06-Aug-2024

ବରଗଡ଼(ନିରଞ୍ଜନ ତ୍ରିପାଠୀ)- ବରଗଡ଼ ରାଣା ପ୍ରତାପ ସ୍କୁଲରେ ଫାଇଲେରିଆ ନିରାକରଣ ପାଇଁ ସଚେତନତା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି ।ପ୍ରଧାନ ଶିକ୍ଷକ ସୁଦୀପ କୁମାର ରଥଙ୍କ ଅଧ୍ୟକ୍ଷତାରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ମିଶନ ଶକ୍ତି ଓ ଜିଲ୍ଲା ସ୍ବାସ୍ଥ୍ୟ ସମିତି ତରଫରୁ ସୀମାରାଣୀ ନାଗ ଓ ଲକ୍ଷ୍ମୀ ବାରିକ ପ୍ରମୁଖ ଯୋଗଦେଇ ଛାତ୍ର ଛାତ୍ରୀଙ୍କୁ ଏହି ରୋଗର ନିରାକରଣ ସମ୍ବନ୍ଧରେ ସଚେତନ କରିବା ସହ ଆସନ୍ତା ଅଗଷ୍ଟ ୧୦ ରୁ ୧୯ ତାରିଖ ଭିତରେ ସାମୁହିକ ଔଷଧ ସେବନରେ ସାମିଲ ହେବାକୁ ଆହ୍ବାନ ଦେଇଥିଲେ ।ଏହି ଅବସରରେ ପ୍ରତି ଜଣେ ଛାତ୍ର ବା ଛାତ୍ରୀ ଅତି କମରେ ୫ ଜଣ ଲୋକଙ୍କୁ ସଚେତନ କରାଇବା ପାଇଁ ସଂକଳ୍ପ ନେଇଥିଲେ । ଅବସର ପ୍ରାପ୍ତ ଶିକ୍ଷକ ସୁଧାଂଶୁ ଶେଖର ସାହୁ ଯୋଗଦେଇ ବରଗଡ଼ ଜିଲ୍ଲାରେ କାର୍ଯ୍ୟରତ ଆଶାକର୍ମୀମାନେ  ଘରକୁ ଘର ବୁଲି ଫାଇଲେରିଆ ରୋଗୀ ଚିହ୍ନଟ କରିବା ଦେଖିବାକୁ ମିଳିଛି,ଏହାର ନିରାକରଣ କେବଳ ସଚେତନତା ଓ ଔଷଧ ସେବନରେ  ହିଁ ସମ୍ଭବ ବୋଲି କହିଥିଲେ ।