29-Oct-2024

ତୁଷୁରା(ପଞ୍ଚାନନ ନାଏକ) ତୁଷୁରା ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରୁ ୭୮ଲିଟର ଦେଶୀ ମଦ ଓ ୨୨ କେଜି ଗଞ୍ଜେଇ ସହ ୫ଟି ବାଇକ ଜବତ କରିଛି । ତିନୋଟି କେଶ ରୁଜୁ କରାଯାଇ ୫ ଜଣ ଗିରଫ କରିବା ସହ ସୋମବାର ତୁଷୁରା କୋର୍ଟଚାଲାଣ କରାଯାଇ ଥିବା ତୁଷୁରା ଅବକାରୀ ଅଧିକାରୀ ଶ୍ରୀକାନ୍ତ ପାଣିଗାହୀ ସୂଚନା ଦେଇଛନ୍ତି। ପ୍ରାପ୍ତ ସୂଚନା ମୁତାବକ ବଲାଙ୍ଗୀର ଜିଲ୍ଲା ଗୁଡଭେଲା ବ୍ଲକ ଅନ୍ତର୍ଗତ ଡୁଙ୍ଗିବାହାଳ ଛକ ଠାରେ ଘୂନା ଗ୍ରାମର ମୀନକେତନ ରଣା (୩୪ ବର୍ଷ) ଏକ ବାଇକରେ ଯାଉଥିବା ବେଳେ ତାଙ୍କ ଠାରୁ ୩୦ଲିଟର ଦେଶୀ ମଦ ଜବତ କରିଥିଲେ। ତୁଷୁରା ଅବକାରୀ ଥାନା ଅଧିନସ୍ଥ କେନଘାଟ ବ୍ରିଜ ଠାରେ ସୁବର୍ଣ୍ଣପୁର ଜିଲ୍ଲା ତରଭା ଥାନା ଅନ୍ତର୍ଗତ କୁଭାରମୁଣ୍ଡା ଗ୍ରାମର ଦୁଇ ଜଣ ଯୁବକ ଗୁପ୍ତେଶ୍ଵର କର୍ଣ୍ଣ (୪୨ ବର୍ଷ) ଓ ରୋହିତ ରଣା (୨୬ ବର୍ଷ) ଏକ ବାଇକରେ ଆସୁଥିବା ବେଳେ ତାଙ୍କ ଠାରୁ ୬କେଜି ଗଞ୍ଜେଇ ଜବତ କରାଯାଇ ଥିଲା। ଉକ୍ତ କେନ ଘାଟରେ ୪୮ଲିଟର ଦେଶୀ ମଦ ଓ ବାଇକ ଛାଡି କେହି ସେଠାରୁ ଫେରାର ମାରିଥିଲା। ବାଇକ ଓ ମଦ ଜବତ କରାଯାଇ ଥିବା ବେଳେ ଅଭିଯୁକ୍ତଙ୍କୁ ଖୋଜା ଚାଲିଛି । ତୁଷୁରା ଥାନା ଅନ୍ତର୍ଗତ ସମରା ଗ୍ରାମ ଛକ ଠାରେ ବୌଦ୍ଧ ଜିଲ୍ଲା କଣ୍ଟାମାଳ ଥାନା ଅନ୍ତର୍ଗତ କାମାଘାଟ ଗ୍ରାମ କାର୍ତ୍ତିକ ବଡାଚାର୍ଟ (୨୫ ବର୍ଷ) ଓ ଗଜୀନ ରଣା(୨୩ ବର୍ଷ) ଦୁଇ ଟି ବାଇକ ରେ ଆସୁଥିବା ବେଳେ ତାଙ୍କ  ୧୬ କେଜି ଗଞ୍ଜେଇ ଜବତ କରାଯାଇ ଥିଲା। ଅବକାରୀ ଥାନାର ଏଏସଆଇ ଡୁଲେଶ୍ଵର କୁମୁରା, କନେଷ୍ଟବଳ ବିଭୂତିଭୂଷଣ ଭୋଇ, ଭୋଜରାଜ ବଢ଼େଇ ଓ ସୁନେଲୀ ପ୍ରଧାନ ପ୍ରମୁଖ ସହଯୋଗରେ ଏହି ସଫଳତା ମିଳିଥିଲା।