28-Oct-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅନ୍ତର୍ଗତ ତେନ୍ତୁଳିଖୁଣ୍ଟି ପଞ୍ଚାୟତ ନୋଡାଲ ହାଇସ୍କୁଲରୁ କମ୍ପୁଟର, ସିସି କ୍ୟାମେରା ଓ ପାଣି ମୋଟର ଚୋରୀ ହୋଇ ଥିବା ସ୍କୁଲର ପ୍ରଧାନ ଶିକ୍ଷକ ତୁଷୁରା ଥାନାରେ ଅଭିଯୋଗ କରିଥିଲେ। ଏହାକୁ ଭିତ୍ତି କରି ତୁଷୁରା ଥାନାରେ ଏକ ମାମଲା ରୁଜୁ କରାଯାଇଥିଲା । ଦୁଇ ନାବାଳକ ସହ ତୁଷୁରା ଥାନା ତେନ୍ତୁଳିଖୁଣ୍ଟି ଗାଁର ଚିନ୍ମୟ ଭୋଇ ଓ ସୁଜିତ ପ୍ରସାଦ ନାଏକଙ୍କୁ ଗିରଫ କରି କୋର୍ଟଚାଲାଣ କରିଛି। ପ୍ରାପ୍ତ ସୂଚନା ମୁତାବକ  ଗୁଡଭେଲାବ୍ଲକ ଅନ୍ତର୍ଗତ ତେନ୍ତୁଳିଖୁଣ୍ଟି ପଞ୍ଚାୟତ ନୋଡାଲ ହାଇସ୍କୁଲ ପରିସରରୁ ଗୁରୁବାର ବିଳମ୍ବିତ ରାତ୍ରୀରେ  ବିଭିନ୍ନ ସାମଗ୍ରୀ ଚୋରି ହୋଇଥିଲା। ଏହାପରେ ତୁଷୁରା ଥାନାଧିକାରୀ ମନୋଜ ପ୍ରଧାନଙ୍କ ନେତୃତ୍ୱରେ ଏକ ଟିମ ସ୍କୁଲକୁ ଯାଇ ତଦନ୍ତ ଆରମ୍ଭ କରିଥିଲେ। ତଦନ୍ତ ବେଳେ ପୁଲିସ ବିଭିନ୍ନ ସୁରାକ ପାଇଥିଲା। ସ୍କୁଲରେ  ପଢୁଥିବା  ଦୁଇଜଣ ଛାତ୍ର ଓ ଆଉ ଦୁଇ ଜଣ ଯୁବକକୁ ସନ୍ଦେହ କରି ପଚରା ଉଚରା କରିଥିଲେ। ଉକ୍ତ ଅଭିଯୁକ୍ତ ମାନେ ଚେରୀ ସାମଗ୍ରୀ ସିସିଟିଭି କ୍ୟାମେରା, ଏକାଧିକ କମ୍ପ୍ୟୁଟର ମନିଟର, କିବୋର୍ଡ, ପାଣି ମାଟର ଆଦି ସ୍କୁଲ ସମ୍ମୁଖରେ ଥିବା ସ୍ବାସ୍ଥ୍ୟ ଆରୋଗ୍ୟ କେନ୍ଦ୍ର ପଛପଟେ ଚୋରି ସାମଗ୍ରୀ ଲୁଚାଇଥିବା ପୋଲିସ ଆଗରେ ସ୍ବୀକାର କରିଥିଲେ। ପୋଲିସ ଉକ୍ତ ସାମଗ୍ରୀ ଉଦ୍ଧାର କରିବା ସହ ଅଭିଯୁକ୍ତ ମାନଙ୍କୁ ଗିରଫ କରିଥିଲେ।