ପାଟି ଡଙ୍ଗରଠାରେ ଫାସ ଲଗେଇ ଥିବା ବେଳେ ଗ୍ରାମବାସୀ ମାଡ଼ି ବସିଥିଲେ। ସେମାନଙ୍କୁ ଧରି କୋମନା ବନବିଭାଗକୁ ଖବର ଦେଇଥିଲେ। ଖଡ଼ିଆଳ ଡିଭିଜନ ଏସିଏଫ ମହମ୍ମଦ ମୁସ୍ତଫା ସାଲେହାଙ୍କ ନେତୃତ୍ୱରେ କୋମନା ରେଞ୍ଜର ଦେବଦତ୍ତ ସୂତାର, ଫରେଷ୍ଟର ଗୋପାଳ ମହାନନ୍ଦ ସହ ଏକ ଟିମ ଘଟଣାସ୍ଥଳକୁ ପହଞ୍ଚିଥିଲେ। ୩ଜଣଙ୍କୁ ଗିରଫକରି ତାଙ୍କଠାରୁ ବରହା ଫାସ, ବିଦ୍ୟୁତ ତାର ଓ  ଜାଲ ଜବତ କରିଥିଲେ। ପରେ ସେମାନଙ୍କୁ କୋର୍ଟ ଚାଲାଣ କରିଥିବା ବେଳେ ଫେରାର ଦେବସିଂ ମାଝିକୁ ଗିରଫ କରିବା ପାଇଁ ଉଦ୍ୟମ ଜାରି ରହିଛି ବୋଲି ଏସିଏଫ ମହମ୍ମଦ ମୁସ୍ତଫା ସାଲେହା ସୂଚନା ଦେଇଛନ୍ତି।

●ନୂଆପଡା ଜିଲ୍ଲାରୁ ପରମେଶ୍ୱର ମେହେରଙ୍କ ରିପୋର୍ଟ