08-Feb-2025

ବରଗଡ (ନିରଞ୍ଜନ ତ୍ରିପାଠୀ )
-ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ବରମୁଣ୍ଡା ଗ୍ରାମର ଅବସର ପ୍ରାପ୍ତ ଶିକ୍ଷକ ବିରଞ୍ଚି ସାହୁ ଆଉ ଆମ ଗହଣରେ ନାହାନ୍ତି।୭୫ ବର୍ଷ ବୟସରେ ତାଙ୍କ ପରଲୋକ ହୋଇଯାଇଛି।ସେ ଜଣେ ଆଦର୍ଶ ଶିକ୍ଷକ ଭାବେ ସାରା ବିଜେପୁର ଅଞ୍ଚଳରେ ତାଙ୍କ ଖ୍ୟାତି ଥିଲା।ସେ ଜଣେ ମେଳାପି, ଧର୍ମପରାୟଣ,କର୍ମଠ ବ୍ୟକ୍ତି ଭାବେ ଅଞ୍ଚଳରେ ସୁନାମ ଅର୍ଜନ କରିଥିଲେ। ମୃତ୍ୟୁ ବେଳକୁ ପତ୍ନୀ ଜମୁନା ସାହୁ ,ବଡ଼ପୁଅ ସୁମନ୍ତ କୁମାର ସାହୁ, ସାନପୁଅ ଅଭୟ ଚରଣ ସାହୁ,ଝିଅ ସନ୍ତୋଷିନୀ ପଧାନ, ଜ୍ୱାଇଁ ଶେଷଦେବ ପଧାନ ଏବଂ ନାତିନାତୁଣୀ ପ୍ରମୁଖ ଉପସ୍ଥିତ ଥିଲେ। ତାଙ୍କ ଅନ୍ତିମ ଦର୍ଶନ ପାଇଁ ବିଜେପୁର ଅଞ୍ଚଳର ଶିକ୍ଷକ, ଶିକ୍ଷୟିତ୍ରୀ, ଅନେକ ମାନ୍ୟଗଣ୍ୟ ବ୍ୟକ୍ତିଙ୍କ ଭିଡ଼ ସ୍ଥାନୀୟ ବିଜେପୁର ସ୍ଥିତ ବାସଭବନରେ ଦେଖିବାକୁ ମିଳିଥିଲା। ତାଙ୍କ ପୈତୃକ ଗ୍ରାମ ବରମୁଣ୍ଡାରେ ଅନ୍ତିମ ଶବଦାହ କରାଯାଇଥିଲା। ବଡ ପୁଅ ସୁମନ୍ତ ମୁଖାଗ୍ନୀ ଦେଇଥିଲେ।