14-Jan-2021

ଉଲୁଣ୍ଡା(ଗୌର ଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ପଂଚାୟତର ବାଘପାଲି ସ୍ଥିତ  ଚନ୍ଦ୍ରମଣୀ ଦାସଙ୍କ ସମାଧି ପୀଠରେ ବକୁଳ ମହୋତ୍ସବ ଉଦଯାପିତ ହୋଇଯାଇଛି ।  ପ୍ରଥମେ କଳଶ  ଯାତ୍ରା କରାଯାଇ ସ୍ଥାପନ କଲାପରେ  ଅଧିବାସ ପୂଜା ହୋଇଥିଲା । ସେହିଦିନଠୁ ପ୍ରତ୍ୟହ ଭାଗବତ ପାରାୟଣ କରାଯାଉଥିଲା । ଗତକାଲି ଅଷ୍ଟପ୍ରହରୀ ନାମଯଜ୍ଞ ଅନୁଷ୍ଠିତ ହୋଇଥିଲା । ଏଥିରେ ଜୟପୁର, କୋଟସମଲାଇ, ଖୁଂଟୁଲାପାଲି, ରତପୁର, ବ୍ରାହ୍ମଣୀପାଲି, କପୁର୍ଡା, ଲିମ୍ବପାଲି, ଗୁଦଗୁଦା, ରେଡମ, ନାଗଡେଇଁ ଆଦି କୀର୍ତନ ମଣ୍ଡଲୀ ଯୋଗଦେଇ ସଂର୍କୀତନ ପରିବେଷଣ କରିଥିଲେ । ସଭାପତି ଜାନକୀରାମ ଦେହେରୀଙ୍କ ଅଧ୍ୟକ୍ଷତାରେ ହୋଇଥିବା  ଉଦଯାପନୀ ଉତ୍ସବରେ କୋଶଲୀ କବିତା ଆସର ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବରେ ଡ.ଅନିରୁଦ୍ଧ କୁରକୁରିଆ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବରେ ନନ୍ଦକାହ୍ନା ପୁଝାରୀ ଯୋଗଦେଇଥିଲେ । ଏଥିରେ କୋଶଲି କବି ଭାବରେ ଯୋଗିନ୍ଦ୍ର ପ୍ରସାଦ ପଣ୍ଡା, ଗଜିନ୍ଦ୍ର ସେଠୀ, ରାମେଶ୍ୱର ଛତ୍ରୀଆ, କୃପାସିନ୍ଧୁ ମହାକୁର, ଗଜାନନ ସାଥୁôଆ, ସୁଭେନ୍ଦୁ ମହାକୁର, ଯୁଧିଷ୍ଠିର ଖମାରୀ, ଉତମ ଖମାରି, ସନ୍ତୋଷ ରଣା, ଚମ୍ପେଶ୍ୱର ଦାନୀ, ସୁସାନ୍ତ ଭୋଇ, ଶୁକଦେବ ସାହୁ, ପ୍ରଭାତ ଚୌହାନ, ସାନ୍ତନୁ କର୍ଣ୍ଣ, ଲିଙ୍ଗରାଜ ଛତ୍ରୀଆ, ମାଧବ ମଟାରୀ, ସଚ୍ଚିତାନନ୍ଦ ପଧାନ ଯୋଗଦେଇ ସ୍ୱରଚିତ କବିତା ପାଠ କରିଥିଲେ । ଆଳୋଚକ ଭାବରେ ଅଖୋଜ ହାଣ୍ଡ ଓ ରାମେଶ୍ୱର ଛତ୍ରୀଆ ଯୋଗଦେଇଥିଲେ । ମକୁନ୍ଦ ଧରୁଆ  ସ୍ୱାଗତ ଭାଷଣ  ଦେଇଥିବା ବେଲେ ସଂଯୋଜକ କୃପାସିନ୍ଧୁ ମହାକୁର ଉପସ୍ଥିତ ଥିଲେ । ଘନଶ୍ୟାମ ପଧାନ, ବୁଧୁଲାଲ, ପଦ୍ମଲୋଚନ, ଉତମ, ମନୋଜ, ବାବୁ, ସଂକର୍ଷଣ ପ୍ରମୁଖ ସହେଯାଗ କରିଥିଲେ । ମୁକୁନ୍ଦ ଧରୁଆ ଧନ୍ୟବାଦ ଦେଇଥିଲେ ।