16-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଶ୍ରୀ ରାମେଶ୍ୱର ଷ୍ଟାଡିୟମ୍ ଠାରେ ଜିଲ୍ଲା ସ୍ତରୀୟ ୭୯ ତମ ସ୍ବାଧିନତା ଦିବସ ମହା ସମାରୋହରେ ପାଳିତ ହୋଇ ଯାଇଛି l ଏହି ଉତ୍ସବରେ ଓଡିଶା ଉଚ୍ଚ ଶିକ୍ଷା, ସଂସ୍କୃତି ଓ କ୍ରୀଡ଼ା ବିଭାଗ ମନ୍ତ୍ରୀ ଶ୍ରୀ ସୂର୍ଯ୍ୟ ବଂଶୀ ସୁରଜ୍ ମୁଖ୍ୟ ଅତିଥି ଭାବରେ ଯୋଗ ଦେଇ ଜାତୀୟ ପତାକା ଉତ୍ତୋଳନ କରି ପ୍ୟାରେଡ ଅଭିବାଦନ କରି ଉଦବୋଧନ ଦେଇଥିଲେ l ସ୍ଵାଧୀନତା ସଂଗ୍ରାମୀ ଓ ସହିଦ୍ ବରପୁତ୍ର ମାନଙ୍କୁ ମନେ ପକେଇ ଆଜି ଏ ଜିଲ୍ଲା ର ଗୁରୁବାରି ମେହେର, ଲକ୍ଷଣ ଶତପଥି ଓ ଚତୁର୍ଭୁଜ ମିଶ୍ର ଙ୍କ ଭଳି ସଂଗ୍ରାମୀ ଙ୍କ ପାଈଁ ଆମେ ସ୍ଵାଧୀନତା ପାଇଛୁ ବୋଲି ମତ ରଖି ଏମାନଙ୍କ ବଳିଦାନ ଆଗମୀ ପିଢୀ ଙ୍କୁ ପ୍ରେରିତ କରିବ ବୋଲି କହିଥିଲେ l ଓ ଗଡ ଜାତ ଭାରତ ଛାଡ ଆନ୍ଦୋଳନରେ ଏ ଜିଲ୍ଲା ର ଭୂମିକା ଗୁରୁତ୍ଵପୂର୍ଣ୍ଣ ବୋଲି କହିଥିଲେ l ପାତାଳୀ ଶ୍ରୀକ୍ଷେତ୍ର ଓ ଭୀମଭୋଇ ଙ୍କ ପାଇଁ ଏ ମାଟି ର ଏକ ସ୍ଵତନ୍ତ୍ରତା ଅଛି ଏ ମାଟି ର ମହକ ଅଛି ବୋଲି କହିଥିଲେ l ଏ ମାଟି ସଂସ୍କୃତି ର ଏକ ଜ୍ୱଳନ୍ତ ଉଦାହରଣ ବୋଲି କହି ଆୟୁଷ୍ମାନ ଯୋଜନା, ପି ଏମ୍ ଶ୍ରୀ ଶିକ୍ଷା ଯୋଜନା, ଓ ଖେଲୋ ଇଣ୍ଡିଆ ଭଳି ରାଜ୍ୟ ସରକାର ଙ୍କ ବିଭିନ୍ନ ଲୋକାଭିମୁଖୀ ଯୋଜନା ଲୋକ ଙ୍କ ପାଖକୁ ପହଞ୍ଚିଛି ବୋଲି କହିଥିଲେ l

ଏ ଜିଲ୍ଲା ର ଓ ଓଡ଼ିଶା ର ବିକାଶ ହେଲେ ଭାରତ ର ବିକାଶ ହେବ ବୋଲି କହିଥିଲେ l ପରେ ପରେ ଜିଲ୍ଲା ର ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ବ୍ୟକ୍ତି ବିଶେଷ ଓ ଅନୁଷ୍ଠାନ କୁ ମୁଖ୍ୟ ଅତିଥି ମନ୍ତ୍ରୀ ପୁରସ୍କୃତ କରିଥିଲେ l ପରେ ପରେ ସହର ର ଶିଶୁ ଗୃହ, ଜିଲ୍ଲା କାରାଗାର ର ଅନ୍ତେବାସୀ ଙ୍କ ସହ ମେଡିକାଲ୍ ରୋଗୀ  ଓ ଭିନ୍ନ କ୍ଷମ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କୁ ମନ୍ତ୍ରୀ ମିଷ୍ଟାନ୍ନ ବଣ୍ଟନ କରିଥିଲେ l ମାନ୍ୟବର ମନ୍ତ୍ରୀ ମହିମା ପୀଠ ଖଲିଆପାଲି, ପାତାଳୀ ଶ୍ରୀକ୍ଷେତ୍ର, ଚର୍ଦ୍ଦା ଶୈବ ପୀଠ ପରିଦର୍ଶନ କରି ମନ୍ଦିର କମିଟି ସହ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସମ୍ପର୍କରେ ଆଲୋଚନା କରିଥିଲେ l ପରେ ଜାଲୋଇ ଆମ୍ବେଦକର ଖେଳ ପଡିଆ ରେ ଚାଲିଥିବା  ଫୁଟବଲ୍ ଟର୍ଣ୍ଣମେଣ୍ଟ ରେ ଯୋଗ ଦେଇଥିଲେ l ଓ ଜିଲ୍ଲା ରେ କ୍ରୀଡ଼ା ର ଭିତ୍ତିଭୂମି ସୁଦୃଢ କରିବା ସମ୍ପର୍କରେ ଜିଲ୍ଲା ପ୍ରଶାସନ ଓ କ୍ରୀଡ଼ା ସଂଘ ସହ ଆଲୋଚନା କରିଥିଲେ l ସଂନ୍ଧ୍ୟାରେ ସହର ର ନାରାୟଣ ସେବା ରୋଗୀ ଆଶ୍ରମ ରେ ପହଞ୍ଚି ରୋଗୀ ଙ୍କ ସମସ୍ତ ସମସ୍ୟା ବୁଝିଥିଲେ l ଏ ସମସ୍ତ କାର୍ଯ୍ୟ କ୍ରମ ବୀର ମହାରାଜ ପୁର ବିଧାୟକ ଶ୍ରୀ ରଘୁ ଜଗଦଲା, ସୁବର୍ଣ୍ଣପୁର ଜିଲ୍ଲାପାଳ ଡଃ ନୃପ ରାଜ ସାହୁ, ଏସପି ନାରାୟଣ ନାୟକ ଉପସ୍ଥିତ ଥିଲେ l