13-Feb-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ଉଚ୍ଚ ବିଦ୍ୟାଳୟ ରେ  ଆଜି ସ୍କାଉଟ, ଗାଇଡ୍ ମାନଙ୍କର ରାଜ୍ୟ ପୁରସ୍କାର ପରୀକ୍ଷା ଶିବିର  ଅନୁଷ୍ଠିତ ହୋଇଯାଇଛି । ଏହି ପରୀକ୍ଷା  ଦୁଇଦିନ ଧରି ଚାଲିଥିଲା । ପ୍ରଥମ  ଦିନରେ ପାଇକମାଳ ଉଚ୍ଚ  ବିଦ୍ୟାଳୟ ରେ  ପାଇକମାଳ, ଝାରବନ୍ଧ, ଗାଇସିଲେଟ, ପଦମପୁର,ବିଜେପୁର  ଓ ବରଗଡ଼ ଆଦି ଛଅ ଟି ବ୍ଲକ ର  ୧୦୦ ଜଣ ସ୍କାଉଟ୍ ଓ ୧୦୪ ଜଣ ଗାଇଡ ଏହି ପରୀକ୍ଷା  ଦେଇଥିବା ବେଳେ  ଦ୍ଵିତୀୟ ଦିବସରେ ଆଜି  ଅତାବିରା ଉଚ୍ଚ ବିଦ୍ୟାଳୟ ରେ ଅତାବିରା, ଭେଡେନ, ଭଟଲି,

ବରପାଲି, ଷୋହେଲା ଓ ଅମ୍ବାଭୋନା ଆଦି ଛଅ ଟି ବ୍ଲକ ର ୧୫୫ ଜଣ ସ୍କାଉଟ୍ ଓ ୯୦ ଜଣ ଗାଇଡ ପରୀକ୍ଷା ଦେଇଥିବାବେଳେ ମୋଟ ଜିଲ୍ଲାରୁ ୪୪୯ ଜଣ ସ୍କାଉଟ୍ ଗାଇଡ ପରୀକ୍ଷା  ଦେଇଛନ୍ତି । ଉଭୟ ପରୀକ୍ଷା କେନ୍ଦ୍ର ରେ ରାଜ୍ୟ ସ୍କାଉଟ୍ ଗାଇଡ ସାଂଗଠନିକ କମିଶନର ଚନ୍ଦନ ଦାଶ  ପରୀକ୍ଷକ ଭାବେ ଯୋଗ ଦେଇ ସାଂଗଠନିକ ପତାକା ଉତ୍ତୋଳନ ପୂର୍ବକ ପରୀକ୍ଷା ର ଆରମ୍ଭ ହୋଇଥିଲା ।ଆଜି ଏହି ପରୀକ୍ଷା ଅବସରରେ  ଅତାବିରା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ମନୋଜ ହରପାଲ, ଅତିରିକ୍ତ  ବ୍ଲକ ଶିକ୍ଷା ଅଧିକାରୀ କାର୍ତ୍ତିକ ବାଗ, ଜିଲ୍ଲା ସ୍କାଉଟ୍ ଗାଇଡ ସମ୍ପାଦକ ସୁଦୀପ୍ତ ନାଏକ, ଅବସର ପ୍ରାପ୍ତ ଖେଳ ଶିକ୍ଷକ ତଥା ସ୍କାଉଟ୍ ମାଷ୍ଟର ଲବ ସାହୁ ପ୍ରମୁଖ ନିମନ୍ତ୍ରିତ ଅତିଥି ଭାବେ ଯୋଗ ଦେଇ ସେମାନଙ୍କ ବକ୍ତବ୍ୟରେ ଏହି କାର୍ଯ୍ୟକ୍ରମର ଆବଶ୍ୟକତା ଓ ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ଏହି ପରୀକ୍ଷାରେ  ମ୍ୟାପିଂ, ଫାଷ୍ଟଏଡ୍, ଜାତୀୟ ପତାକାର ବିବରଣୀ, ଜାତୀୟ ସଙ୍ଗୀତ, ସ୍କାଉଟ୍ ଗାଇଡ ପ୍ରାର୍ଥନା ସଙ୍ଗୀତ,ଝଣ୍ଡା ଗୀତ ସେବା ଶିବିର, କ୍ୟାମ୍ପ ଫାୟାର, (ନଟିଂ) ଗଣ୍ଠି ପକାଇବା ଓ ଖୋଲିବା ତଥା ଚରିତ୍ର ଗଠନ ସମ୍ପର୍କରେ ଛାତ୍ର ଛାତ୍ରୀ ମାନେ ପରୀକ୍ଷା ଦେଇଥିଲେ । ଏହି ପରୀକ୍ଷା କୁ  ଜିଲ୍ଲା ଆୟୋଜକ ଆୟୁକ୍ତ  , ସ୍କାଉଟ୍   ମନୋଜ ସାହୁ , ଜିଲ୍ଲା ତାଲିମ ଆୟୁକ୍ତ ,ସ୍କାଉଟ୍ ର ସୁଦର୍ଶନ ମହାକୁର, ଜିଲ୍ଲା ଆୟୋଜକ ଆୟୁକ୍ତ,ଗାଇଡ ର କୌଶଲ୍ୟା ସାହୁ, ଜିଲ୍ଲା ତାଲିମ ଆୟୁକ୍ତ ,ଗାଇଡ ର ଅନୁସୂୟା ଦେବତା, ଜିଲ୍ଲା ରାଜ୍ୟ  ପ୍ରତିନିଧି ବିଜୁଳି ବତି ଦଳେଇ ଓ ଗିରିଧାରୀ  ଡନସନା ପ୍ରମୁଖ ପରିଚାଳନା କରିଥିବା ବେଳେ 

ସ୍କାଉଟ୍ ମାଷ୍ଟର ରମେଶ ସେଠ୍, ଶୁଭ୍ରାଂଶୁ ସାହୁ, ଧର୍ମରାଜ ପ୍ରଧାନ, ହରିବୋଲ ଅଦାବର, ପ୍ରମୋଦ ମିଶ୍ର, ଗାଇଡ କ୍ୟାପଟେନ ସରଣା ନାଏକ, ଅନିତା ଭୁଏ, ଚିନ୍ମୟୀ ବିଶ୍ଵାଳ ପ୍ରମୁଖ ତଥା  ବ୍ଲକ ର ସମସ୍ତ ସ୍କାଉଟ୍ ମାଷ୍ଟର ଓ ଗାଇଡ କ୍ୟାପଟେନ ସହଯୋଗ କରିଥିଲେ ।ଶେଷରେ ପତାକା କୁ  ଅବତରଣ କରାଯାଇ ସମବେତ ଜାତୀୟ ସଙ୍ଗୀତ ଗାନ  କରାଯାଇଥିଲା ।ପରିଶେଷରେ  ଅତାବିରା ବ୍ଲକ କ୍ରୀଡା ସମ୍ପାଦକ ସୁଦୀପ୍ତ ସାହୁ ଧନ୍ୟବାଦ୍ ଅର୍ପଣ କରିଥିଲେ ।