06-Jul-2025

ବିନିକା(ହିମାଂଶୁ ଶେଖର ପୁଟେଲ)ଜନ୍ମ ବେଦୀରେ ୧୦ଦିନ ଅବସ୍ଥାନ ପରେ ଆଜି ବିନିକା ସହରରେ ତିନି ଠାକୁର ବାହୁଡ଼ା ଯାତ୍ରା କରି ନିଜ ମନ୍ଦିରକୁ ଯାଉଥିଲେ ।ହେଲେ ରଥ ଟଣା ବେଳେ ଅଘଟଣ ଘଟିଥିଲା ଏହି ଅଘଟଣରେ ୪ନାବାଳକ ସହ ୨ଜଣ ଭକ୍ତ ରଥ ତଳେ ଚାପି ହୋଇ ଯାଇଥିଲେ ।ଫଳରେ ଜଣେ ନାବାଳକର ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ବେଳେ ଅନ୍ୟ ସମସ୍ତ ଆହତ ବିନିକା ଡାକ୍ତରଖାନାରେ ଚିକିତ୍ସାଧିନ ଥିବା ଜଣାପଡିଛି ।ଖବରରୁ ପ୍ରକାଶ ଯେ ଗତକାଲି ତିନି ଠାକୁର ରଥରେ ବିଜେ ହୋଇଥିଲେ ।ଆଜି ନିର୍ଦ୍ଧାରିତ ସମୟ ୩ଟାରେ ରଥ ଟଣା କାର୍ଯ୍ୟକ୍ରମ ଆରମ୍ଭ ହୋଇଥିଲା ।ମହାପ୍ରଭୁଙ୍କ ବାହୁଡ଼ା ଯାତ୍ରା ଦେଖିବା ପାଇଁ ବହୁ ଶ୍ରଦ୍ଧାଳୁ ଭକ୍ତଙ୍କ ଭିଡ଼ ଜମିଥିଲା ।ଶ୍ରଦ୍ଧାଳୁ ଭକ୍ତମାନେ ଜୟ ଜୟ ଧ୍ବନିରେ ପ୍ରଥମେ ବଳଭଦ୍ର ଓ ଶୁଭଦ୍ରାଙ୍କ ରଥକୁ ଟାଣିଥିଲେ। ହେଲେ ରଥ ଗୁଣ୍ଡିଚା ମନ୍ଦିର ନିକଟକୁ ଆସିବା ପରେ ୪ନାବାଳକ ସହ ୨ଜଣ ଭକ୍ତ ରଥ ତଳେ ଚାପି ହୋଇ ଆହତ ହୋଇଥିଲେ। ତୁରନ୍ତ ଉପସ୍ଥିତ ଭକ୍ତମାନେ ଆହତଙ୍କୁ ବିନିକା ଡ଼ାକ୍ତରଖାନାକୁ ଆଣି ଭର୍ତ୍ତି କରିଥିଲେ ।ସେଥିରୁ ଜଣେ ନାବାଳକଙ୍କ ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । ଖବର ଲେଖା ଯିବା ପର୍ଯ୍ୟନ୍ତ ସମସ୍ତ ଆହତ ଡାକ୍ତରଖାନାରେ ଚିକିତ୍ସାଧୀନ ଥିବା ଜଣାପଡିଛି।