01-Jun-2024

ତରଭା(କପିଳାସ ସେଠ ): ମୃତ ଯୁବକଙ୍କ ଗ୍ରାମ ଠାରୁ ପ୍ରାୟ ୨୦୦କି ମି ଦୂର ର ତରଭା ବ୍ଲକ ବାଲିଖମାର ଗ୍ରାମର ଏକ ଚାଷ ଜମିରୁ ପୋଲିସ ଦ୍ୱାରା ଶବଉଦ୍ଧାର ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇ ପଡିଛି  I ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ  ଶୁକ୍ରବାର ସକାଳ ୧୦ଟାରେ ବାଲିଖମାର ନିବାସୀ ସୁରେନ୍ଦ୍ର ରଣାଙ୍କ ଚାଷ ଜମିରେ ଜଣେ ଯୁବକ ମରି ପଡିଥିବା ସମନ୍ଧେ ପୋଲିସକୁ ଖବର ମିଳିଥିଲା।ଖବର ପାଇ କମସରା ଫାଣ୍ଡି ଅଧିକାରୀ ଗଜାନନ ବେହେରା ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଥିଲେ।ମୃତକ ନିକଟରୁ ମିଳିଥିବା ମୋବାଇଲରୁ ଯୁବକ ଜଣଙ୍କ କୁଚିଣ୍ଡା ନିବାସୀ ପାଣ୍ଡକୋ କଉଡ଼ିଙ୍କ ପୁଅ ମିଥୁନ କଉଡ଼ି ଆନୁମାନିକ ବୟସ ୨୨ ବୋଲି ପୋଲିସ ଜାଣିବାକୁ ପାଇଛି।ସାଇଣ୍ଟିଫିକ ଟିମ ଘଟଣାସ୍ଥଳକୁ ଆସି ତଦନ୍ତ ପରେ ଶବ ବ୍ୟବଚ୍ଛେଦ ପାଇଁ ପଠାଯାଇଥିଲା । ଯୁବକଙ୍କ ମୃତ୍ୟୁ ୪/୫ ଦିନ ପୂର୍ବରୁ ହୋଇଥିବା ପୋଲିସ ଅନୁମାନ କରୁଛି। ପ୍ରାୟ ୫/୬ ଦିନ ପୂର୍ବେ ମିଥୁନ କାମ କରିବା ପାଇଁ ତାମିଲନାଡୁ ଯାଉଛି କହି ଘରୁ ଆସିଥିବା ପୋଲିସର ପ୍ରାଥମିକ ତଦନ୍ତ ରୁ  ଜାଣିବାକୁ ପାଇଛି।ତାମିଲନାଡୁ ଯାଉଛି କହି ଘରୁ ଆସିଥିବା ବେଳେ ପୋଲିସ ର ସୂଚନା ଅନୁଯାୟୀ ମିଥୁନ ବାଲିଖମାରକୁପାଇପ ଲାଇନ କରିବା ପାଇଁ ଆସିଥିବା କହୁଛି I କେଉଁ କାରଣ ତାର ମୃତ୍ୟୁ ହେଲା,  କେମିତି ଆସିଲା ତାକୁ ନେଇ  ଅଞ୍ଚଳ ରେ ଚର୍ଚ୍ଚାର ବିଷୟ ହୋଇଛି।ମୃତ ମିଥୁନର ମୁଣ୍ଡ ଓ ଛାତିରେ ଆଘାତ ଥିବାରୁ ଏହାଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଅନୁମାନ କରାଯାଉଛି।ବର୍ତ୍ତମାନ ପୋଲିସ ଏସମ୍ବନ୍ଧେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଚଳାଇଛି।ଆଜି ମିଥୁନ ଙ୍କପରିବାର ଲୋକେ ଆସି  ଶବ ନେଇ ଥିବାର ଆଇ ଆଇ ସି  ଅନିତା କିଡୋ  ପ୍ରକାଶ କରିଛି I ଏହି ଘଟଣା ର ସତ୍ୟା ସତ ରହସ୍ୟ ଉନ୍ମୋଚନ କରିବା ପାଇଁ ବିଭିନ୍ନ ମହଲ ରୁ ଦାବୀ ହେଉଛି I