09-Jun-2025

ଅତାବିରା(ଆକାଶ ମିଶ୍ର )ଅତାବିରା ମାରବାଡ଼ି ସମ୍ମେଳନ ଓ ମାରବାଡ଼ି ଯୁବାମଞ୍ଚର ମିଳିତ ଉଦ୍ୟମରେ ତଥା ରେଟ୍ରୋ ହ୍ୟୁମାନ କ୍ୟାର ଫାଉଣ୍ଡେସନର ସହଯୋଗରେ ଅତାବିରା ଅଗ୍ରସେନ ଭବନରେ ଆୟୁର୍ବେଦିକ ମେଡ଼ିକାଲ ସ୍ୱାସ୍ଥ୍ୟ ପରୀକ୍ଷା ଶିବିରର ଆରମ୍ଭ ହୋଇଛି।ଟିମ କୋଡ଼ିନେଟର ମୋମିନା ଖାତୁନଙ୍କ ସଂଯୋଜନାରେ ସମ୍ମେଳନର ଫାଉଣ୍ଡର ପ୍ରେସିଡେଣ୍ଟ ବିଜୟ ମିତ୍ତଳ, ସମ୍ମେଳନର ସଭାପତି ସତ୍ୟ ନାରାୟଣ ଅଗ୍ରୱାଲ, ଯୁବାମଞ୍ଚ ସଭାପତି ପୁଲକିତ ଅଗ୍ରୱାଲ ଓ ଜାଗୃତି

ଶାଖା ସଭାନେତ୍ରୀ ରେଖା ଅଗ୍ରୱାଲ ଅତିଥି ଭାବେ ଯୋଗ ଦେଇ ଅନୁଷ୍ଠାନିକ ଭାବେ ଶିବିରକୁ ଉତଘାଟନ କରିଥିଲେ।ହ୍ୟୁମାନ କ୍ୟାର ଫାଉଣ୍ଡେସନର ପରିଚାଳକ ଡା କେ ରତ୍ନମଙ୍କ ତତ୍ତ୍ୱାବଧାନରେ ଡା ପିସି ଦଳେଇ, ଡା ଶୀତଳ ନନ୍ଦ, ଟି ଭେଙ୍କଟ ରାଓ, ସୁନୀଲ ଜିତେ ଜାପାନୀସ ଟେକ୍ନୋଲୋଜି ମେସିନ ମାଧ୍ୟମରେ ସମ୍ପୂର୍ଣ୍ଣ ଶରୀରର ପରୀକ୍ଷା ନିରୀକ୍ଷା କରିବା ସହ ଔଷଧ ସେବନର ପରାମର୍ଶ ଦେଇଛନ୍ତି।ଏହି ଶିବିର ତିନି ଦିନ ଧରି ହେବାର ପ୍ରସ୍ତାବ ରହିଛି।ଉମେଶ ଅଗ୍ରୱାଲ, ରାକେଶ ଅଗ୍ରୱାଲ, ଅର୍ପିତ ବାଙ୍କା, ଶିବମ, ପୀୟୂଷ,ଅନୁପ, ସଦିପ ପ୍ରମୁଖ କର୍ମକର୍ତ୍ତା ପରିଚାଳନାରେ ସହଯୋଗ କରିଛନ୍ତି। ଏହି ଶିବିରରେ ପ୍ରାୟ ୮୦ଜଣ ରୋଗୀ ଆସି ନିଜର ସ୍ୱାସ୍ଥ୍ୟ ପରୀକ୍ଷା କରିଥିଲେ l