14-Aug-2024

ବଲାଙ୍ଗୀର(ପ୍ରେରଣାଖବର): ଜିଲ୍ଲା ଶିଶୁ ସୁରକ୍ଷା ୟୁନିଟ, ବଲାଙ୍ଗିର ଓ ଅରୁଣା- ସିଆର୍ର୍ଏସ୍ ର ମିଳିତ ଆନୁକୂଲ୍ଯରେ  ପଞ୍ଚାୟତ ସାଧନ କେନ୍ଦ୍ର ସଭା ଗୃହ ଠାରେ ନୂଆ ଫୋଷ୍ଟର୍ କେୟାର ମାର୍ଗଦର୍ଶିକା ୨୦୨୪ ର ତାଲିମ କାର୍ଯକ୍ରମ ଅନୁଷ୍ଠିତ ହୋଇଯାଇଅଛି।ଏହି ତାଲିମରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଲକ୍ଷ୍ମୀ ସିଂ ଉଦ୍ଘାଟନ କରିଥିଲେ। ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ସୋନାଲି ପଟ୍ଟନାୟକ ଉପସ୍ଥିତ ରହି ଫୋଷ୍ଟର କେୟାର ପାଇଁ ଆବେଦନ କରିବାକୁ କହିଥିଲେ।ଅରୁଣା ସିଆର୍ଏସ୍ ର ଜିଲ୍ଲା ପରାମର୍ଶଦାତା ପ୍ରମୋଦ ବଗର୍ତ୍ତୀ ଏହି ତାଲିମ ର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଅବଗତ କରାଇ ତାଲିମ ର ସୁପରିଚାଳନା ନିମନ୍ତେ ସଂଯୋଜନା କରିଥିଲେ।ଶିଶୁ ମଙ୍ଗଳ ସମିତିର ଅଧକ୍ଷ ଲମ୍ବୋଦର ଦୀପ,ଲିନା ବାବୁ, ଏସ୍  ଲତାଶ୍ରୀ, ଡକ୍ଟର ସନ୍ଧ୍ୟାରାନି ପଣ୍ଡା,ସୀତାରାମ ହୋତା ଫୋଷ୍ଟର କେୟାର ମାର୍ଗଦର୍ଶିକା  ଉପରେ ଆଲୋଚନା କରିଥିଲେ। ଉକ୍ତ କାର୍ଯ୍ୟକ୍ରମରେ ଜିଲ୍ଲା ଶିଶୁ ସୁରକ୍ଷା ୟୁନିଟ ର ଅଣ ଆନୁଷ୍ଠାନିକ ଅଧିକାରୀ ସୁଧାଂଶୁ ଶେଖର କୁମ୍ଭାର ଫୋଷ୍ଟର କେୟାର ମାର୍ଗଦର୍ଶିକା ର ତାଲିମ ପ୍ରଦାନ କରିଥିଲେ।ଏହି ତାଲିମ କାର୍ଯ୍ୟକ୍ରମରେ ଶିଶୁ ଯତ୍ନ ଅନୁଷ୍ଠାନ, ଏନ୍ ଜି ଓ ର ଅଧିକାରୀ ମାନେ ଉପସ୍ଥିତ ଥିଲେ।ବଲାଙ୍ଗୀର ଜିଲ୍ଲା ରେ ବର୍ତ୍ତମାନ ପର୍ଯ୍ୟନ୍ତ ୧୩ ଜଣ ଶିଶୁ ପରିବାର ପାଇଛନ୍ତି।ଏ ବର୍ଷ ଆହୁରି ୧୫ ଜଣ ଶିଶୁ ସହିତ ନୂଆ ପରିବାର  ଚିହ୍ନଟ କରି ଶିଶୁ ମାନଙ୍କର ଲାଳନ ପାଳନ ଓ ଯତ୍ନ ନିମନ୍ତେ ପରିବାର ର ପରିବେଶ ରେ ରହି ଶିଶୁ ମାନେ ନିଜର ଭବିଷ୍ୟତ ନିର୍ଦ୍ଧାରଣ କରିବାକୁ ତାଲିମ ରେ ଲକ୍ଷ୍ମୀ ସିଂ ଉତ୍ସାହିତ କରିଥିଲେ।ଏହି ଅବସରରେ ଜିଲ୍ଲା ଶିଶୁ ସୁରକ୍ଷା ୟୁନିଟ ର ଅରୁଣ କୁମାର ଖୁଆସ୍ , ସୁଦାମ ସୁନା,ଚାଇଲ୍ଡ ହେଲ୍ପ ଲାଇନ ଜିଲ୍ଲା ପ୍ରକଳ୍ପ ସଂୟୋଜକ ବିକ୍ରମ ପଣ୍ଡା, ଶୁଭମ୍ ଜେନା,ବସନ୍ତ ହରପାଳ ପ୍ରମୁଖ ଉପସ୍ଥିତ ଥିଲେ।ପରିଶେଷରେ ଆଇନ୍ ପର୍ଯ୍ୟବେକ୍ଷକ ଦିଗମ୍ବର କର ଧନ୍ୟବାଦ୍ ଅର୍ପଣ କରି ତାଲିମ ଶେଷ କରିଥିଲେ।