06-Dec-2024

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ନଅଗାଁ (କ) ପଞ୍ଚାୟତ ଅନ୍ତର୍ଗତ ହଳଦୀପଦର ଗ୍ରାମ ର ଗୀତା ପୋଢ଼, ସ୍ବାମୀ ନେପାଲ ପୋଢ଼ ବିଷପିଇ ଆତ୍ମହତ୍ୟା କରିଥିବା ପରିବାର ଓ ପୁଲିସ ଠାରୁ ସୂଚନା ମିଳିଛି l ଜାଣିବାକୁ ମିଳିଛି ଯେ ଗୀତା ଗ୍ରାମର ସ୍କୁଲ ରେ ଦୀର୍ଘ ୧୮ ବର୍ଷ ହେବ ପାଚିକା ଭାବରେ କାର୍ଯ୍ୟ କରି ଆସୁଥିଲେ ଓ ସେହି ଦିନ ମଧ୍ୟ ସ୍କୁଲ ରୁ ୪ ଟା ରେ ଫେରିଥିଲେ l ସ୍ବାମୀ ନେପାଲ ଜଣେ ମଦ୍ୟପ ଥିବାରୁ ପ୍ରତିଦିନ ଦୁହିଁଙ୍କ ମଧ୍ୟରେ ଝଗଡା ଲାଗି ରହୁଥିଲା ଓ ଉକ୍ତ ଦିନ ମଧ୍ୟ ଝଗଡା ସ୍ତ୍ରୀ ଙ୍କ ସହିତ କରିଥିଲେ l ତେଣୁ ଗୀତା ଉତ୍ୟକ୍ତ ହୋଇ ଘରେ ବିଷ ପିଇ ଦେଇଥିଲେ l ଏହା ପରେ ସ୍ବାସ୍ଥ୍ୟବସ୍ତା ଗୁରୁତ୍ତର ହେବାରୁ ପ୍ରଥମେ ଆଗଲପୁର ଡାକ୍ତରଖାନାକୁ ପରିବାର ଲୋକେ ନେଇଥିଲେ ଓ ସେଠାରେ ଆହୁରି ଗୁରୁତର ହେବାରୁ ଡାକ୍ତର ବଲାଙ୍ଗୀର ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରୀତ କରିଥିଲେ l ସେଠାରେ ଚିକିତ୍ସିତ ହେଉଥିବା ବେଳେ ଗୀତା ଙ୍କ ପ୍ରାଣବାୟୁ ଉଡ଼ି ଯାଇଥିଲା l ମୃତ ଗୀତା ଙ୍କ ତିନୋଟି ସନ୍ତାନ ଥିବାବେଳେ ଇଚ୍ଛାପୁର ନିକଟସ୍ତ କନ୍ଧୂମୁଣ୍ଡ। ଗ୍ରାମ ର ଝିଅଥିଲେ l ମୃତ୍ୟୁପରେ ଶବ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଗଲା l ଏକ ଅପମୃତ୍ୟୁ ମାମଲା ରୁଜୁ କରାଯିବ ବୋଲି ପୁଲିସ ସୂଚନା ଦେଇଛନ୍ତି l ଏକ ବର୍ଷ ରେ ଆଗଲପୁର ଅଞ୍ଚଳ ରେ ହଳଦୀପାଲି , ଗଣ୍ଡପାଲି , ବାବୁଫା ସଡ , ବ।ଞ୍ଜିପାଲି ସହ ଅନ୍ୟାନ୍ୟ ଗ୍ରାମ ର ପ୍ରାୟ ମହିଳା ଆତ୍ମହତ୍ୟା କରିଥିବା ସୂଚନା ରୁ ପ୍ରକାଶ l