19-Jul-2024

ଭତରା ମହାନଦୀ ବିହାର ର ଡ୍ରେନ ସହ ରାସ୍ତା ନିର୍ମାଣ କାର୍ଯ୍ୟ ସମାପ୍ତି ତାରିଖ ଅତିକ୍ରାନ୍ତ ହୋଇଯଇଥିଲେ ମଧ୍ୟ୍ୟ ଆଜିଯାଏ ନିର୍ମାଣ କାର୍ଯ୍ୟ ମୋଟେ ହୋଇନଥିବା ଦୁର୍ଭାଗ୍ୟ ଜନକ ବିଷୟ : ସୂର୍ଯ୍ୟ ପାଣିଗ୍ରାହୀ, ସଂଯୋଜକ, ସକ୍ଷମ ସାମାଜିକ ଅନୁଷ୍ଠାନ, ସମ୍ବଲପୁର
ଡ୍ରେନ ସହ ରାସ୍ତା ନିର୍ମାଣ ମୋଟେ ହୋଇନାହିଁ ହେଲେ  ଲାଗିଛି ଫଳକ, ତଥାପି ଆଖି ବନ୍ଦ କରିବସିଛି ମହାନଗର ନିଗମ : ସୂର୍ଯ୍ୟ ପାଣିଗ୍ରାହୀ, ସଂଯୋଜକ, ସକ୍ଷମ ll
କେତେ ତତ୍ପର ସମ୍ବଲପୁର ମହାନଗର ନିଗମ... ନିର୍ମାଣ କାର୍ଯ୍ୟ ସମ୍ବନ୍ଧୀୟ ଫଳକ ଲାଗିଛି, ହେଲେ ଆଜିଯାଏ ଇଞ୍ଚେ ବି ହୋଇନାହିଁ ନିର୍ମାଣ କାର୍ଯ୍ୟ : ସୂର୍ଯ୍ୟ ପାଣିଗ୍ରାହୀ, ସଂଯୋଜକ, ସକ୍ଷମ ll
ସମ୍ବଲପୁର:(ସଂଜୀବପାଣିଗ୍ରାହୀ) ...
ସମ୍ବଲପୁର ମହାନଗର ନିଗମ ର ଘୋଷଣା ହେଲା ପରେ ଆଜିଯାଏ ଦୀର୍ଘ 12 ବର୍ଷ ହେଲା ନିର୍ବାଚନ ହୋଇନାହିଁ କି ନିର୍ବାଚିତ  ପ୍ରତିନିଧି ବି ନାହାନ୍ତି l ମହାନଗର ନିଗମ ରେ ବାବୁଗିରି ଚାଲିଥିବା ବେଳେ ମନୋମୁଖୀ କାର୍ଯ୍ୟ ଚାଲିଥିବା ସାମାଜିକ ଅନୁଷ୍ଠାନ ସକ୍ଷମ ର ସଂଯୋଜକ  ସୂର୍ଯ୍ୟ ପାଣିଗ୍ରାହୀ ଏକ ପ୍ରେସ ବିବୃତି ରେ ପ୍ରକାଶ କରିଛନ୍ତି l ସୂଚନାଯୋଗ୍ୟ ଯେ ଧନୁପାଲି - ଧମା ରୋଡ଼ ରେ ଭତରା ସ୍ଥିତ 36 ନମ୍ବର ୱାର୍ଡ ଅନ୍ତର୍ଗତ ମହାନଦୀ ବିହାର ରାସ୍ତା ଓ ଡ୍ରେନ ର ନିର୍ମାଣ କାର୍ଯ୍ୟ ପାଇଁ ଅନୁଦାନ ଦିଆଯାଇଥିଲେ ମଧ୍ୟ ଆଜିଯାଏ ରାସ୍ତା ର ନିର୍ମାଣ ହୋଇନାହିଁ, ହେଲେ ଲାଗିଛି ଫଳକ l ମୁଖ୍ୟ ରାସ୍ତା ରୁ ମହାନଦୀ ବିହାର କୁ ସଂଯୋଗ କରୁଥିବା ରାସ୍ତା ଓ ଡ୍ରେନ ର ନିର୍ମାଣ ପାଇଁ ଏହି ବର୍ଷ ମାର୍ଚ୍ଚ ମାସ ଆରମ୍ବ ରୁ ଲାଗିଁସାରିଛି ଫଳକ ଯାହାର ବ୍ୟୟ ଅଟକଳ ହେଉଛି 14 ଲକ୍ଷ 43 ହଜାର 430 ଟଙ୍କା l ଫଳକ ରେ ନିର୍ଦ୍ଧିଷ୍ଟ ଭାବରେ ଉଲ୍ଲେଖ ଅଛି ଯେ  ରାସ୍ତା ରେ ଫେବର ବ୍ଲକ ପଡିବ  ଡ୍ରେନ ହେବ ତଥା ଡ୍ରେନ ରେ  କଂକ୍ରିଟ ସ୍ଲାବ ପଡିବ l ଯେଉଁ ନିର୍ମାଣ କାର୍ଯ୍ୟ ର ଆରମ୍ଭ ତାରିଖ 04/03/2024  ଏବଂ ନିର୍ମାଣ କାର୍ଯ୍ୟ ର ଶେଷ ତାରିଖ 03/05/2024 ବୋଲି ଉଲ୍ଲେଖ ଥିବା ସ୍ଥଳେ ଆଜିଯାଏ ଏକ ଇଞ୍ଚ ର ରାସ୍ତା ର ନିର୍ମାଣ କରାଯାଇନଥିବା ଅତ୍ୟନ୍ତ ଦୁର୍ଭାଗ୍ୟ ଜନକ ବିଷୟ ବୋଲି ଶ୍ରୀ ପାଣିଗ୍ରାହୀ କ୍ଷୋଭ ପ୍ରକାଶ କରିଛନ୍ତି l 
ଏହି ବିଷୟକୁ ଅନୁଧ୍ୟାନ କଲେ ସମ୍ୱଲପୁର ମହାନଗର ନିଗମ କର୍ତୃପକ୍ଷ କେତେ ସହରର ବିକାଶ ଦିଗରେ କେତେ ତତ୍ପର ଓ ଶୃଙ୍ଖଳିତ ତାହା ସ୍ୱଷ୍ଟ ଭାବରେ ପ୍ରତିଫଳିତ ହେଉଛି ବୋଲି ଶ୍ରୀ ପାଣିଗ୍ରାହୀ ପ୍ରକାଶ କରିଛନ୍ତି l ଶ୍ରୀ ପାଣିଗ୍ରାହୀ ଅଭିଯୋଗ କରିଛନ୍ତି ଯେ, ଯଦି ମହାନଗର ନିଗମ ପକ୍ଷରୁ ଫଳକ ଲାଗିଛି ତାହେଲେ ନିର୍ମାଣ କାର୍ଯ୍ୟ କାହିଁକି ହୋଇନାହିଁ ଏବଂ ନିର୍ମାଣ କାର୍ଯ୍ୟ ପାଇଁ ବ୍ୟୟ ବରାଦୀ ଅର୍ଥ ଗଲା ଗୁଆଡେ ? ତାହା ନିଶ୍ଚିତ ଭାବରେ ଏକ ପ୍ରଶ୍ନବାଚୀ l 
ଭତରା ମହାନଦୀ ବିହାର ର ଏହି ଡ୍ରେନ ଓ ରାସ୍ତା ରେ ମୋଟେ ବ୍ୟବହାର ଉପଯୋଗୀ ନଥିବା ବେଳେ ଆଜି ବର୍ଷା ଋତୁ ର ପ୍ରକୋପ ବଢିଯାଇଛି ହେଲେ ମହାନଗର ନିଗମ ପକ୍ଷରୁ ରାସ୍ତା ର ନିର୍ମାଣ ପାଇଁ ଅର୍ଥ ବ୍ୟୟବରାଦ ହୋଇଥିଲେ ବି ଅଂଚଳବାସୀ ଙ୍କୁ କାହିଁକି ଉପେକ୍ଷା କରାଯାଉଛି ବୋଲି ଶ୍ରୀ ପାଣିଗ୍ରାହୀ ପ୍ରଶ୍ନ କରିଛନ୍ତି l ସକ୍ଷମ ର ସଂଯୋଜକ ଶ୍ରୀ ପାଣିଗ୍ରାହୀ ମହାନଗର ନିଗମ ର ଏହି ଅବହେଳା ବିଷୟକୁ ସ୍ୱଚ୍ଛତାର ସହ ତର୍ଜମା କରିବା ସହ ଦୋଷୀ ର ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏବଂ ଜଥା ଶୀଘ୍ର ଭତରା ମହାନଦୀ ବିହାର ର ରାସ୍ତା ଓ ଡ୍ରେନ ର ନିର୍ମାଣ କାର୍ଯ୍ୟ ଶୀଘ୍ର ସମ୍ପୂର୍ଣ୍ଣ କରିବାକୁ ଶ୍ରୀ ପାଣିଗ୍ରାହୀ ଦାବୀ ଜଣାଇଛନ୍ତି l