10-Feb-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ସରକାର ଙ୍କ ନିର୍ଦ୍ଦେଶ କ୍ରମେ ଗ୍ରାମ ପଞ୍ଚାୟତ ରୁ ଆରମ୍ଭ କରି ବିଧାନସଭା ପର୍ଯ୍ୟନ୍ତ ଜନସାଧାରଣଙ୍କ ସୁବିଧା ସୁଯୋଗ ପାଇଁ ପ୍ରତ୍ୟେକ ସୋମବାର ଦିନ ଜନଶୁଣାଣୀ ଶିବିର ଅନୁଷ୍ଠିତ କରାଯାଉଛି। କିନ୍ତୁ ବିଭିନ୍ନ ସ୍ଥାନରେ ପ୍ରଶାସନିକ ଅଧିକାରୀ ଙ୍କ ଅବହେଳା ,ମନମୁଖୀ କାର୍ଯ୍ୟ ଯୋଗୁଁ ଜନଶୁଣାଣୀ ଶିବିର ଏକ ପ୍ରହସନ ପାଲଟିଛି।ତା ଠାରୁ ମଧ୍ୟ ବିଚିତ୍ର ପ୍ରକାରର ଜନଶୁଣାଣୀ ଶିବିର ଅନୁଷ୍ଠିତ ହୁଏ ବଲାଙ୍ଗିର ଜିଲ୍ଲା ବେଲପଡା ବ୍ଳକ କାର୍ଯ୍ୟାଳୟ ହେଉ କିମ୍ବା ଗ୍ରାମ ପଞ୍ଚାୟତ ସ୍ତରୀୟ। ଏହି ବ୍ଳକ ର ଯେକୋୖଣସି ଗ୍ରାମ ପଞ୍ଚାୟତ ରେ ଜନଶୁଣାଣୀ ଶିବିର ଅନୁଷ୍ଠିତ ହୁଏ ତାହେଲେ ପ୍ରଚାର ପ୍ରସାର କରିବାକୁ ନାରାଜ ‌। ଯେଉଁ ଥି ପାଇଁ ଲୋକେ ଜନଶୁଣାଣୀ ର ଲାଭ ଉଠାଇ ପାରୁନାହାନ୍ତି । ପୂର୍ବରୁ ଠିକ୍ ବ୍ୟବସ୍ଥା ଥିଲା କିନ୍ତୁ ୧୬ ମାସ ଖଣ୍ଡିଏ ହେବ ଜନଶୁଣାଣୀ ଶିବିର ରେ ଅନେକ ସମସ୍ୟା ଦେଖାଦେଉଛି ହେଲେ ବେଆଖାତିର କରୁଛନ୍ତି ବ୍ଳକ ପ୍ରଶାସନ।ଗତ ସୋମବାର ଦିନ ବେଲପଡା ବ୍ଳକ ପଣ୍ଡ୍ରିଜୋର ଗ୍ରାମ ପଞ୍ଚାୟତ ରେ ଜନଶୁଣାଣୀ ଶିବିରରେ ମାଂସ ଭାତ ଖାଇ ସାରିଦେଇଥିବା ବେଳେ ତାର ଭିଡ଼ିଓ ଭାଇରାଲ ହୋଇଥିଲା ଏବଂ ଏହାର ପ୍ରତିବାଦରେ କୋଶଳ ସଂଗ୍ରାମୀ ମାନେ ଧାରଣା ଦେଇଥିଲେ ହେଲେ " ମୋତେ ଯେତେ ମାଠିବୁ ମାଠ ମୁଁ ସେହି ଦରପୋଡା କାଠ " ଉକ୍ତିରେ ବେଲପଡା ବ୍ଳକ ପ୍ରଶାସନ। ସୂଚନା ଅନୁସାରେ ଆଜି ବଲାଙ୍ଗିର ଜିଲ୍ଲା ବେଲପଡା ବ୍ଳକ ବାହାବଲ ଗ୍ରାମ ପଞ୍ଚାୟତ ରେ ଜନଶୁଣାଣୀ ଶିବିର ଅନୁଷ୍ଠିତ ହୋଇଥିଲା।ଏଥିରେ ଏବିଡିଓ ସାରଥୀ ସାହୁ,ଜି ପି ଇଓ ଦେବେନ୍ଦ୍ର ସାହୁ,ସିଡିପିଓ ବିଦ୍ୟୁତ୍ ପ୍ରଭା ନାଗ ,ବି ପି ସି ତପନ ନାଏକ, ଯୋଗାଣ ଅଧିକାରୀ ରଥ, ସାମାଜିକ ସୁରକ୍ଷା ବିଭାଗ ରୁ ଅସିତ ବେହେରା, ମନରେଗା ବିଭାଗରୁ ପ୍ରକାଶ କୁମାର ବସ୍ତିଆ,ଶିକ୍ଷା ବିଭାଗ ରୁ ସି, ଆର୍,ସି,ସି, ପ୍ରାଣୀ ସମ୍ପଦ ବିଭାଗ ରୁ ସ୍ବାସ୍ଥ୍ୟ ବିଭାଗ ରୁ ବାହାବଲ ସି ଏଚ୍ ଓ ସୁଭଦ୍ରା ସ୍ବାଇଁ,ପିଇଓ ସୌମ୍ୟା ପ୍ରିୟଦର୍ଶିନୀ ଭୋଇ ,ଏଡିଇଓ ରାସ ବିହାରୀ ଘିବେଲା ପ୍ରମୁଖ ଉପସ୍ଥିତ ଥିଲେ। ଗ୍ରାମ ପଞ୍ଚାୟତ ରୁ ମାତ୍ର ଦୁଇ ତିନିଟି ମାତ୍ର ଅଭିଯୋଗ ଆସିଥିବା ଏବିଡିଓ ସାରଥୀ ସାହୁ କହିଛନ୍ତି। ସର୍ବପ୍ରଥମେ ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ଅନୁପସ୍ଥିତ ଓ ସରପଞ୍ଚ ଙ୍କ ଅନୁପସ୍ଥିତ ସାମାଜିକ ସୁରକ୍ଷା ଅଧିକାରୀ ଙ୍କ ଅନୁପସ୍ଥିତ,ଏପିଓ ଙ୍କ ଅନୁପସ୍ଥିତ କୁ ଅନୁଧ୍ୟାନ କଲେ କିଭଳି ଜନଶୁଣାଣୀ ଶିବିର ହୋଇଥିବ ଆପଣ ଜାଣିପାରିବେ। ଅପରପକ୍ଷରେ ଗ୍ରାମ ପଞ୍ଚାୟତ ରେ ଜନଶୁଣାଣୀ ଶିବିରକୁ ନେଇ କୌଣସି ପ୍ରଚାର ପ୍ରସାର ହୋଇନଥିବା କାରଣରୁ ଜନଶୂନ୍ୟ ହୋଇଯାଇଛି। ତାଙ୍କ ତାଙ୍କ ମଧ୍ୟରେ ବସି କିଛି ସି, ଆର୍,ପି ଏମ୍ ବି କେ କୁ ଧରି ଜନଶୁଣାଣୀ ଶିବିର ସାରିଦେଇ ଛନ୍ତି। ଯାହାଫଳରେ ଗ୍ରାମ ପଞ୍ଚାୟତ ବାସୀଙ୍କ ମନରେ ତୀବ୍ର ଅସନ୍ତୋଷ ଦେଖାଦେଇଛି। ଏହାକୁ ନେଇ ଲୋକ ଜନ ନାହିଁ ତ ଶୁଣାଣି କାହିଁ ବୋଲି ସମାଲୋଚନା କରୁଛନ୍ତି। ଏଥିପ୍ରତି ବଲାଙ୍ଗିର ଜିଲ୍ଲା ପ୍ରଶାସନ ଦୃଷ୍ଟି ଆକର୍ଷଣ କରି ଉଚିତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।