27-Nov-2024

କଣ୍ଟାମାଳ(ଜୟ କୁମାର ମହାରଣା): ସମ୍ବିଧାନ ପ୍ରଣେତା ଡକ୍ଟର ଭୀମରାଓ ଆମ୍ବେଦକରଙ୍କ ଜନ୍ମ ଜୟନ୍ତୀ ନଭେମ୍ବର ୨୬ତାରିଖକୁ ସାରା ଦେଶରେ ଜାତୀୟ ସମ୍ବିଧାନ ଦିବସ ରୂପେ ପାଳନ କରାଯାଉଥିବା ବେଳେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ଏହି ଦିବସ ପାଳିତ ହୋଇଯାଇଛି। ସମାଜସେବୀ ଡମ୍ବରୁଧର କହଁର ଙ୍କ ନେତୃତ୍ୱରେ ଆଜି ସକାଳ ୯ଘଣ୍ଟା ସମୟରେ ସମ୍ବିଧାନ ଦିବସ ପାଳନକୁ ନେଇ ଏକ ସଚେତନତା ରାଲି ନଗର ପରିକ୍ରମା କରିଥିଲା  l ଏହିଅବସରରେ ଆୟୋଜିତ ଏକ ସଭାକୁ କଣ୍ଟାମାଳ ତହସିଲଦାର ସୁଶ୍ରୀ ଶ୍ୱେତପଦ୍ମା ଯୋଶୀ ମୁଖ୍ୟଅତିଥି ଭାବେ ଉଦଘାଟନ କରିଥିଲେ  l  ଅନ୍ୟମାନଙ୍କ ମଧ୍ୟରେ ବେଦ ଷାଣ୍ଢ, ରାମଚନ୍ଦ୍ର ତାଣ୍ଡି,ଠାକୁର ଚରଣ ନାୟକ,ଭୋଲା କହଁର,ସନ୍ତୋଷ ବେହେରା ପ୍ରମୁଖ ଯୋଗଦେଇ ଡ଼ଃ ଆମ୍ବେଦକର ଦେଶବାସୀଙ୍କ ପ୍ରତି ଯେଉଁ ସତର୍କ ସୂଚନା ଦେଇଥିଲଲେ ଓ ଆମକୁ ଅସମ୍ବିଧାନିକ ଉପାୟ ଅବଲମ୍ବନ ନକରିବାକୁ ପରାମର୍ଶ ଦେଇଥିବାବେଳେ ସର୍ବସାଧାରଣ ଆଇନ ଅମାନ୍ୟ, ବିଦ୍ରୋହରୁ ଦୁରେଇ ରହିବାକୁ ଦେଇଥିବା ପରାମର୍ଶ ସମ୍ପର୍କରେ ବକ୍ତବ୍ୟ ରଖିଥିଲେ   l ସେହିପରି ଘଣ୍ଟାପଡା କଲେଜ ରାଜନୀତି ବିଜ୍ଞାନ ଅଧ୍ୟାପକ ହୃଷିକେଶ ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ସମ୍ବିଧାନ ଦିବସ ସଭାରେ କଲେଜର ପ୍ରତିଷ୍ଠାତା ସଦସ୍ୟ

ପ୍ରଭାତ କୁମାର ସାହୁ ମୁଖ୍ୟଅତିଥି,କଲେଜ ଅଧ୍ୟକ୍ଷ ଗିରିଧର ଦେହୁରୀ ମୁଖ୍ୟବକ୍ତା ଓ ଅଧ୍ୟାପକ ଟଙ୍କଧର କମ୍ପ, ଇଂରାଜୀ ଅଧ୍ୟାପିକା ଶ୍ରୀମତୀ ମଧୁସ୍ମିତା ଭୋଇ, ଅର୍ଥନୀତି ଅଧ୍ୟାପିକା ଗିତାଞ୍ଜଳି ରଣା ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ ସମ୍ବିଧାନର ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ଏଥିରେ ଅନେକ ଛାତ୍ରଛାତ୍ରୀ ନିଜ ନିଜର ମତାମତ ରଖିଥିଲେ। ଶେଷବର୍ଷର ଛାତ୍ରୀ ଦୁର୍ଲ୍ଲଭି ରଣା ସଭା ପରିଚାଳନା କରିଥିବା ସ୍ଥଳେ ଅଧ୍ୟାପିକା କବିତା ସାହୁ ଧନ୍ୟବାଦ ଦେଇଥିଲେ। ସେହିପରି ଘଣ୍ଟାପଡ଼ା ଥାନା, ପଞ୍ଚାୟତ, ସମସ୍ତ ବିଦ୍ୟାଳୟରେ ଜାତୀୟ ସମ୍ବିଧାନ ଦିବସ ପାଳିତ ହୋଇଯାଇଛି ।