04-Nov-2024

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ ଲୋଇସିଂହା ପଞ୍ଚାୟତ ରେ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣି ସଚେତନତା ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯକ୍ରମ ରେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଅକ୍ଷୟପାଣି ଉଦ୍ଦୁ ଯୋଗ ଦେଇଥିବା ବେଳେ ତାଙ୍କ ସହିତ ଲୋଇସିଂହା ଏବିଡ଼ିଓ ଶ୍ରୀ ରାଜେନ୍ଦ୍ର ବାବୁ, ସିଡିପିଓ ଶ୍ରୀମତୀ ଗାୟତ୍ରୀ ବାରିକ, ଜିପିଓ କିଶୋରଚନ୍ଦ୍ର ମାନସିଂହ, ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ ସମେତ ଅନ୍ୟାନ୍ୟ ବିଭାଗ ର ଅଧିକାରୀ, ଏ. ଇ, ଯେ. ଇ ମାନ ଉପସ୍ଥିତ ଥିଲେ l ବିଶେଷ କରି ବ୍ଲକ୍ ର ବିଭିନ୍ନ ବିଭାଗ ଯଥା ଜଳ ଓ ପରିମଳ, ଭତ୍ତା, ମନରେଗା, ଆବାସ ଗୃହ, ଘର ଡିହ, ମତ୍ସ୍ୟ, ପଶୁ, କୃଷି, ଉଦ୍ୟାନ , ରାସନ୍ କାର୍ଡ ଉପରେ ଅନେକ ଅଭିଯୋଗ ଆସିଥିବା ବେଳେ ଉକ୍ତ ବିଭାଗର ସମସ୍ତ ବିଭାଗୀୟ ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ। ଆଜିର ଜନ ଶୁଣାଣି ଶିବିରଟି ଅନେକ ବିଭାଗ ଉପରେ ଅଭିଯୋଗ ଦରଖାସ୍ତ ଗ୍ରହଣ ହୋଇଥିଲା l ଅଭିଯୋଗ ଶୁଣାଣୀ ଶିବିର ସମୟ ଶେଷ ହେବା ସତ୍ୱେ ଅନେକ ଲୋକ ଶିବିର କୁ ଆସୁଥିବାର ଦେଖିବାକୁ ମିଳିଥିଲା l ବିଶେଷ କରି ପ୍ରଧାନମନ୍ତ୍ରୀ ଆବାସ, ଗୃହ ଉପରେ ସର୍ବ ମୋଟ 224 ଟି ଅଭିଯୋଗ ପଞ୍ଜିକରଣ ହୋଇଥିବା ବେଳେ ଅନ୍ୟାନ୍ୟ ଉପରେ 46 ଟି ଅଭିଯୋଗ ପଞ୍ଜିକରଣ ହୋଇଥିବା ସରପଞ୍ଚ ଶ୍ରୀଯୁକ୍ତ ନବକିଶୋର ନାଏକ ସୂଚନା ଦେଇଛନ୍ତି l ଆଜିର ଏହି ଅଭିଯୋଗ ଶୁଣାଣୀ ଶିବିର ସରପଞ୍ଚ ଶ୍ରୀଯୁକ୍ତ ନାଏକ ଙ୍କ ସହିତ ସମସ୍ତ ୱାର୍ଡ ସଭ୍ୟ ସଭ୍ୟା, ସମିତି ସଭ୍ୟ, ଗ୍ରାମ ରୋଜଗାର ସେବକ, ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଓ ଯୋଗାଣ ସହାୟକ ଉପସ୍ଥିତ ରହି ଉକ୍ତ ଜନ ଶୁଣାଣି କାର୍ଯ୍ୟକ୍ରମ କୁ ସାଫଲ୍ୟ କରିଥିଲେ l