15-Apr-2025

ବିନିକା(ହିମାଂଶୁ ଶେଖର ପୁଟେଳ) ସାରା ରାଜ୍ୟର ବିଭିନ୍ନ କୋଣ ଅନୁକୋଣରେ ଦିନକୁ ଦିନ ନାରୀ ନିର୍ଯାତନା ବଢିବାରେ ଲାଗିଛି।ନାରୀଙ୍କୁ ସୁରକ୍ଷା ଦେବାରେ ରାଜ୍ୟ ବିଜେପି ସରକାର ବିଫଳ ହୋଇଛି। ଏହାରୀ ପ୍ରତିବାଦରେ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଭକ୍ତଚରଣ ଦାସଙ୍କ ନିର୍ଦ୍ଦେଶ କ୍ରମେ ଆଜି ସାରା ରାଜ୍ୟରେ ରାଜ୍ୟରେ ବଢୁଥିବା ନାରୀ ନିର୍ଯାତନା ଓ ଦୁଷ୍କର୍ମ ପ୍ରତିବାଦରେ ଓ ରାଜ୍ୟରେ ନାରୀ ସୁରକ୍ଷା ଆଇନ ପ୍ରଣୟନ ଦାବିନେଇ ଆଜି ସନ୍ଧ୍ୟାରେ କଂଗ୍ରେସ କର୍ମୀଙ୍କ ତରଫରୁ ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଛି।ବିନିକା ବ୍ଲକ କଂଗ୍ରେସ କମିଟି ସଭାପତି ରବୀନ୍ଦ୍ର ହୋତାଙ୍କ ନେତୃତ୍ୱରେ ଶତାଧିକ କଂଗ୍ରେସ କର୍ମୀ ସ୍ଥାନୀୟ ବିନିକା ତହସିଲ ଛକରେ ଏକତ୍ରିତ ହୋଇଥିଲେ । ସମସ୍ତ କର୍ମୀ ହାତରେ ମଶାଲ ଧରି ନାରୀଙ୍କୁ ସୁରକ୍ଷା ଦେବାରେ ବିଫଳ ରାଜ୍ୟ ବିଜେପି ସରକାର ବିରୋଧରେ ନାରାବାଜି ଦେଇଥିଲେ।ପରେ ବିରାଟ ଶୋଭାଯାତ୍ରାରେ କଂଗ୍ରେସ କର୍ମୀ ମାନେ ସହର ପରିକ୍ରମା କରି ବସଷ୍ଟାଣ୍ଡ ସ୍ଥିତ ଆମ୍ବେଦକର ଛକ ପର୍ଯ୍ୟନ୍ତ ଆସିଥିଲେ ।ସେଠାରେ ଅନୁଷ୍ଠିତ ସଭାରେ ସୁବର୍ଣ୍ଣପୁର ଜିଲ୍ଲା କଂଗ୍ରେସ ପର୍ଯ୍ୟବେକ୍ଷକ ଗଣେଶ ସାହୁ,ବରିଷ୍ଟ କଂଗ୍ରେସ ନେତା ସଂଗ୍ରାମ କେଶରୀ ନାୟକ,ପ୍ରଦୀପ ସେଠୀ ପ୍ରମୁଖ ରାଜ୍ୟ ବିଜେପି ସରକାରଙ୍କ ବିରୋଧରେ ବକ୍ତବ୍ୟ ପ୍ରଦାନ କରିଥିଲେ।ଅନୁଷ୍ଠିତ ଏହି ମଶାଲ ଶୋଭାଯାତ୍ରାରେ ବରିଷ୍ଟ କଂଗ୍ରେସ ନେତା ରାଘବ ଦାସ,ସୁଧାଂଶୁ ପଣ୍ଡା,ନରେନ୍ଦ୍ର ସାହୁ,ସପନେଶ୍ୱର ପୃଷ୍ଟି,ନରେନ୍ଦ୍ର ପଣ୍ଡା,ଶ୍ରୀନିବାସ ଖମାରୀ,ବିଜୟ ଭୋଇ,କୃଷ୍ଣଚନ୍ଦ୍ର ପ୍ରଧାନ,ଉମାକାନ୍ତ ଦୀପ,ଅନିଲ ନାଏକ,ସୁମନ୍ତ ସାହୁ,ଟିକୁ ହୋତା,ଚୌବର୍ଗ ଭୋଇ,ସୂର୍ଯ୍ୟ କ୍ଷେତି,ଭାଗିରଥି ବଗର୍ତ୍ତି,ସୁବ୍ରତ ପାତ୍ର, ଟିକେଶ୍ୱର ପ୍ରଧାନ,ନାରୀ ନେତ୍ରୀ ନିକିତା ହୋତା ପ୍ରମୁଖଙ୍କ ସମେତ ବହୁ ପୁରୁଷ ଓ ମହିଳା କଂଗ୍ରେସ କର୍ମୀ ସାମିଲ ହୋଇଥିଲେ।