08-Feb-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲାରେ ବାରମ୍ବାର କାଠ ଜବତ କରାଯାଇଥିବା ବେଳେ କାଠ ମାଫିଆ କୁ ଧରୁନଥିବା ତାହା ବଡ଼ ପ୍ରଶ୍ନବାଚୀ; ଏଥିରେ ବନବିଭାଗ କର୍ମଚାରୀ ମାନେ କିଛି ସହଯୋଗ କରୁଥିବା ସାଧାରଣ ରେ ଚର୍ଚ୍ଚା ଜୋର ଧରିଛି। ନହେଲେ କାଠ ମାଫିଆ ଏତେ ସକ୍ରିୟ ନ ହୁଏନ୍ତେ ବାରମ୍ବାର କାଠ ଜବତ କୁ ନେଇ ତାଙ୍କ ମନରେ ଭୟ‌ ସୃଷ୍ଟି ହେବା କଥା। ପୁଣି ଆଜି ଖପ୍ରାଖୋଲ ବନବିଭାଗ ଦ୍ୱାରା ଖଇରକାଠ ଜବତ ହୋଇଥିବା ବେଳେ ମାଫିଆ କୁ ଧରିବାରେ ବିଫଳ ବନବିଭାଗ। ସୂଚନା ଅନୁସାରେ ହରିଶଙ୍କର ବନାଞ୍ଚଳ ଧଣ୍ଡାମୁଣ୍ଡା ସେକ୍ସନ ପାଟିମାଲ ଗାଁ ରେ ଭୋର୍ ସକାଳ ୪ ଟା ବେଳକୁ ଏକ ଖଇରକାଠ ବୋଝେଇ ପିକ୍ ଅପ୍ ଭ୍ୟାନ କୁ ଖପ୍ରାଖୋଲ ବନବିଭାଗ ଧରିବାରେ ସକ୍ଷମ ହୋଇଥିଲେ। ତତ୍ ସଙ୍ଗେ ସଙ୍ଗେ ଏକ ମୋଟର ସାଇକେଲ ମଧ୍ୟ ଜବତ କରାଯାଇଛି। ହେଲେ ଆଶ୍ଚର୍ଯ୍ୟର କଥା କାଠ ମାଫିଆ କୁ ଧରିବାରେ ବିଫଳ ହେଇଛନ୍ତି।ସତରେ‌ କାଠ ମାଫିଆ କୁ ଧରିବାରେ ବିଫଳ ହେଲେ ନାଁ ଜାଣିଶୁଣି ତାକୁ ଛାଡ଼ିଦେଲେ ବୋଲି ସନ୍ଦେହ ସୃଷ୍ଟି କରୁଛି। ଏପରିକି ଖପ୍ରାଖୋଲ ବନବିଭାଗ ୨ ମାସରେ ୫ ଥର କାଠ ଜବତ କରିଥିବା ବେଳେ ଥରେ ମଧ୍ୟ କାଠ ମାଫିଆ କୁ ନଧରିବା ଆଶ୍ଚର୍ଯ୍ୟର ବିଷୟ । ଉପରିସ୍ଥ ଅଧିକାରୀଙ୍କ ଠାରେ ନିଜ ପାରିବାପଣିଆ ଦେଖାଇବା ପାଇଁ ନିଜ ବୋଲ ମାନୁଥିବା ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦେଇ ଖବର ପ୍ରକାଶ କରାଉଛନ୍ତି। ଏଥିପ୍ରତି ବଲାଙ୍ଗିର ବନଖଣ୍ଡ ଅଧିକାରୀ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ଉଚିତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।