10-Mar-2025

ଉଲୁଣ୍ଡା ବ୍ଲକ ଅନ୍ତର୍ଗତ ମା ଉମାଦେବୀ ଆଞ୍ଚଳିକ ଉଚ୍ଚମାଧ୍ୟମିକ ବିଦ୍ୟାଳୟର ଯୁବ ରେଡକ୍ରସ କାଉନସେଲର ତଥା ଆଇଟି ଅଧ୍ୟାପକ ଉଦ୍ଧବ ପଧାନ ରାଜ୍ୟର ଶ୍ରେଷ୍ଠ ପରାମର୍ଶଦାତା ଭାବେ ଭୁବନେଶ୍ୱରସ୍ଥିତ ଅଭିଷେକ ପ୍ରେକ୍ଷାଳୟ ରେ ରାଜ୍ୟସ୍ତରୀୟ ଯୁବ ରେଡକ୍ରସ୍ ପୁରସ୍କାର ବିତରଣ ଉତ୍ସବରେ ମହାମହିମ ରାଜ୍ୟପାଳ ଡ. ହରିବାବୁ କମ୍ଭମପତି ମୁଖ୍ୟଅତିଥି ଭାବେ

ଯୋଗଦେଇ ଶ୍ରୀ ପଧାନଙ୍କୁ ୨୦୨୩ -୨୦୨୪ବର୍ଷ ପାଇଁ ଟ୍ରଫି, ମାନପତ୍ର  ଓ ଅର୍ଥରାଶି ଦେଇ ସମ୍ମାନୀତ କରିଥିଲେ । ଉକ୍ତ ଉତ୍ସବରେ ସମ୍ମାନିତ ଅତିଥି ଭାବେ ରାଜ୍ୟପାଳଙ୍କ ପ୍ରମୁଖ ସଚିବ ଏନବିଏସ ରାଜପୁତ ଓ ଭାରତୀୟ ରେଡକ୍ରସ୍ ସୋସାଇଟି ଓଡ଼ିଶା ରାଜ୍ୟ ଶାଖାର ଅବୈତନିକ ସଚିବ ଗଣେଶ ଚନ୍ଦ୍ର ପାତ୍ର ପ୍ରମୁଖ ମଞ୍ଚାସୀନ ଥିଲେ । ପ୍ରକାଶ ଯେ ଶ୍ରୀ ପଧାନଙ୍କ ଯୁବ ରେଡକ୍ରସ ରେ ଉଲ୍ଲେଖନୀୟ ଅବଦାନ ରହିଛି ଏବଂ ମ୍ୟାଜିକ ମାଧ୍ୟମ ରେ ଅନ୍ଧବିଶ୍ୱାସ ଉପରେ ସଚେତନତା ସୃଷ୍ଟି କରି ଲୋକପ୍ରିୟ ଯାଦୁଗର ଭାବରେ ବେଶ ପରିଚିତ l ପୂର୍ବରୁ ସବୁଜ ଯୋଦ୍ଧା ସେନାପତି ସମ୍ମାନ, ସଂସ୍କୃତି ସେବା

ସମ୍ମାନ, ବିଲ୍ଲଡ଼ ଭାରତ ଲିଡରସିପ ଆୱାର୍ଡ , ବେଷ୍ଟ ଯାଦୁଗର ସମେତ ବିଭିନ୍ନ ମଞ୍ଚରେ  ସମ୍ମାନିତ ହୋଇଛନ୍ତି l ଏହି ସଫଳତା ପାଇଁ ସୁବର୍ଣ୍ଣପୁର ଜିଲ୍ଲା ଯୁବ ରେଡକ୍ରସ କନଭେନର ସେକ୍ରେଟାରୀ ଉମାକାନ୍ତ ନାଗ, ଜିଲ୍ଲା ସଂଯୋଜକ ବିଶ୍ଵନାଥ ମିଶ୍ର, ସମସ୍ତ କାଉନସେଲର,ଜିଲ୍ଲା ଯାଦୁଗର ସଙ୍ଘ ସଭାପତି ଯଦୁନାଥ ମିଶ୍ର ଏବଂ ସମସ୍ତ ସ୍ବେଛାସେବୀ  ଶ୍ରୀ ପଧାନଙ୍କୁ ଶୁଭେଚ୍ଛା ଜଣାଇଛନ୍ତି l ଏହି ସଫଳତା ର ଶ୍ରେୟ ଶ୍ରୀ ପଧାନ ତାଙ୍କ ସହଧର୍ମିଣୀ ଫରେଷ୍ଟର ସୋନାଲିକା,ପରିବାର ବର୍ଗ, ସମସ୍ତ ଗୁରୁଜନ,ଯୁବ ରେଡକ୍ରସ ପରାମର୍ଶ ଦାତା ଏବଂ  ସ୍ବେଛାସେବୀ ମାନଙ୍କୁ ଦେଇଛନ୍ତି l