13-Aug-2024

ବରଗଡ଼/ଘେଁସ:(ନିରଞ୍ଜନ ତ୍ରିପାଠୀ) ସହିଦ ମାଧୋ ସିଂ ଆଞ୍ଚଳିକ କୃଷକ ସଂଗଠନ ର ବିଧିବଦ୍ଧ ଭାବେ ଆଜି ଘେଁସ ଧାନ ମଣ୍ଡି ଠାରେ ମୁରଲୀ ଭୋଇ ଙ୍କ ସଭାପତିତ୍ୱ ରେ ବୈଠକ ବସିଥିଲା। ସଭାରେ ସଂଯୁକ୍ତ କୃଷକ ସଂଗଠନର ରମେଶ ମହାପାତ୍ର,ଆଡଭୋକେଟ ଅଜିତ କୁମାର ଶତପଥି, ରୋହିତ ପଧାନ ଉପସ୍ଥିତ ଥିଲେ। ବୈଠକରେ କୃଷକ ମାନଙ୍କ ବିଭିନ୍ନ ସମସ୍ୟା ଆଲୋଚନା ହୋଇ ଅନେକ ପ୍ରସ୍ତାବ ପାରିତ କରାଯାଇଛି। ଘେଁସ ର ମହାନ ସ୍ୱାଧୀନତା ସଂଗ୍ରାମୀ ସହିଦ ମାଧୋ ସିଂ କୁ ପୂର୍ବ ଓଡିଶା ର ଜଣା ଶୁଣା ପୂର୍ବତନ ମନ୍ତ୍ରୀ ସୁର ରାଉତରାୟ ଅପମାନ ସୂଚକ ମନ୍ତବ୍ୟ ଦେଇ ଥିବାରୁ ସଭାରେ କ୍ଷୋଭ ପ୍ରକାଶ କରାଗଲା। ପରେ ମାଧୋ ସିଂ ଙ୍କୁ ଲୋକ ଲୋଚନ ଅଣାଯିବା ଏବଂ ଘେଁସ କଲେଜ କୁ ତାଙ୍କ ନାମରେ ନାମିତ କରିବା ପାଇଁ ସର୍ବସମ୍ମତି କ୍ରମେ ପ୍ରସ୍ତାବ ନିଆଗଲା ଯାହାର 2021 ଫସଲ ବୀମା approved ହୋଇଛି ସେମାନେ ତୁରନ୍ତ ଜିଲ୍ଲା କୃଷି ଅଫିସ ରେ ଲେଖି କି ଦେବା ପାଇଁ ଆଲୋଚନା ହେଲା। ପ୍ରତେକ ମଣ୍ଡିରେ ମଣ୍ଡି ପରିଚାଳନା ପାଇଁ କମିଟି ଗଠନ କରାଯିବ ଏବଂ ସୋହେଲା ବ୍ଲକ ରେ କମ ବର୍ଷା କାରଣରୁ ମରୁଡି ପରିସ୍ଥିତି ସେଥିପାଇଁ ଜିଲ୍ଲାପାଳ ଙ୍କୁ ଜଳସେଚିତ ସ୍ରୋତ ମାନଙ୍କୁ ଠିକ ଭାବେ କାର୍ଯ୍ୟକାରୀ କରିବା ପାଇଁ ନିବେଦନ କରାଯିବ। ପରେ ଗଙ୍ଗାଧର ମେହେର ଉଠା ଜଳସେଚନ ପ୍ରକଳ୍ପ ପରିଦର୍ଶନ କରିବା ମଧ୍ୟ ସାଙ୍ଗଠନିକ ନିଷ୍ପତ୍ତି ହେଲା। ବିଦ୍ୟୁତ ସମସ୍ୟା ର ସମାଧାନ ପାଇଁ ବିଧାୟକ ମାନଙ୍କୁ ଲିଖିତ ଭାବେ ଜଣାଇବାକୁ ନିଷ୍ପତ୍ତି ହୋଇଅଛି। ସଭାରେ ବିଜେପୁର କୃଷକ ସଂଗଠନ ର ସଭାପତି ସୁବାଷ ପଧାନ, ସୁଶାନ୍ତ ଗଡତିଆ, ମହେନ୍ଦ୍ର ପଧାନ, ସୁନୀଲ ମହାପାତ୍ର ସମେତ ଘେଁସ କୃଷକ ସଙ୍ଗଠନ ରୁ ପ୍ରଭାତ ସାହୁ, ପ୍ରେମରାଜ ସାହୁ, କ୍ଷୀରୋଦ୍ର ପଟେଲ, କୁଦାର୍ଥ ପଧାନ, ଅଲେଖ ପଧାନ, ଗିରିଶ ପଧାନ, ଅମୃତ ଭୋଇ, ଗଣପତି ପଧାନ,ବଳଦେବ ମାଲକ, ନବୀନ ସାହୁ ଉପସ୍ଥିତ ଥିଲେ ପରେ ଅରକ୍ଷିତ ମହାକୁର ଧନ୍ୟବାଦ ଦେଇ ସଭା ସାଙ୍ଗ କଲେ।