28-Oct-2024

ଅତାବିରା (ଆକାଶ ମିଶ୍ର): ହିନ୍ଦୁ ଦେବା ଦେବୀଙ୍କ ପ୍ରତି  ହେଉଥିବା ଅସମ୍ମାନ କୁ ରୋକିବା ପାଇଁ  ବିଶ୍ଵ ହିନ୍ଦୁ ପରିଷଦ ଅତାବିରା ପ୍ରଖଣ୍ଡ ପକ୍ଷରୁ  ଏକ ମହତ ପ୍ରୟାସ  ଆରମ୍ଭ କରାଯାଇଛି । ଏ ନେଇ ଆଜି  ଅତାବିରା  ପ୍ରଖଣ୍ଡ ର ସଭାପତି ମନୀଷ ଶର୍ମା  ଙ୍କ ନେତୃତ୍ୱରେ ଅତାବିରା ଥାନାରେ ଏକ ଦାବିପତ୍ର ପ୍ରଦାନ  କରାଯାଇଛି ।

  ବାଣ ଫୋଟକା  ଗୁଡିକରେ  ବିଭିନ୍ନ   ହିନ୍ଦୁ ଦେବା ଦେବୀଙ୍କ ଫଟୋଚିତ୍ର ଲାଗିବା ତଥା ଦେବା ଦେବୀଙ୍କ ନାମରେ ବାଣ  ଫୋଟକା ବିକ୍ରି ହେଉଛି,ଯାହା ହିନ୍ଦୁ  ଧର୍ମ  ପ୍ରତି କୁଠାରଘାତ କରିବା ସହିତ ଭାରତୀୟ ସମ୍ବିଧାନ ର ଧାରା ୨୯୫ _ଏ କୁ ଖୋଲାଖୋଲି   ଉଲ୍ଲଂଘନ କରାଯାଉଛି।  ଆସନ୍ତା ଦୀପାବଳୀ ରେ ବିଭିନ୍ନ ହିନ୍ଦୁ ଦେବା ଦେବୀଙ୍କ ଫଟୋ ଚିତ୍ର ଥିବା ବାଣ ( ଫଟକା) ବିକ୍ରି ଉପରେ ରୋକ ଲଗାଯାଇ ବିକ୍ରି କରୁଥିବା ବ୍ୟକ୍ତି ମାନଙ୍କ ଉପରେ ଆଇନ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଏହି ଦାବି ପତ୍ରରେ ଅନୁରୋଧ କରାଯାଇଛି। ଭାରତୀୟ  ସମ୍ବିଧାନ ର  ଏହି ଧାରା ଅନୁସାରେ ଯେ କେହି ଇଚ୍ଛାପୂର୍ବକ ଓ ବିଦ୍ୱେଷ ମୂଳକ ଭାବେ ଭାରତର କୌଣସି ଶ୍ରେଣୀର ନାଗରିକ ଙ୍କର  ଧର୍ମଭାବ  ଅମର୍ଯ୍ୟାଦା କରିବା ଉଦ୍ଦେଶ୍ୟରେ ଲିଖିତ ଆକାରରେ, ଭାଷଣ ବା ବଚନ ଦ୍ୱାରା କିମ୍ବା ଚିତ୍ରାଦିଦ୍ୱାରା ଏପରି ଶ୍ରେଣୀର ଲୋକଙ୍କ ଧର୍ମ ବା ଧର୍ମ ବିଶ୍ୱାସ ପ୍ରତି ଅପମାନ କରନ୍ତି ବା ଅପମାନ ଦେବାର ଚେଷ୍ଟା କରନ୍ତି ତାଙ୍କ ପ୍ରତି ଦଣ୍ଡ ବିଧାନ ର ବ୍ୟବସ୍ଥା  ଉଦ୍ଧୃତ ରହିଛି। ଏହି ଦାବି ପତ୍ର ପ୍ରଦାନ ସମୟରେ ଅଶ୍ଵିନୀ ମେହେର, ଅଜୟ କୁମାର ମହାପାତ୍ର,ଛନ୍ଦା ଚରଣ ମେହେର, ମାନସ ରଞ୍ଜନ ସାହୁ, ବିଶ୍ୱଜିତ୍ ଭୋଇ, ଭକ୍ତ ସେଠ୍ ପ୍ରମୁଖ ଉପସ୍ଥିତ ଥିଲେ ।ଦିନକୁ ଦିନ ହିନ୍ଦୁ ଧର୍ମ  ର ମର୍ଯ୍ୟାଦା  କ୍ଷୂର୍ଣ୍ଣ   ହେବାରେ ଲାଗିଥିବା ବେଳେ ବିଶ୍ଵ ହିନ୍ଦୁ ପରିଷଦ  ଅତାବିରା ଶାଖା ପକ୍ଷରୁ ନିଆଯାଇଥିବା ଏହି ପଦକ୍ଷେପକୁ  ବୁଦ୍ଧିଜୀବୀ ମହଲରେ ସ୍ଵାଗତ ଓ ସାଧୁବାଦ୍ ଦିଆଯାଇଛି ।