11-May-2024

କଣ୍ଟାମାଳ,(ଜୟ କୁମାର ମହାରଣା)
ବୌଦ୍ଧ ଅବକାରୀ ମୋବାଇଲ ସ୍କ୍ୱାର୍ଡ ପକ୍ଷରୁ ଚଢାଉ କରାଯାଇ ବ୍ୟାପକ ମହୁଲ ଜବତ କରିଥିବା ବେଳେ ଘଟଣାରେ ସଂପୃକ୍ତ ଥିବା ଜଣେ ବୃଦ୍ଧକୁ ଗିରଫ କରିଥିବା ଜଣାପଡ଼ିଛି । ସୂଚନା ଅନୁସାରେ, ବୌଦ୍ଧ ଅବକାରୀ ସ୍କ୍ୱାର୍ଡ ବିଶ୍ଵସ୍ତ ସୂତ୍ରରୁ ଖବର ପାଇ ଘଣ୍ଟାପଡା ଥାନା ଅନ୍ତର୍ଗତ ଆମ୍ବଗାଁ ପଞ୍ଚାୟତ ଦେଢ଼ନ ମାଲ ଗ୍ରାମ୍ୟା ରାସ୍ତାର ହୁତାଶନ ରଣାଙ୍କ ଘରେ ଚଢ଼ାଉ କରିଥିଲା ।ଉକ୍ତ ଘରୁ ବେଆଇନ ଭାବରେ ଗଚ୍ଛିତ ରଖିଥିବା ବିପୁଳ ପରିମାଣର ମହୁଲକୁ ଅବକାରୀ କର୍ମଚାରୀ ମାନେ ଜବତ କରିଥିଲେ । ଅବକାରୀ କର୍ମଚାରୀ ମହୁଲ ସହ ବୃଦ୍ଧଙ୍କୁ ଗିରଫ କରି ଅବକାରୀ ବିଭାଗ କାର୍ଯ୍ୟାଳୟକୁ ଆଣି ଥିଲେ । ଗିରଫ ଯୁବକ ଜଣକ ହେଲେ ହୁତାଶନ ରଣା (୭୨) ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି | ଜବତ୍ ମହୁଲକୁ କାର୍ଯ୍ୟଳୟକୁ ଆଣି ଓଜନ କରା ଯାଇଥିବା ବେଳେ ଏହା ୭ କ୍ଵିଣ୍ଟାଲ ୨୦କେଜି ହୋଇଥିବା ବିଭାଗ ପକ୍ଷରୁ ସୁଚନା ଦିଆଯାଇଛି ।ଏ ସଂକ୍ରାନ୍ତରେ ଅବକାରୀ ବିଭାଗ ପକ୍ଷରୁ ୩୬/୨୪ ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତ ହୁତାଶନକୁ କଣ୍ଟାମାଳ ଜେଏମଏଫସି କୋର୍ଟ ଚାଲାଣ କରାଯାଇଥିବା ବୌଦ୍ଧ ଅବକାରୀ ମୋବାଇଲ ସ୍କ୍ୱାର୍ଡ ଅଧିକାରୀ ସତ୍ୟ ନାରାୟଣ ପ୍ରଧାନ ସୂଚନା ଦେଇଛନ୍ତି |