14-May-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅନ୍ତର୍ଗତ ଗାଇସିଲେଟ ବ୍ଲକ ଅନ୍ତର୍ଗତ ସନ୍ଧିବାହାଲ ର ବେଳ ସାହୁ ବୟସ ୮୦ ଜଣେ ବିଧବା ମହିଳା । ଏକ ପଲିଥିନ ଛାତ ତଳେ ରହୁଥିବା ଜାଣି ଜିଲ୍ଲାପରିଷଦ ଝରଣା ପାଣିଗ୍ରାହୀ ସନ୍ଧିବାହାଲ ଗ୍ରାମକୁ ଯାଇ ଉକ୍ତ ମହିଳା ର ଅବସ୍ଥା ଦେଖି ବୁଝିଥିଲେ ଓ ସେହିଠାରୁ ପ୍ରସାଶନକୁ ଫୋନ୍ ଯୋଗେ ଯୋଗାଯୋଗ କରି ଏଭଳି ଦୟନୀୟ ଅବସ୍ଥାରେ କାଳାତିପାତ କରୁଥିବା ଉକ୍ତ ମହିଳା କୁ ଅନ୍ତଦ୍ୟୟ ଗୃହ ଯୋଜନାରେ ଅନ୍ତର୍ଭୁତ କରିଥିଲେ ।ପରେ ଉକ୍ତ ବ୍ଲକରେ ଯାଉଥିବା କଂସଡୋଲ ଗ୍ରାମର ଗୋପାଳ ସାହୁ ବୟସ ୪୦ ବର୍ତ୍ତମାନ କର୍କଟ ରୋଗରେ ପୀଡିତ । ତାଙ୍କର ଛୋଟ ଛୋଟ ଦୁଇ ଝିଅ ଗୋଟିଏ ପୁଅ ଥିବାରୁ ସେ  ବହୁତ ଦୁଃଖରେ ଜୀବନ ସହିତ ସଂଗ୍ରାମରତ। ବିଶେଷ ସୂତ୍ରରୁ ଖବର ପାଇ ଜିଲ୍ଲାପରିଷଦ ଝରଣା ପାଣିଗ୍ରାହୀ ତାଙ୍କ ପାଖକୁ ଯାଇ ଶାନ୍ତ୍ବନା ଦେବା ସହିତ ସରକାରୀ ସାହାଯ୍ୟ ପାଇଁ ମାନ୍ୟବର ବିଜେପୁର ବିଧାୟକ ଶ୍ରୀଯୁକ୍ତ ସନତ କୁମାର ଗଡତୀୟା ଓ ପ୍ରଶାସନଙ୍କ ସହିତ ବିଷଦ ଭାବେ ଆଲୋଚନା କରିଥିଲେ। ନିକଟ ଅତୀତରେ ଟୁର୍ଚ୍ଚl ଗ୍ରାମରେ ହାତୀ ଆକ୍ରମଣ ରେ ମୃତ୍ୟୁ ବରଣ କରିଥିବା ପରିବାର ପାଖକୁ ଯାଇ ଶାନ୍ତ୍ବନା ଦେବା ସହିତ ସରକାରୀ ସାହାଯ୍ୟ ପାଇଁ ପ୍ରଶାସନ ସହିତ କଥା ହୋଇଥିଲେ। ଜିଲ୍ଲାପରିଷଦଙ୍କ ଏଭଳି ପ୍ରୟାସ ପାଇଁ ସାଧାରଣରେ ବେଶ ପ୍ରଶଂସା କରୁଛନ୍ତି।