21-Jun-2025

ବଲାଙ୍ଗିର(ପ୍ରେରଣା ଖବର): ସରକାରୀ ମହିଳା ମହାବିଦ୍ୟାଳୟ ପରିସରରେ ୧୧ତମ ଅନ୍ତର୍ଜାତୀୟ ଯୋଗଦିବସ ପରିପାଳିତ ହୋଇଯାଇଛି I ଜାତୀୟ ସେବା ଯୋଜନା ତଥା  ଜାତୀୟ ସମର ଶିକ୍ଷାର୍ଥୀ ବାହିନୀର ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସଭାପତିତ୍ବ କରିଥିଲେ  ଅଧ୍ୟକ୍ଷ ଡ଼. ଅରବିନ୍ଦ କୁମାର ଓଝା I ଉକ୍ତ କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବରେ ସରକାରୀ ଆୟୁର୍ବେଦ

ମହାବିଦ୍ୟାଳୟ, ବଲାଙ୍ଗିରର ସ୍ୱାସ୍ଥ୍ୟବୃତ୍ତ ଓ ଯୋଗ ବିଭାଗର ବିଭାଗୀୟ ମୁଖ୍ୟ  ଡ଼. ସ୍ନେହଲତା ପ୍ରଧାନ, ବଲାଙ୍ଗିର ଏନ୍ ସି ସି ବାଟାଲିୟନର ସୁବେଦାର  ବିନୋଦ କୁମାର ଅତିଥି ଭାବରେ  ଯୋଗଦେଇ  ଉପସ୍ଥିତ ଛାତ୍ରୀମାନଙ୍କୁ ଉଦବୋଧନ ଦେଇଥିଲେ I ଅତିଥି ପରିଚୟ ପ୍ରଦାନ କରିଥିଲେ ଏନ୍ ଏସ୍ ଏସ୍ ର  ପ୍ରୋଗ୍ରାମ ଅଫିସର ଡ଼. ମିନତୀ ଦେବତା, କାର୍ଯ୍ୟକ୍ରମକୁ ପରିଚାଳନା

କରିଥିଲେ ଅଧ୍ୟାପକ ଅଜିତ କୁମାର ପଣ୍ଡା ଏବଂ  ଶେଷରେ ଧନ୍ୟବାଦ ଅର୍ପଣ କରିଥିଲେ  ଏନ୍ ସି ସି ର ଅଫିସର ନିବେଦିତା ପଟେଲ I ଉକ୍ତ କାର୍ଯ୍ୟକ୍ରମରେ ଅଧ୍ୟାପକ ରତିକାନ୍ତ ନାଏକ, ସୌମ୍ୟାଶ୍ରୀ ସାହୁ, ଅଞ୍ଜଳି ଶୁକ୍ଲା ପ୍ରମୁଖ ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସୁପରିଚାଳନା କରିଥିଲେ I ରାଜେନ୍ଦ୍ର ବିଶ୍ବବିଦ୍ୟାଳୟ ତଥା ସରକାରୀ ବାଳିକା ବିଦ୍ୟାଳୟର ଏନ୍ ସି ସି ଛାତ୍ରୀମାନେ ଏବଂ  ଏନ୍ ସି ସି  11(ଓଡିଶା) ବାଟାଲିୟନ ବଲାଙ୍ଗିରର ଅଧକାରୀ ତଥା କାର୍ଯ୍ଯକର୍ତ୍ତାମାନେ ଯୋଗ ଦେଇଥିଲେ ।