14-Jan-2021

ରେଢାଖୋଲ ( ଅନିଲ କୁମାର ପୃଷ୍ଟି ) ସମଗ୍ର ବିଶ୍ୱରେ କୋରନା ମହାମାରୀ ଉଗ୍ରରୂପ ଧାରଣ କରି ଜନ ଜୀବନ ଧ୍ଵଂସ କରି ପକାଉ ଅଛି।ଏହି ମହାମାରୀ ରୋଗରୁ ନିସ୍ତାର ପାଇବା ପାଇଁ ଭାରତ ସରକାରଙ୍କ ପକ୍ଷରୁ ପ୍ରଥମ ପର୍ଯ୍ୟାୟରେ କୋଭିସିଲ୍ଡ ଓ କୋଭାକ୍ସିନ ଟୀକା ବାହାରି ଅଛି। ଏହା ସମଗ୍ର ଭାରତରେ ବର୍ତ୍ତମାନ ଯୋଗାଣ ଚାଲିଛି।ଏହି ପରିପ୍ରେକ୍ଷୀରେ ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ଡାକ୍ତରଖାନାକୁ ଗୁରୁବାର ଅପରାହ୍ନ ପ୍ରାୟ ୫ଟା ବେଳେ କୋଭିସିଲ୍ଡ  ଟୀକା ଆସି ପହଞ୍ଚିଛି। ରେଢାଖୋଲ ଉପଖଣ୍ଡ ଡାକ୍ତରଖାନାରେ ଏହି ଟୀକା ଭ୍ୟାନ ପହଞ୍ଚିବା ପରେ ସ୍ୱାସ୍ଥ ବିଭାଗ କର୍ମଚାରୀ ଓ ଲୋକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।

 ଏହି ଟୀକା ଯୋଗାଣ ଭ୍ୟାନ ରେଢାଖୋଲ ଡାକ୍ତରଖାନାକୁ ପହଞ୍ଚିବା ସମୟରେ ସ୍ଥାନୀୟ ଉପଜିଲ୍ଲାପାଳ ପଦ୍ମନାଭ ବେହେରା, ଡାକ୍ତରଖାନା ଅଧିକ୍ଷକ ବିପିନ ବିହାରୀ ସାହୁଙ୍କ ସହିତ ସ୍ବାସ୍ଥ୍ୟ କର୍ମଚାରୀ ମାନେ ଉପସ୍ଥିତ ହୋଇ ଏହି ଟୀକାକୁ ଗ୍ରହଣ କରି ଶୀତ ତାପ ନିୟନ୍ତ୍ରଣ କୋଠରୀରେ ରଖାଯିବ ବୋଲି ପ୍ରକାଶ କରିଥିଲେ। ପ୍ରଥମ ପର୍ଯ୍ୟାୟରେ ଆସନ୍ତା ୧୬ ତାରିଖ ରେ ଏହି ଟୀକାର ସମଗ୍ର ଭାରତରେ ଟିକାକରଣ କରାଯିବାର କାର୍ଯ୍ୟକ୍ରମ ରହିଛି। ଏହି କ୍ରମରେ ରେଢାଖୋଲ ଉପଖଣ୍ଡ ଡାକ୍ତରଖାନାରେ ମଧ୍ୟ ସ୍ୱାସ୍ଥ୍ୟ ବିଭାଗର ସମ୍ବନ୍ଧିତ ୧୪୮ ଜଣ କର୍ମଚାରୀଙ୍କୁ ଏହି ଟୀକା ପ୍ରଦାନ କରାଯିବ ବୋଲି ଜଣାପଡିଛି ।