28-Oct-2024

ବୌଦ୍ଧ(ଦୁର୍ଯ୍ଯୋଧନ ବିଶି):ଷ୍ଟେଟ ବ୍ୟାଙ୍କ ଗ୍ରାମୀଣ ଆତ୍ମ ନିଯୁକ୍ତି ପ୍ରଶିକ୍ଷଣ ପ୍ରତିଷ୍ଠାନ, ଲଣ୍ଡିବନ୍ଧ,ବୌଦ୍ଧ ଓ ଓଡ଼ିଶା ବନାଞ୍ଚଳ ଉନ୍ନୟନ ପ୍ରକଳ୍ପ ପର୍ଯ୍ୟାୟ-୨ , ବୌଦ୍ଧ ର ମିଳିତ ଆନୁକୁଲ୍ୟରେ କଣ୍ଟାମାଳ ବ୍ଲକ ର ରେଘମୁଣ୍ଡା ବାବା ଗୁପ୍ତେଶ୍ୱରଙ୍କ ପାଖରେ ଥିବା କଲ୍ୟାଣ ମଣ୍ଡପ ଠାରେ ତା.୧୮-୧୦-୨୪ ରୁ ତା.୨୮-୧୦-୨୪ ରିଖ ପଯ୍ୟନ୍ତ ହେଉଥିବା ପନି ପରିବା ଚାରା ପରିଚାଳନା ଓ ଚାଷ ତାଲିମ୍ କାର୍ଯ୍ୟକ୍ରମ ଉଦଯାପିତ ହୋଯାଇଛି।
ଏହି କାର୍ଯ୍ୟକ୍ରମ ଟିରେ ସ୍ଥାନୀୟ ଅଞ୍ଚଳ ର ୫ଜଣ ପୁରୁଷ ଏବଂ ୩୦ ଜଣ ମହିଳାଙ୍କୁ ନେଇ ମୋଟ ୩୫ ଜଣ  ପ୍ରଶିକ୍ଷାର୍ଥି ଅଂଶ ଗ୍ରହଣ କରିଥିଲେ। ଦଶ ଦିନଧରି ଚାଲିଥିବା ଏହି ତାଲିମ୍ କାର୍ଯକ୍ରମ କୁ କେନ୍ଦ୍ରାପଡ଼ା ରୁ ଆସିଥିବା ପ୍ରଶିକ୍ଷକ ଶ୍ରଯୁକ୍ତ ସୁଧାଂଶୁ ଶେଖର ନାୟକ ପରିଚାଳନା କରିବା ସହିତ ପନି ପରିବା ଚାରା ପ୍ରସ୍ତୁତି ଓ ଚାଷ ସମ୍ବନ୍ଧ ରେ ବିଶଦ ଆଲୋଚନା କରିଥିଲେ, ତତ୍ ସହିତ ଚାଷୀ ମାନେ କିପରି ବର୍ତ୍ତମାନ ବ୍ୟବହାର କରୁଥିବା ରାସାୟନିକ ସାର କୁ ପରିତ୍ୟାଗ କରି  ପରିବେଶ ଅନୁକୂଳ ଜୈବିକ ସାର ପ୍ରସ୍ତୁତି ବିଧି ଓ ପ୍ରୟୋଗ ସମ୍ବନ୍ଧରେ ଆଲୋଚନା କରିଥିଲେ  । ପ୍ରଶିକ୍ଷାର୍ଥି ମାନେ ମଧ୍ୟ ମନ ଦେଇ ଓ ଆଗ୍ରହ ସହକାରେ ସମସ୍ତ ପ୍ରକାର ତାଲିମ୍ କୁ ଶିକ୍ଷା କରିଥିଲେ । କାର୍ଯ୍ୟକ୍ରମ ଟିର ସଂଯୋଜକ ଅମର ପ୍ରସାଦ ମହାପାତ୍ର ପ୍ରଶିକ୍ଷାର୍ଥି ମାନଙ୍କ ମଧ୍ୟରେ ସକାରତ୍ମକ ମନୋଭାବ ପୋଷଣ କରିବା ସହିତ ତାଙ୍କର ବ୍ୟବହାରିକ ପରିବର୍ତ୍ତନ କିପରି ଆସିବ ସେ ଉପରେ ଆଲୋଚନା କରିଥିଲେ ।ନିର୍ଦ୍ଦେଶକ ଶ୍ରୀ ବିଚିତ୍ର ମହାପାତ୍ର ପ୍ରଶିକ୍ଷାର୍ଥି ମାନଙ୍କୁ ବ୍ୟାଙ୍କ ଓ ଋଣ ସମ୍ପର୍କ ଆଲୋଚନା କରିଥିଲେ । ପରିଶେଷରେ ନିର୍ଦ୍ଦେଶକ ଶ୍ରୀ ମହାପାତ୍ର ତାଲିମ କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିବା ସମସ୍ତ ୩୫ ଜଣ ପ୍ରଶିକ୍ଷର୍ଥି ମାନଙ୍କୁ ମାନପତ୍ର ପ୍ରଦାନ କରିବା ସହିତ ତାଙ୍କର ଊତ୍ତରତର ଶୁଭ କାମନା କରିଥିଲେ । ଉକ୍ତ କାର୍ଯ୍ୟକ୍ରମ ଟିକୁ ସୂଚାରୁ ରୂପେ ସମ୍ପାଦନା କରିବା ପାଇଁ ଉଭୟ ଅନୁଷ୍ଠାନ ର ସମସ୍ତ କର୍ମଚାରୀ ସହଯୋଗ କରିଥିଲେ ।