-+91-9937148622 |
prerana_bgr@rediffmail.com |
Saturday 11th May 2024 |
R.N.I. Regd No. ODIODI/2010/46693
Breaking News
27-Apr-2024
କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ତଳିପଡ଼ାର ବ୍ରଜେଶ୍ବରୀ ବେହେରାଙ୍କୁ ବଧୂ ନିର୍ଯ୍ୟାତନା ମାମଲାରେ ୨ବର୍ଷର ସଶ୍ରମ କାରାଦଣ୍ଡାଦେଶ ଶୁଣାଇଛନ୍ତି କଣ୍ଟାମାଳ ଜେଏମଏଫସି ର ବିଚାରପତି ସତ୍ୟନାରାୟଣ ଦାଶ l ସୂଚନାଯୋଗ୍ୟ ଯେ ୨୦୦୮ ମସିହାରେ କଣ୍ଟାମାଳ ତଳିପଡ଼ାର ରଞ୍ଜନ କୁମାର ବେହେରାଙ୍କ ସହିତ ଭବାନୀପାଟଣାର ପ୍ରୀତି ବେହେରା ବୈଦିକ ରୀତିନୀତିରେ ବିବାହ କରିଥିଲେ l କିନ୍ତୁ ସ୍ୱାମୀ ଓ ଶାଶୁଙ୍କ ଦ୍ୱାରା ବାରମ୍ବାର ନିର୍ଯ୍ୟାତନାର ଶିକାର ହୋଇ ନିଜର ଏକମାତ୍ର ଶିଶୁପୁତ୍ର ସହିତ ଘର ଛାଡିଥିଲେ ଅଭିଯୋଗକାରିଣୀ ପ୍ରୀତି ବେହେରା l ବିବାଦର ଆପୋଷ ସମାଧାନ ପାଇଁ ସମସ୍ତ ପ୍ରଚେଷ୍ଟା ବିଫଳ ହେବାପରେ ପରିଶେଷରେ ୨୦୧୬ ମସିହାରେ କଣ୍ଟାମାଳ ଥାନାର ଦ୍ୱାରସ୍ଥ ହୋଇ ଏତଲା ଦେଇଥିଲେ ପ୍ରୀତି l ଏହି ଆଧାରରେ କଣ୍ଟାମାଳ ଥାନା କେଶ ନମ୍ବର ୧୧୬/୧୬ ରେ ପଞ୍ଜିକୃତ ହୋଇ ଅଦାଲତରେ ସିଟି କେଶ ନମ୍ବର ୨୭୮/୧୬ରେ ବିଚରାଧିନଥିଲା l ଦୀର୍ଘ ୮ ବର୍ଷର ଶୁଣାଣି ପରେ ମାନ୍ୟବର ଜେ.ଏମ.ଏଫ.ସି କୋର୍ଟ ୧୪ଜଣ ସାକ୍ଷ୍ୟଙ୍କ ବଳିଷ୍ଠ ବୟାନ ଓ ୫ଟି ଗୁରୁତ୍ୱପୂର୍ଣ୍ଣ ପ୍ରାମାଣିକ ଦସ୍ତାବିଜ ଆଧାରରେ ଅଭିଯୁକ୍ତ ଶାଶୁ ବ୍ରଜେଶ୍ବରୀ ବେହେରାଙ୍କୁ ଆଇପିସି ଧାରା ୪୯୮ (କ) ଓ ୩୨୮ରେ ଦୋଷୀ ସାବ୍ୟସ୍ତ କରିଛନ୍ତି l ଦଫା ୪୯୮(କ) ରେ ଦୋଷୀକୁ ଦୁଇ ବର୍ଷ ସଶ୍ରମ କାରାଦଣ୍ଡ ଓ ୫ହଜାର ଟଙ୍କା ଜୋରିମାନା ଓ ଜୋରିମାନା ଅନାଦେୟରେ ଅଧିକ ୩୦ଦିନ ସଶ୍ରମ କାରାଦଣ୍ଡାଦେଶ ହୋଇଥିବା ବେଳେ ଦଫା ୩୨୩ରେ ୬ମାସ ସଶ୍ରମ କାରଦଣ୍ଡ ଓ ୧ହଜାର ଟଙ୍କା ଜୋରିମାନା ଓ ଜୋରିମାନା ଅନାଦେୟରେ ଅଧିକ ୨୦ ଦିନର ସଶ୍ରମ କାରାଦଣ୍ଡାଦେଶ ହୋଇଛି l ପ୍ରକାଶ ଥାଉକି ପୀଡ଼ିତା ତଥା ଅଭିଯୋଗକାରିଣୀଙ୍କ ସ୍ୱାମୀଙ୍କ କିଛିଦିନ ପୂର୍ବରୁ ଦେହାନ୍ତ ହୋଇଯାଇଛି l ଏଣୁ କେବଳ ଶାଶୁଙ୍କ ବିରୋଧରେ ଫଇସଲା ଶୁଣାଣି ହୋଇଥିଲା l ସରକାରଙ୍କ ତରଫରୁ କ୍ୟାଡର ଏପିପି ସାଇ ରଞ୍ଜନ ମହାନନ୍ଦିଆ ଏହି ମାମଲା ପରିଚାଳନା କରିଥିଲେ l