01-Jun-2024

ଲୋଇସିଂହା, (ପ୍ରେରଣା ଖବର ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅଧିନସ୍ଥ କନ୍ଦାଜୁରୀ ଗ୍ରାମର ନବନୀତା ତାଣ୍ଡି ଚଳିତ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ ୨ କଳା ପରୀକ୍ଷାରେ ଲୋଇସିଂହା କଲେଜ ରେ 505 ମାର୍କ ରଖି ପ୍ରଥମ ଶ୍ରେଣୀରେ ଉତୀର୍ଣ୍ଣ ହୋଇଛନ୍ତି l ଆଗକୁ ସେ ଉଚ୍ଚଶିକ୍ଷା ପାଇଁ ଇଛା ପ୍ରକାଶ କରିଛନ୍ତି ହେଲେ ପାରିବାରିକ ଅର୍ଥାଭାବ ସାଜିଛି ବାଧକ l ଅର୍ଥ ଅଭାବ ଯୋଗୁଁ ଝିଅ ନବନିତା କୁ ପଢାଇ ପାରୁ ନାହାନ୍ତି ପରିବାର l ସରକାରୀ ସହାୟତା ତଥା କୌଣସି ସ ହୃଦୟ ବ୍ୟକ୍ତି ପଢାଇବାରେ ହାତ ବଢ଼ାଇଲେ ଝିଅ ଉଚ୍ଚଶିକ୍ଷା କରି ପାରନ୍ତା ବୋଲି ପରିବାର ଲୋକେ ପ୍ରକାଶ କରିଛନ୍ତି l ନବନୀତା ଙ୍କ ପରିବାର କହିଲେ ବାପା ପ୍ରଶାନ୍ତ ତାଣ୍ଡି, ମା ରେଣୁକା ତାଣ୍ଡି ଓ ଭାଇ ମଳୟ ତାଣ୍ଡି l ଗ୍ରାମରେ ତାଙ୍କର କିଛି ସ୍ୱଳ୍ପ ଜମି ଅଛି ଯେଉଁଟା କି ଚାଷ ପାଇଁ ଅନୁପଯୋଗୀ l ବାପା ପ୍ରଶାନ୍ତ ତାଣ୍ଡି ଜଣେ ଟେଲର ହେଲେ ଆଜିକାଲି ର ରେଡ଼ିମେଡ଼ କପଡା ଯୋଗୁଁ ଭଲ ସେ ଟେଲରିଙ୍ଗ କାମ ମଧ୍ୟ ହେଉନାହିଁ l ଦରକାର ପଡିଲେ ବେଳେ ବେଳେ ମଜୁରୀ ମଧ୍ୟ କରିବାକୁ ପଡୁଛି l ଏତେ ଅସୁବିଧା ଥାଇ ସୁଦ୍ଧା 2022 ରେ ନବନୀତା ସ୍ଥାନୀୟ ଉଚ୍ଚ ବିଦ୍ୟାଳୟ ରେ ମେଟ୍ରିକ ରେ 77 ପ୍ରତିଶତ ମାର୍କ ରଖି ପ୍ରଥମ ଶ୍ରେଣୀରେ ପାସ କରିଥିଲେ l ପାସ ପରେ ଯୁକ୍ତ ୨ ରେ ବିଜ୍ଞାନ ରେ ପଢିବାକୁ ଇଛାଥିଲେ ସୁଦ୍ଧା ଅର୍ଥ ପାଇଁ ସାମର୍ଥ୍ୟ ନ ହେବାରୁ ଲୋଇସିଂହା କଲେଜ ଯୁକ୍ତ ୨ କଳା ରେ ଆଡ଼ମିସନ କରିଥିଲେ l ନିଜର କଠିନ ପରିଶ୍ରମ ଓ ଦୃଢ଼ ଇଛାଶକ୍ତି ବଳରେ ଚଳିତ ବର୍ଷ ଯୁକ୍ତ ୨ କଳା ରିଜଲ୍ଟ ରେ 84 ପ୍ରତିଶତ ମାର୍କ ରଖିଛନ୍ତି l ଏଣୁ ନବନୀତା ପ୍ରଶାସନ କୁ ଗୁହାରି କରିଛନ୍ତି ଯଦି ସରକାରୀ ସହାୟତା ମିଳେ ତା ହେଲେ ଉଚ୍ଚଶିକ୍ଷା କରିବାର ଯେଉଁ ସ୍ୱପ୍ନ ଦେଖିଛନ୍ତି ତାହା ପୂରଣ ହେବ ବୋଲି କହିଛନ୍ତି l ଜିଲ୍ଲା ପ୍ରଶାସନ ତଥା ଶିକ୍ଷା ବିଭାଗ ନବନୀତା ଙ୍କ ଉଚ୍ଚ ଶିକ୍ଷା ପାଇଁ ଦୃଷ୍ଟି ଦେବା କୁ ଲୋକେ ଦାବୀ ଜଣାଇଛନ୍ତି l