22-Aug-2025

କଣ୍ଟାମାଳ(ଜୟକୁମାର ମହାରଣା):କଣ୍ଟାମାଳ ବ୍ରାହ୍ମଣ ସମାଜର ବାର୍ଷିକ ସାଧାରଣ ବୈଠକ ସଂଘର ବରିଷ୍ଠ ଉପଦେଷ୍ଟା ନବୀନ କୁମାର ବିଶିଙ୍କ ସଭାପତିତ୍ୱ ଓ ସଂଯୋଜକ ସନତ ମିଶ୍ରଙ୍କ ସଂଯୋଜନାରେ ଶୁକ୍ରବାର ସମାଜର ଅସ୍ଥାୟୀ କାର୍ଯ୍ୟାଳୟ ନଳିନୀ ନିବାସରେ ଅନୁଷ୍ଠିତ ହୋଇଯାଇଛି l ବୈଠକରେ ପୂର୍ବବର୍ଷର ପ୍ରସ୍ତାବର କାର୍ଯ୍ୟକାରିତା ଓ ସମସ୍ୟା ସମ୍ପର୍କରେ ବିସ୍ତୃତ ଭାବେ ଆଲୋଚନା ପରେ ନୂତନ କମିଟି ଗଠନ ସମ୍ପର୍କରେ  ସଦସ୍ୟମାନେ ମତରଖିଥିଲେ l ବୈଠକରେ ସଭାପତି ଭାବେ ସନ୍ତୋଷ କୁମାର ବିଶିଙ୍କୁ ସର୍ବସମ୍ମତି କ୍ରମେ ମନୋନୀତ କରାଯାଇଥିବାବେଳେ ଭାଗ୍ୟଧର ମିଶ୍ର ଉପସଭାପତି, ଜୟକୃଷ୍ଣ ମିଶ୍ର ସମ୍ପାଦକ, ସୁବାସ ରଥ ସହସମ୍ପାଦକ ଓ ସତ୍ୟନାରାୟଣ ପାଢ଼ୀଙ୍କୁ କୋଷାଧ୍ୟକ୍ଷ୍ୟ ଭାବେ ଚୟନ କରାଯାଇଥିଲା l ସଂଘରେ କାର୍ଯ୍ୟକାରୀ ସଦସ୍ୟ ଭାବେ ସିଦ୍ଧେଶ୍ୱର ପାଣିଗ୍ରାହୀ, ରାଜୀବ ମିଶ୍ର, ଐଶ୍ୱର୍ଯ୍ୟା ବିଶି, ପ୍ରଭାସ ମିଶ୍ର, ସତୀଶ କୁମାର ଦାସ ଓ ହରିବନ୍ଧୁ ପୁରୋହିତ ଆଦିଙ୍କୁ ମନୋନୀତ କରାଯାଇଛି l   ସେହିପରି ଉପଦେଷ୍ଟା ଭାବରେ ବରିଷ୍ଠ ସଦସ୍ୟ ନବୀନ କୁମାର ବିଶି, ବସନ୍ତ କୁମାର ମିଶ୍ର, ରଘୁନାଥ ପାଣିଗ୍ରାହୀ, ଘନଶ୍ୟାମ ମିଶ୍ର, ସହଦେଵ ମିଶ୍ର, ବିଜୟ କୁମାର ପାଣିଗ୍ରାହୀ, ଓ ରମେଶ ପାଣିଗ୍ରାହୀ ପ୍ରମୁଖ ମନୋନୀତ ହୋଇଥିଲେ  l   ସଂଯୋଜକ ଭାବେ ସନତ କୁମାର ମିଶ୍ର ଓ ଆନନ୍ଦ ମିଶ୍ର ସହସଂଯୋଜକ ମନୋନୀତ ହୋଇଥିଲେ l ଆନନ୍ଦ ଚନ୍ଦ୍ର ପାଢ଼ୀ ବସନ୍ତ ପାଢ଼ୀ, ଚକାନୟନ ମିଶ୍ର ଆଦି ସକ୍ରିୟ ସହଯୋଗ କରି ଥିଲେ l କର୍ମକର୍ତ୍ତା ଚୟନ ପରେ ଆସନ୍ତା ୬ତାରିଖ ଦିନ ବ୍ରାହ୍ମଣ ସମାଜ ଆନୁକୂଲ୍ୟରେ କଣ୍ଟାମାଳ ବ୍ଲକଛକ ଶ୍ରୀରାମ ମନ୍ଦିର ଠାରେ ପ୍ରତିବର୍ଷ ଭଳି ଭାଗବତ ଅନ୍ତଃମୁଖି ପୂଜନ କାର୍ଯ୍ୟକ୍ରମ ପାଳନ ପାଇଁ ବୈଠକରେ ନିଷ୍ପତ୍ତି ନିଆଯାଇଥିଲା l ଉକ୍ତ ଅନ୍ତଃମୁଖୀ କାର୍ଯ୍ୟକ୍ରମରେ ଯଜ୍ଞସେନ ମିଶ୍ର ପୂଜକ ଏବଂ ବସନ୍ତ ପାଢ଼ୀ ସସ୍ତ୍ରିକ କର୍ତ୍ତା ଦାୟିତ୍ୱ ତୁଲାଇବା ପାଇଁ ନିଷ୍ପତ୍ତି ହୋଇଛି l ଅନ୍ତଃମୁଖୀ କାର୍ଯ୍ୟକ୍ରମ ର ସଫଳ ରୂପାୟନ ପାଇଁ ସମସ୍ତ ସଦସ୍ୟ ସଦସ୍ୟା ଉପସ୍ଥିତ ରହି ଆନ୍ତରିକତାର ସହ ସହଯୋଗ କରିବା ପାଇଁ ନୂତନ ସଭାପତି ଶ୍ରୀ ବିଶି ସମସ୍ତଙ୍କୁ ଅନୁରୋଧ କରିଥିଲେ  l