28-Oct-2024

ସମ୍ବଲପୁର:(ନିରଞ୍ଜନ ତ୍ରିପାଠୀ)-ସମ୍ବଲପୁର ପ୍ରେସ କ୍ଲବ ପରିସରରେ ଟିମ୍ ଲିଡର ରାମଲାଲ ପଟେଲଙ୍କ ସଭାପତିତ୍ବରେ ପଶ୍ଚିମାଞ୍ଚଳ ପ୍ରାଥମିକ ଶିକ୍ଷକ ଫୋରମର ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପ୍ରଥମେ ମାଁ ସମଲେଶ୍ଵରୀ ପୂଜାର୍ଚ୍ଚନା କରାଯାଇଥିଲା । ଟିମ୍ ଲିଡର ଶ୍ରୀକାନ୍ତ ବାରିକ ସମସ୍ତଙ୍କୁ ସ୍ଵାଗତ ଜଣାଇଥିଲେ । ବୌଦ୍ଧ ଜିଲ୍ଲା ସଭାପତି ଶିଶିର ଖଟୁଆ,ରାୟଗଡ଼ା ଜିଲା ସଭାପତି ସୋମନାଥ ଗରଡ, ସୋନପୁରର ଦାମୋଦର ପଣ୍ଡା, ଝାରସୁଗୁଡ଼ା ଜିଲ୍ଲାର ଚୋଳ ଦେବ ସା, ଦେବଗଡ଼ ର ସଭାପତି ତ୍ରିନାଥ ଖୁଣ୍ଟିଆ,ସମ୍ବଲପୁରର ଚେରୁ ପାତ୍ର,ବରଗଡର ସ୍ବାଧିନ କୁମାର ସାହୁ ଓ ସମସ୍ତ ସଭାପତି ମାନଙ୍କ ମତ ଦେଇ ପଶ୍ଚିମାଞ୍ଚଳ ପ୍ରାଥମିକ ଶିକ୍ଷକ ସଂଘ ଗଠନ ଆସନ୍ତା ତା ୧୭ ନଭେମ୍ବର ୨୦୨୪ରେ ବରଗଡ଼ ଠାରେ ଏକ ସଂଘ ଗଠନ କରାଯିବା ପାଇଁ ପ୍ରସ୍ତାବ ଗୃହୀତ ହୋଇଥିଲା । ପଶ୍ଚିମାଞ୍ଚଳ ମିଳିତ ପ୍ରାଥମିକ ଶିକ୍ଷକ ଫୋରମ୍ ତରଫରୁ ପ୍ରୟାସ କରି ୨୦୨୨ ନଭେମ୍ବର ମାସ ରେ ମିଳିତ ସଂଘ ଗଠନ କରି ଏକ ଲକ୍ଷ ଶିକ୍ଷକ ଶିକ୍ଷୟିତ୍ରୀଙ୍କୁ ନେଇ ମିଳିତଭାବେ ଆନ୍ଦୋଳନ କରାଯାଇଥିଲା।ଦାବୀ ଥିଲା୪୨୦୦ ଗ୍ରେଡ଼ ପେ ଓ ଛଅ ବର୍ଷର ଚାକିରି କାଳକୁ ଗଣନା ସହ  ଛଅଟି ଇନକ୍ରିମେଣ୍ଟ  କିନ୍ତୁ ପାଞ୍ଚ ଦିନ ଅହୋରାତ୍ର ଆନ୍ଦୋଳନ କରିବାପରେ ମୁଖ୍ୟଶାସନ ସଚିବ ଲିଖିତ ପ୍ରତିଶ୍ରୁତି ଦେଇ ବି କୌଣସି ଦାବୀ ପୂରଣ କଲେ ନାହିଁ । ଏବେ ନୂଆଁ ସରକାର ପରିବର୍ତ୍ତନ ହେଲେ । ଏବେ ସେହି ଦୁଇ ଟି ମୁଖ୍ୟ ଦାବୀ  ମାନ୍ୟବର ମୁଖ୍ୟମନ୍ତ୍ରୀ, ମାନ୍ୟବର ମୁଖ୍ୟମନ୍ତ୍ରୀ, ମାନ୍ୟବର ଶିକ୍ଷା ମନ୍ତ୍ରୀ, ମାନ୍ୟବର ରାଜସ୍ବ ମନ୍ତ୍ରୀ, ମାନ୍ୟବର ସାଂସଦ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନଙ୍କୁ ଜଣାଇ ଆଲୋଚନା ପାଇଁ ଏକ ପ୍ରତିନିଧି ମଣ୍ଡଳ ଗଠନ କରାଗଲା । ଖୁବ୍ ଶୀଘ୍ର ଆଲୋଚନା ହେବ । ଦାବୀ ପୁରଣ ପାଇଁ ସମସ୍ତ ଟିମ୍ ଲିଡର୍, ସଭାପତି, କର୍ମକର୍ତ୍ତା ମତବ୍ୟକ୍ତ କରିଥିଲେ । ଦାବୀ ପୂରଣ ନହେଲେ ଆଗାମୀ ଦିନରେ ଶିକ୍ଷକ ଶିକ୍ଷୟିତ୍ରୀ ଆନ୍ଦୋଳନ କରିବାପାଇଁ ପ୍ରସ୍ତୁତ ହେଵେ ବୋଲି ମତପୋଷଣ କରିଥିଲେ । ଆଜି ବୈଠକରେ ଲିଙ୍ଗରାଜ ବେହେରା, ବାସୁଦେବ ପଟେଲ,ଉମେଶ ରାୟ, ସୁଶୀଲ ପୋଡ଼, ଲକ୍ଷ୍ମଣ ପଟେଲ ପ୍ରମୁଖ ଶତାଧିକ ଶିକ୍ଷକ ଯୋଗ ଦେଇ ମତ ଦେଇ ଥିଲେ । ଶେଷରେ ବରଗଡ ଜିଲ୍ଲାର ସ୍ବାଧିନ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।