14-Jan-2021

ଦେଓଗାଁ (ପ୍ରେରଣା ଖବର) : ଜାଲ କାଗଜପତ୍ର କରି ଚାଷୀଙ୍କ ଅଜାଣତରେ ଚାଲିଛି ଧାନ ବିକ୍ରି। ଏନେଇ ବଲାଙ୍ଗୀର ଜିଲ୍ଲାପାଳ ଓ ଏସ୍ ପି ଙ୍କ ନିକଟରେ ସମ୍ପୃକ୍ତ ଚାଷୀ ଅଭିଯୋଗ କରିଛନ୍ତି।

   ସୂଚନା ଅନୁଯାୟୀ ଦେଓଗାଁ ବ୍ଲକ ଉପରଝର ଗ୍ରାମର ଚାଷୀ ବୈଚନ୍ଦ୍ର ସେଠ ଖାତା ନଂ ୮୪ ରେ ଥିବା ନିଜ ଜମିରେ ଚାଷ କରିଥାନ୍ତି। ସେ ଧାନ ବିକ୍ରି ପାଇଁ କାର୍ଡ ତିଆରି କରିବାକୁ ଉପରଝର ପେସ୍କ କୁ ଯାଇଥିଲେ। କିନ୍ତୁ ତାଙ୍କ ଚାଷ ଜମିକୁ ଚଳିତ ଖରିଫ ଋତୁରେ ଧାନ ବିକ୍ରି କରିବା ପାଇଁ ଆନନ୍ଦ ସେଠ ଭାଗଚାଷୀ ଭାବେ ପଞ୍ଜିକରଣ କରିଥିବା ଜାଣିବାକୁ ପାଇଥିଲେ। ଏନେଇ ସେ ଗତ ଡିସେମ୍ବର ୩୧ ତାରିଖରେ ଦେଓଗାଁ ଥାନାରେ ଅଭିଯୋଗ କରିଥିଲେ। ପୁଲିସ କୌଣସି ପଦକ୍ଷେପ ନେଇ ନଥିବାରୁ ସେ ମଙ୍ଗଳବାର ଜିଲ୍ଲାପାଳ ଓ ଏସ୍‌ପିଙ୍କ ଦ୍ବାରସ୍ଥ ହୋଇ ଲିଖିତ ଭାବେ ଅଭିଯୋଗ କରିଛନ୍ତି। ଜଣେ ଭାଗଚାଷୀ ଭାବେ ପଞ୍ଜିକରଣ କରିବାକୁ ହେଲେ ଜମି ମାଲିକ ଙ୍କ ସହମତି ଦରକାର ପଡେ ଓ ଏକ ଦସ୍ତାବିଜ ରେ ଜମି ମାଲିକଙ୍କ ସହମତି ପ୍ରମାଣ ପତ୍ର ଦାଖଲ କରାଯାଏ । ଓ ଉକ୍ତ ଦସ୍ତାବିଜଗୁଡ଼ିକ ସଂମ୍ପାଦକ ଯାଞ୍ଚକରି ଥାନ୍ତି। କିନ୍ତୁ କେଭଲି ଭାବେ ଅନ୍ୟ ଜଣ ର ଜମି ରେ ନିଜ ନାଁ ଭାଗଚାଷୀ ଭାବେ ପଞ୍ଜିକରଣ କରାଯାଇଅଛି ଏଠି ପ୍ରଶ୍ନବାଚୀ। ବର୍ତ୍ତମାନ ର ପେସ୍କ ସମ୍ପାଦକ ଙ୍କ ହାତ ଥାଇପାରେ ବୋଲି ସାଧାରଣରେ ଚର୍ଚ୍ଚା ଜୋର୍ ଧରିଛି।