17-Jul-2024

ସମ୍ବଲପୁର:(ସଂଜୀବପାଣିଗ୍ରାହୀ) - ସମ୍ବଲପୁରୀ ଭାଷା ସାହିତ୍ୟ ସଂସ୍କୃତି ପରମ୍ପରା ର ମୁଲିହାର ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ଜନ୍ମଦିନ ଅଗଷ୍ଟ ୧ ସମ୍ବଲପୁରୀ ଦିନ କୁ ଆଉ ବାକି ରହିଲା କିଛି ଦିନ । ଦେଶ ବିଦେଶ ରେ ସମ୍ବଲପୁରୀଆ ଓ ସମ୍ବଲପୁରୀ ପ୍ରେମୀ ମାନେ ବହୁତ ଧୂମଧାମ ରେ ପାଳନ କରୁଛନ୍ତି ଏହି ସମ୍ବଲପୁରୀ ଅସ୍ମିତା ର ଦିନଟିକୁ । ସମ୍ବଲପୁରୀ ଦିନ ର ଉଦ୍ୟୋକ୍ତା ପଶ୍ଚିମାଞ୍ଚଲ ଏକତା ମଞ୍ଚ ସମେତ ଅନେକ ଅନୁଷ୍ଠାନ ନିଆରା ଢଙ୍ଗ ରେ ପାଳନ କରୁଛନ୍ତି ଏହି ସମ୍ବଲପୁରୀ ବିଶେଷ ଦିନଟିକୁ । ବିଗତ ୧୨ ବର୍ଷ ଧରି ପାଳନ ହୋଇ ଆସୁଥୁବା ଏହି ସମ୍ବଲପୁରୀ ଦିନ ଟି ର ଦିନକୁ ଦିନ ବଢ଼ିବାରେ ଲାଗିଛି ଆଦୃତା ଓ ଲୋକପ୍ରିୟତା । ସମ୍ବଲପୁରୀ ଭାଷା ସାହିତ୍ୟ ପ୍ରତି ନିଜର ଜୀବନ କୁ ଉତ୍ସର୍ଗୀକୃତ କରିଥିବା ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ସ୍ମୁତିର ସୁରକ୍ଷା ପାଇଁ ସମ୍ବଲପୁରରେ କୈାଣସି ସ୍ଥାୟୀ ବ୍ୟବସ୍ଥା ହୋଇପାରିନାହି। ଏହାସହ ସମ୍ବଲପୁରରେ ଗୁରୁଙ୍କର ପ୍ରତିମୂର୍ତ୍ତୀ ଟିଏ ମଧ୍ଯ ସ୍ଥାପନ  ପାରିନାହିଁ । 
     ଏଣୁ ଗତ ୨୦୧୮ ରୁ ପଶ୍ଚିମାଞ୍ଚଲ ଏକତା ମଞ୍ଚ ନିଷ୍ପତ୍ତି ନେଇଥିଲା ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ଏକ ପୂର୍ଣ୍ଣଅବୟବ ପ୍ରତିମୂର୍ତ୍ତୀ ସ୍ଥାପନ କରିବାକୁ । ବିଗତ ୧୨ ବର୍ଷ ହେଲା ସମ୍ବଲପୁର ଜେଲ ଛକ ନିକଟ ରେ ପଶ୍ଚିମାଞ୍ଚଲ ଏକତା ମଞ୍ଚ ପକ୍ଷରୁ ରାଜ୍ୟ ସ୍ତରୀୟ ସମ୍ବଲପୁରୀ ଦିନ ପାଳନ ହୋଇ ଆସୁଛି । ତେଣୁ ଜେଲ ନିକଟରେ ରହିଥିବ ଗୁରୁ ସତ୍ଯ ନାରାୟଣ ସମ୍ବଲପୁରୀ ଉଦ୍ୟାନ ରେ ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ  ପ୍ରତିମୂର୍ତ୍ତୀ ସ୍ଥାପନ କରିବା ପାଇଁ ମଞ୍ଚ ପକ୍ଷରୁ ନିଷ୍ପତ୍ତି ନିଆଯାଇଥିଲା । ସେଇ ସମୟ ରୁ ବିଭିନ୍ନ ଲୋକଙ୍କୁ ଭେଟି ପ୍ରତିମୂର୍ତ୍ତୀ ପାଇଁ ସହଯୋଗ ଭିକ୍ଷା କରିଥିଲେ ମଞ୍ଚ ର କାର୍ଯ୍ୟକର୍ତ୍ତାବୃନ୍ଦ ।  ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ କିଛି ପୂର୍ବତନ ଛାତ୍ର ସମ୍ବଲପୁରୀ ପ୍ରେମୀ ଙ୍କ ସହଯୋଗ ରେ ଭୁବନେଶ୍ୱର ରେ ତିଆରି କରାଯାଇଥିଲା ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ପ୍ରତିମୂର୍ତ୍ତୀ ।
     ଆଜି ସେଇ ନବ ନିର୍ମିତ ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ପୂର୍ଣ୍ଣବୟବ ପ୍ରତିମୂର୍ତ୍ତୀ ଆସି ପହଞ୍ଚିଛି ସମ୍ବଲପୁର ଜେଲ ଛକ ନିକଟସ୍ଥ ସତ୍ୟ ନାରାୟଣ ପାର୍କ କୁ । ପଶ୍ଚିମାଞ୍ଚଲ ଏକତା ମଞ୍ଚ ପକ୍ଷରୁ ପୂର୍ବ ରୁ ନିର୍ମାଣ କରାଯାଇଥିବା ଷ୍ଟ୍ରକ୍ଚର ରେ ଆଜି ମୁର୍ତ୍ତୀ କୁ ସ୍ଥାପିତ କରାଯାଇଛି । ଚଳିତ ବର୍ଷ ସମ୍ବଲପୁରୀ ଦିନ ର ଶୁଭ ଅବସର ରେ ଗୁରୁଶ୍ରି ସତ୍ୟ ନାରାୟଣ ବହିଦାର ଙ୍କ ପ୍ରଥମ ପ୍ରତିମୂର୍ତ୍ତୀ ଉନ୍ମୋଚନ କରାଯିବାର ଲକ୍ଷ ରଖାଯାଇଛି ବୋଲି ମଞ୍ଚ ର ଉପଦେଷ୍ଟା ତଥା ବରିଷ୍ଠ ଆଇନଜୀବୀ ଡ଼. ପ୍ରମୋଦ ରଥ କହିଛନ୍ତି ।
     ଆଜି ପ୍ରତିମୂର୍ତ୍ତୀ ସ୍ଥାପନ ସମୟ ରେ ଆଇନଜୀବୀ ରବି ପୂଜାରୀ, କିଶୋର ଧରେଇ, ରାହୁଲ ମୋଦକ, ସୁବୋଧ ଦୋରା, ଲଳିତ ଵେବର୍ତ୍ତା, ଦେବାଶିଷ ବେହେରା, ରାଜେଶ ସ୍ୱାଇଁ, ରାହୁଲ ଗୁପ୍ତା, ଅମିତାଭ ମାଝୀ, ନିଶିକାନ୍ତ ବିଶ୍ଵାଳ, ମଞ୍ଚ ର ଆବାହକ ଭବାନୀଶ ଭୋଇ, ମୁଖ୍ୟ ସଂଯୋଜକ ମାନସ ରଞ୍ଜନ ବକ୍ସି ଉପସ୍ଥିତ ଥିଲେ ।