10-Feb-2025

କଳାହାଣ୍ଡି,କୋକସରା (ତ୍ରିନାଥ ବେଶ୍ରା)
ବଣଜଙ୍ଗଲର ଦ୍ରୁତ କ୍ଷୟ ଯୋଗୁଁ ବନ୍ୟଯନ୍ତୁ ଗାଁ ମୁହାଁ ହେଉଛନ୍ତି। ବନ୍ୟପ୍ରାଣୀଙ୍କ ଜୀବନ ବିପଦ ମଧ୍ୟରେ ରହୁଥିବାବେଳେ ଜନଜୀବନ ମଧ୍ୟ ପ୍ରଭାବିତ ହେଉଛି। କୋକସରା ବ୍ଲକର ବିଭିନ୍ନ ସ୍ଥାନରେ ଜଙ୍ଗଲି ଭାଲୁ ଆତଙ୍କ ଦେଖାଯାଇଛି। ସୋମବାର କାଉଡୋଲା ଗାଁକୁ ନିକଟସ୍ଥ  ଜଙ୍ଗଲରୁ ଏକ ଭାଲୁ ପଶି ଆସିଥିଲା। ଭାଲୁ ଗାଁରେ ପଶିଥିବାରୁ ଲୋକେ ଆତଙ୍କିତ ହୋଇ ଉଠିଥିଲେ। ଏହାକୁ ନେଇ ସାମ୍ବାଦିକ ତ୍ରିଲୋକ୍ୟ ବେଶ୍ରା ଆମପାଣି ଫରେଷ୍ଟ ସେକ୍ସନର ଫରେଷ୍ଟରଙ୍କୁ ଫୋନ୍ ଯୋଗେ ଜଣାଇଥିଲେ। ଅନେକ ସମୟ ଅତିବାହିତ ହେବାପରେ ମଧ୍ୟ ବନବିଭାଗର କର୍ମଚାରୀ ଭାଲୁ ପଶିଥିବା କାଉଡୋଲା ଗାଁକୁ ଆଶି ନଥିଲେ। ଏହାପରେ ସାମ୍ବାଦିକ ଶ୍ରୀବେଶ୍ରା କଳାହାଣ୍ଡି  ଡିଏଫ୍ ଓ ଙ୍କୁ ଫୋନ କରିଥିଲେ। ପରେ ଫରେଷ୍ଟର ଡେରିରେ ଆସିବାରୁ ସାମ୍ବାଦିକ ଶ୍ରୀବେଶ୍ରା ତାଙ୍କ ମତାମତ ନେବାକୁ ଚାହିଁଥିଲେ। ଫରେଷ୍ଟର ଚିତ୍ତରଞ୍ଜନ ବେହେରା  ଉକ୍ଷିତ୍ପ ହୋଇ ଗଣମାଧ୍ୟମ ପ୍ରତିନିଧିଙ୍କ ସହ ଯୁକ୍ତାଯୁକ୍ତି ହେବାସହ ତାଙ୍କ ମୋବାଇଲ ଛଡାଇ ନେବାକୁ ଚେଷ୍ଟା କରିଥିଲେ। ତେବେ ଉଭୟଙ୍କ ମଧ୍ୟରେ ହାତାହାତି ମଧ୍ୟ ହୋଇଥିଲେ। ଏହି ଘଟଣାରେ ଉଭୟଙ୍କୁ ପକ୍ଷରୁ ଆମପାଣି ଥାନାରେ ମାମଲା ରୁଜୁ ହୋଇଥିବା ଜଣାପଡିଛି। ଏହି ଘଟଣାକୁ ନେଇ କଳାହାଣ୍ଡି ୟୁନିୟନ ଅଫ୍ ଜର୍ଣ୍ଣାଲିଷ୍ଟ& କୋକସରା ବ୍ଲକ ସଙ୍ଘ ପକ୍ଷରୁ ବନ ବିଭାଗ ଅଧିକାରୀଙ୍କ ଜଣେ ଖବର ସଂଗ୍ରହ କରୁଥିବା ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ ଘଟଣାକୁ ଦୃଢ଼ ନିନ୍ଦା କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରାଯାଇଛି।