01-Oct-2024

ଭୁବନେଶ୍ୱର, ତା.୦୧/ ୧୦ :  ଭାରତୀୟ ରେଡ଼କ୍ରସ  ସୋସାଇଟି ଓଡ଼ିଶା ରାଜ୍ୟ ଶାଖା  ତରଫରୁ ଜାତୀୟ ସ୍ୱେଚ୍ଛାସେବୀ ରକ୍ତଦାତା ଦିବସ ଭୁବନେଶ୍ଵର ରାଜ୍ୟ ରେଡକ୍ରସ ମୁଖ୍ୟ କାର୍ଯ୍ୟାଳୟରେ ପାଳିତ ହୋଇଯାଇଛି। କାର୍ଯ୍ୟକ୍ରମରେ   ବୌଦ୍ଧ ଜିଲ୍ଲା କଣ୍ଟାମାଳ ସରକାରୀ ଉଚ୍ଚ ବିଦ୍ୟାଳୟର ଶିକ୍ଷକ ତଥା ଜୁନିଅର୍ ରେଡ଼କ୍ରସ୍ କାଉନସିଲର ବନମାଳୀ ମେହେରଙ୍କୁ ବ୍ଲଡ଼ ହିରୋ ଆୱାର୍ଡ଼ରେ ସମ୍ବର୍ଦ୍ଧିତ କରାଯାଇଥିଲା।ସ୍ଵେଚ୍ଛାକୃତ ରକ୍ତଦାନ ସହ ଅନ୍ୟମାନଙ୍କୁ ରକ୍ତଦାନ କରିବା ପାଇଁ ପ୍ରେରଣା ସୃଷ୍ଟି କରିଥିଲେ।ଆୟୋଜିତ ଉତ୍ସବରେ ଅବୈତନିକ ସଚିବ ବିଭୁତି ଭୁଷଣ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଡେପୁଟି ପୋଲିସ କମିଶନର ଲଲାଟେନ୍ଦୁ ମହାନ୍ତି ସମ୍ମାନିତ ଅତିଥି ଭାବେ ଡ. ଦେବୀପ୍ରସାଦ ମିଶ୍ର,ଡ.ଗିରିଜା ନନ୍ଦନ କାନୁନଗୋ,ଡ.ସନ୍ତୋଷ ମିଶ୍ର,ଡ.ରମେଶ ଚନ୍ଦ୍ର ବେହେରା ଓ ରାଜ୍ୟ ଜୁନିଅର ରେଡ଼କ୍ରସ୍ ଅଫିସର୍ ଲକ୍ଷ୍ମଣ ସ୍ୱାଇଁ ମଞ୍ଚାସୀନ ଥିଲେ। ବର୍ଷକୁ ସର୍ବାଧିକ ତିନିଥର ରକ୍ତଦାନ କରି ଅସହାୟ ତଥା ରୋଗୀ ମୁହଁରେ ହସ ଫୁଟାଇ ପାରିଛନ୍ତି।ବୃତ୍ତିରେ ଶିକ୍ଷକ ହେଲେ  ମଧ୍ୟ କ୍ଲାସରୁମ୍ ବାହାରକୁ ଆସି ଅନ୍ୟର ସେବାରେ ସଦା ସର୍ବଦା ଆଗଭର ହୁଅନ୍ତି।ବର୍ତ୍ତମାନ ପର୍ଯ୍ୟନ୍ତ ୨୫ଥର ରକ୍ତଦାନ କରିସାରିଛନ୍ତି। ପ୍ରକାଶ ଥାଉକି  ଚଳିତବର୍ଷ ରକ୍ତଦାନ ପାଇଁ ଶ୍ରେଷ୍ଠ ରକ୍ତଦାତା ଭାବେ ଭୀମଭୋଇ ମେଡ଼ିକାଲ କଲେଜ ବଲାଙ୍ଗୀର ତରଫରୁ ସମ୍ମାନୀତ ହେଇଥିଲେ।  ସୁବର୍ଣ୍ଣପୁର ଜିଲ୍ଲା ନିମ୍ନା ଗ୍ରାମର  ଡୋଳାମଣି ମେହେର ଓ ତ୍ରିବେଣୀ ମେହେରଙ୍କ ସୁପୁତ୍ର ବନମାଳୀ ଅଟନ୍ତି ।ଏଥିପାଇଁ ଜିଲ୍ଲା ଶିକ୍ଷାଧିକାରୀ ଗେନ୍ଦେରା କୁଜୁରୁ, ଜିଲ୍ଲା ଶାରିରୀକ ଶିକ୍ଷା ଅଧିକାରୀ  ଆନନ୍ଦ କୁମାର ବେହେରା ବେହେରା ,ବିଦ୍ୟାଳୟର ପ୍ରଧାନଶିକ୍ଷକ ପ୍ରକାଶ କୁମାର ପ୍ରଧାନ,ରାଜ୍ୟ ପୁରସ୍କାର ପ୍ରାପ୍ତ ସମାଜସେବୀ ରାମ ନାରାୟଣ ଦାଶ, ବୁଦ୍ଧିଜୀବୀ ଏବଂ ପରିବାରବର୍ଗ  ଶ୍ରୀମେହେରକୁ ଶୁଭେଚ୍ଛା  ଜଣାଇଛନ୍ତି ।