06-Jul-2025

ସୁବର୍ଣ୍ଣପୁର ,/ ବିନିକା
 ସୁବର୍ଣ୍ଣପୁର ଜିଲ୍ଲା ବିନିକା ସହର ରେ ବାହୁଡା଼ ଯାତ୍ରା ରେ ରଥ ଟାଣିବା ସମୟରେ ଅପରାହ୍ନ ରେ ଆଜି ଠେଲାପେଲା ରେ ଜଣେ ନାବାଳକ ଗୁରୁତର ହୋଇଥିବା ବେଳେ ୪ ଜଣ ଆହତ ହୋଇଛନ୍ତି । ଘଟଣାରୁ ପ୍ରକାଶ ଯେ ବିନିକା ସହରର କଂସାରୀପଡା ଗୁଣ୍ଡିଚା ମନ୍ଦିର ନିକଟରେ ବଳଭଦ୍ର ଓ ସୁଭଦ୍ରାଙ୍କ ରଥ ଟଣା ଚାଲିଥିଲା I ହେଲେ ଏହି ସମୟରେ ମହାପ୍ରଭୁଙ୍କ ବାହୁଡା଼ଯାତ୍ରା ଦେଖିବା ପାଇଁ କଂସାରୀପଡାର ୩ ଜଣ ବାଳକ ଓ ନୂଆପଡାର ଜଣେ ନାବାଳକ ରଥ ପାଖରେ ଠେଲା ପେଲା ରେ ଲୋକ ଓ ଚକ ଧକ୍କା ରେ ତଳେ ଚାପିହୋଇ ଯାଇଥିଲେ  I ଯାହା ଫଳରେ ଜଣେ ନାବାଳକ ଗୁରୁତର ହେବାରୁ ଉଚ୍ଚ ସ୍ତରୀୟ ଚିକିତ୍ସା ପାଇଁ ତାକୁ ବୁର୍ଲା ଡ଼ାକ୍ତରଖାନା କୁ ପଠା ଯାଇଥିବା  ବେଳେ ଅନ୍ୟ ୩ ଜଣ ଆହତ ଙ୍କୁ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରଶାସନ ପକ୍ଷରୁ ପ୍ରାଥମିକ ଚିକିତ୍ସା  କରାଯାଇ ଥିବା ଜଣା ଯାଇଛି l ଏ  ଘଟଣା ରେ ପୋଲିସ ପ୍ରଶାସନ ର ଅବହେଳା ଯୋଗୁଁ ଲୋକେ ଉତ୍ତେଜିତ ହୋଇ ଥିବା ବେଳେ ବିନିକା ଅତିରିକ୍ତ ତହସିଲଦାର ଓ ଥାନା ଅଧିକାରୀ ସ୍ପର୍ଟ କୁ ପହଞ୍ଚି ସ୍ଥିତି କୁ ନିୟନ୍ତ୍ରଣ କରିଥିବା ଜଣା ଯାଇଛି l ପ୍ରଶାସନ ପକ୍ଷରୁ ତିନି ଜଣ ଆହତ ଙ୍କ ଘର କୁ ସନ୍ଧ୍ୟାରେ ବିନିକା  ଏନ୍ ଏ ସି କାର୍ଯ୍ଯ ନିର୍ବାହୀ ଅଧିକାରୀ ପହଞ୍ଚି ସ୍ବାସ୍ଥ୍ୟ ବସ୍ଥା ପଚାରି ବୁଝି ଥିବା ଓ  ଗୁରୁତର ନାବାଳକ ଙ୍କ ସହ ଏ ତିନି ଜଣ ଆହତ ଙ୍କୁ ମଧ୍ୟ ପ୍ରଶାସନ ପକ୍ଷରୁ ସମସ୍ତ  ଚିକିତ୍ସା ସୁବିଧା ଯୋଗାଇ ଦିଆଯିବ ବୋଲି ସେ ପ୍ରତିଶୁତି ଦେଇ ଥିବା ସ୍ଥାନୀୟ  ତହସିଲଦାର ରସ୍ନା ଭୋଇ ଙ୍କ ଠାରୁ ସୁଚନା ମିଳିଛି l ଓ ଆସନ୍ତା କାଲି ରଥ ଟଣା ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯିବ ବୋଲି ସେ ସୁଚନା ଦେଇଛନ୍ତି l ସ୍ଥାନୀୟ ଲୋକେ କିନ୍ତୁ ରଥ ଟଣା ବେଳେ ଭକ୍ତ ଙ୍କ ସୁରକ୍ଷା ରେ ପର୍ଯ୍ୟାପ୍ତ ପୋଲିସ ବ୍ୟବସ୍ଥା ନ ଥିବା ଯୋଗୁଁ ଏହା ଘଟିଲା , ପ୍ରଶାସନ ଓ ପୋଲିସ ହିଁ ଆଜିର ଏ ଘଟଣା ରେ ସମ୍ପୂର୍ଣ୍ଣ ଦାୟୀ ବୋଲି ଲୋକେ ଅଭିଯୋଗ କରିଛନ୍ତି l ପ୍ରକାଶ ଥାଉ କି ଯେ ସୁବର୍ଣ୍ଣପୁର  ସଦର ମହକୁମାରେ ମଧ୍ୟ ପୋଲିସ ,  ଦେବୋତ୍ତର ବିଭାଗ  ଓ ଜିଲ୍ଲା ପ୍ରଶାସନ ର ଅବହେଳା ପାଇଁ ଶ୍ରୀ ଗୁଣ୍ଡିଚା ରଥ ଯାତ୍ରା  ରଥ ଟଣା ବେଳେ  ଜଣେ ଭକ୍ତ ଙ୍କ ମୁଣ୍ଡ ଫାଟି ପ୍ରଚୁର ରକ୍ତ ସ୍ରାବ ହୋଇଥିବା ଓ ବଡ ଦାଣ୍ଡ ରେ ଅନେକ ଦୋକାନ ବଜାର ରେ ରଥ ଚଢ଼ି କ୍ଷୟ କ୍ଷତି ହୋଇ ଥିବା  ଖବର ଓ ଏ ଦୃଶ୍ୟ କାହାକୁ ଅଛପା ନାହିଁ ! ମନୋରଞ୍ଜନ  ତ୍ରିପାଠୀ  ସହିତ ହିମାଂଶୁ ପୁଟେଲ ଙ୍କ ରିପୋର୍ଟ