17-Jun-2024

ବଲାଙ୍ଗିର (ଚିତ୍ରସେନ ବେହେରା): ବଲାଙ୍ଗିରରେ ମୁସଲମାନ ମାନେ ପବିତ୍ର ଇଦ୍ ଉଲ ଅ ଅଦାହ ଅତି ହସ ଉଲ୍ଲାସରେ ପାଳନ କରୁଛନ୍ତି। ଏବଂ ସମସ୍ତେ ପରସ୍ପର ଙ୍କୁ ଏହାର ଶୁଭେଚ୍ଛା ଜଣାଇଛନ୍ତି। 
   ଆଜି ମୁସଲମାନ ମାନେ ତାଙ୍କର ପବିତ୍ର ଇଦ୍ ଉଲ୍ ଅଦାହ ଅତି ହସ ଉଲ୍ଲାସରେ ପାଳନ କରୁଛନ୍ତି। ଯେଉଁଥିରେ ବଲାଙ୍ଗିରରେ ମଧ୍ୟ ଆଜି ସବୁ ମୁସଲମାନ ମାନେ ଏହାକୁ ଧୁମଧାମରେ ପାଳନ କରୁଛନ୍ତି। କୁର୍ବାନି ବା ସମର୍ପଣ ର ଏହି ପର୍ବ ଯାହାକୁ ବକ୍ରି ଇଦ୍ ମଧ୍ୟ କୁହା ଯାଏ ଏଥିରେ ଆଜି ମୁସଲମାନ ମାନେ ଅଲ୍ହା ଙ୍କ ଠାରେ କୁର୍ବାନୀ ପ୍ରଦାନ କରୁଛନ୍ତି। ତେବେ ଏଥିରେ ଆଜି ବଲାଙ୍ଗୀର ସୁନ୍ନି ସଦର ମସଜିଦରେ ସବୁ ମୁସଲମାନ ଭାଇ ମାନେ ଏକାଠି ଇଦର ନମାଜ ପାଠ କରିଥିଲେ। ଏବଂ ନମାଜ ପାଠ ପରେ ଓଡ଼ିଶା ତଥା ସାରା ବିଶ୍ୱରେ ଶାନ୍ତି  ଓ ଭାଇଚାରା ପ୍ରତିଷ୍ଠା ପାଇଁ ପ୍ରଥାନା କରିଥିଲେ। ସେହିପରି ନମାଜ ପରେ ସମସ୍ତେ ପରଷ୍ପରଙ୍କୁ ଆଲିଙ୍ଗନ କରି ଶୁଭେଛା ଜ୍ଞାପନ କରିଥିଲେ। ତେବେ ସମାନ ଭାବରେ ବଲାଙ୍ଗୀର ଜିଲ୍ଲା ପାଟଣାଗଡ଼, ଲୋଇସିଂହା, ଟିଟିଲାଗଡ ଓ କଣ୍ଟାବାଞ୍ଜି ଠାରେ ମଧ୍ୟ ସବୁ ମସଜିଦରେ ମୁସଲମାନ ମାନେ ଏକାଠି ନମାଜ ପାଠ କରିଛନ୍ତି। ଏବଂ ପରସ୍ପରଙ୍କୁ ଇଦର ଶୁଭେଛା ଦେଇଛନ୍ତି। 
    ସେପଟେ ବଲାଙ୍ଗୀର ସୁନ୍ନି ସଦର ମସଜିଦର ଇମାମ ମୌଶାଦ ରାଜା କହିଛନ୍ତି ଯେ ଆଜି ପବିତ୍ର ଇଦ୍ ଉଲ ଆଦାହ ଅଟେ। ଏବଂ ଏଥିରେ ସବୁ ମୁସଲମାନ ଭାଇ ମାନେ ଏଠିକାର ସୁନ୍ନି ସଦର ମସଜିଦରେ ଏକାଠି ନମାଜ ପାଠ କରିଛନ୍ତି। ସେହିପରି ଏହି ପବିତ୍ର ଦିନ ଅବସରରେ ମୁସଲମାନ ସମ୍ପ୍ରଦାୟ ତରଫରୁ ସେ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ଓ ସବୁ ମୁସଲମାନ ଭାଇ ଭଉଣୀଙ୍କୁ ସେ ଜାତି ସମ୍ପ୍ରଦାୟରୁ ଉର୍ଦ୍ଧ୍ବରେ ଏହି ସମସ୍ତଙ୍କୁ ଶୁଭେଛା ଦେବାକୁ ଅପିଲ କରିଛନ୍ତି।