05-Nov-2024

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଳକ ୟୁଥ ଫ୍ରେଣ୍ଡସ ଆସୋସିଏସନ କଲରାକୋଠା ଦ୍ୱାରା ଆୟୋଜିତ ୩୬ତମ ଶାରଦୀୟ କାଳୀପୂଜା ଅବସରରେ ଆୟୋଜିତ ମହିଷାସୁର ଦରବାର ର ପଞ୍ଚମ ସନ୍ଧ୍ୟାର  ମହିଷାଶୁର ଦରବାରରେ ଓଡିଶା ସିନେ ଜଗତର ପ୍ରଖ୍ୟାତ ହାସ୍ୟ କଳାକାର ପପୁ ପମପମ ନିଜସ୍ୱ କଣ୍ଠରେ ଗାଇ ହସାଇ ମଞ୍ଚ ଦୁଲୁକାଇବା ସହ ହଜାର ହଜାର ଦର୍ଶକଙ୍କ ମନମୋହିଥିଲେ  l  ପଞ୍ଚମ ସନ୍ଧ୍ୟାର ରାଜକୀୟ ମୁଖ୍ୟଅତିଥିଭାବେ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ଓ ସମ୍ମାନୀତ ଅତିଥି ୧ନମ୍ବର ଜିଲ୍ଲାପରିଷଦ ସଭ୍ୟା ଶ୍ରୀମତୀ ସୁମିତ୍ରା ସାହୁ,ମଣ୍ଡଳ ସଭାପତି ପିନାକଧର ରଣା, ଶିକ୍ଷାବିତ ନୀଳାଞ୍ଚଳ ଭୋଇ ପ୍ରମୁଖ ଯୋଗଦେଇ

ଦରବାରର ଆୟୋଜନ ଓ ଅଂଚଳର ମହାନ କଳା ସଂସ୍କୃତି ସମ୍ପର୍କରେ ବକ୍ତବ୍ୟ ରଖିଥିଲେ l ଧାରଣୀସେନ ସାହୁ ଦରବାର ପରିଚାଳନା କରିଥିଲେ  l  ଏହିଅବସରରେ ଉତ୍ତମ ସେବା ପାଇଁ କଣ୍ଟାମାଳ ଡାକ୍ତରଖାନାର ମେଡିକାଲ ଅଫିସର ଡ଼ଃ ଜଗଦୀଶ ସେଠି ଙ୍କୁ ଉପଢୌକନ ସହ ମାନପତ୍ର ଦ୍ୱାରା ସମ୍ବର୍ଦ୍ଧିତ କରାଯାଇଥିଲା l ପଞ୍ଚମ ସନ୍ଧ୍ୟାରେ ସତସ୍ରୁଙ୍ଗୀ ପର୍ବତରେ ମା ଦୁର୍ଗାଙ୍କ ଆବିର୍ଭାବ ଖବର ପାଇ ରକ୍ତବୀର୍ଯ୍ୟ କୁ ସତସୁଙ୍ଗ କୁ ପଠାଇଲେ ମହିଷାସୁର l  ଦୁର୍ଗାଙ୍କ କାଳୀ ଅବତାର ଧାରଣ ଓ ରକ୍ତବୀର୍ଯ୍ୟ ନିଧନ  ଏବଂ ରକ୍ତବୀର୍ଯ୍ୟ ନିଧନ ଖବର ପାଇ ମହିଷାସୁର ମର୍ମାହତ ନାଟକ ମଞ୍ଚସ୍ଥ ହୋଉଥିଲା  l  ମହିଷାସୁର ଭୂମିକାରେ ଭୁବନେଶ୍ୱର ପ୍ରଧାନ ଙ୍କ ଅଭିନୟ କୁ ଦର୍ଶକମାନେ ଭୁୟସୀ ପ୍ରଶଂସା କରିଥିଲେ  l  କମିଟି ସଭାପତି ପ୍ରଫୁଲ୍ଲ ସାହୁ, ସମ୍ପାଦକ ପ୍ରକାଶ ରଣା ସମେତ ପୂଜା କମିଟି ସଦସ୍ୟ ଓ ପୋଲିସ ଙ୍କ ଉଦ୍ୟମରେ ଶାନ୍ତିଶୃଙ୍ଖଳାର ସହିତ ଦର୍ଶକମାନେ ବିଳମ୍ୱିତ ରାତ୍ର ପର୍ଯ୍ୟନ୍ତ ମିନାବଜାର ବୁଲିବା ସହ କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ।