14-Jan-2021

ଉଲୁଣ୍ଡା(ଗୌର ଚନ୍ଦ୍ର ପରିଛା)- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୁକିଆ ରଘୁନାଥ ସ୍ପୋଟିଂ ତରଫରୁ ଆୟୋଜିତ ହୋଇଥିବା ଚତୁର୍ଥ ଉଷାଦେବୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟ ଆଜି ଉଦଯାପିତ ହୋଇଯାଇଛି । ଏଥିରେ ବ୍ଲୁ ଡାଇମଣ୍ଡ ବରଗଡ ଦଳ ଜେସିସି ସମ୍ବଳପୁର ଦଳକୁ ହରାଇ ଚାମ୍ପିଅନ ହୋଇଛି । ୩ଟି ଫର୍ମାଟରେ ହୋଇଥିବା ଏହିମ୍ୟାଚର ପ୍ରଥମ ଫର୍ମାଟରେ ବରଗଡ ଦଳ ବ୍ୟାଟିଂ କରି ୧୬ ଓଭରରେ ୧୭୧ ରନ କରିଥିଲା । ଏହାର ଜବାବରେ ସମସବଲପୁର ଦଳ ୧୪୮ ରନ କରି ପରାଜୟ ହୋଇଥିଲା । ସେହିପରୀ ଦ୍ୱିତୀୟ ଫର୍ମାଟରେ  ବରଗଡ ଦଳ ୮୬ ରନ କରିଥିବା ବେଳେ  ସମ୍ବଳପୁର ଦଳ ୭୦ ରନ କରି ପରାଜୟ ହୋଇଥିଲା । ଫଳରେ ବରଗଡ ଦଳ ଚାମ୍ପିଅନ ହୋଇଥିଲା । ଖେଳକୁ ଶ୍ୟାମଶୁନ୍ଦର ପଣ୍ଡା ଓ ଶ୍ରୀବନ ନାଏକ ପରିଚାଳନା କରିଥିଲେ । ପାର୍ଥସାରଥୀ ଦାସ ଧାରାବିବରଣୀ ପ୍ରଦାନ କରିଥିବା ବେଳେ ମନ୍ମଥ ପୁରୋହିତ ସ୍କୋରର ଦାଇତ୍ୱ ତୁଲାଇଥିଲେ । ଏହି ଅବଶରରେ ଆୟୋଜକ ସଭାପତି ଆଦିତ୍ୟ ପୁରୋହିତଙ୍କ ଅଧ୍ୟକ୍ଷତାରେ ହୋଇଥିବା ପୁରସ୍କାର ବିତରଣୀ ଉତ୍ସବରେ ବ୍ଲକ ଉପାଧ୍ୟକ୍ଷ ଅଶୋକ ପଣ୍ଡା, ପଂଚମହଲା ସରପଂଚ ରେବତୀ ବିଶ୍ୱାଳ, ପୁର୍ବତନ ସରପଂଚ କୈଲାସବ୍ନ୍‌୍‌ର ପୁରୋହିତ, ବଳିଧ୍ୱଂସୀ ପୁରୋହିତ, ମହେଶ ପୁରୋହିତ  ପ୍ରମୁଖ ଅତିଥି ଭାବରେ ଯୋଗଦେଇ ବିଜେତା ଓ ଉପବିଜେତା ଦଳକୁ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ । ମ୍ୟାନ ଅଫଦ ସିରିଜ ଭାବରେ ବରଗଡର ସୁମିତ ରାୟ, ମ୍ୟାନଅଫଦ ମ୍ୟାଚ ଭାବରେ କୁମମୁନ ରାଉତ, ଶେଷ୍ଠ ବୋଲର ଭାବରେ ଅଭିଷେକ ପଣ୍ଡା, ବ୍ୟାଟସମ୍ୟାନ ଭାବରେ ମହମ୍ମଦ ଇଫତିକାରଙ୍କୁ ପୁରସ୍କାର ପ୍ରଦାନ କରାଯାଇଥିଲା ।