24-Dec-2020

ବଲାଙ୍ଗିର,- ଆଜି ସନ୍ଧ୍ୟାରେ ଟିକ୍ରାପଡା ଶ୍ରୀ ଜଗନ୍ନାଥ ମନ୍ଦିରରେ ହୃଷିକେଶ ପୁରୋହିତ ପୁରୋହିତଙ୍କ ସଭାପତିତ୍ୱରେ ପ୍ରଭାକର ରଥ ସ୍ମୃତି ସମିତିର ଏକ ବୈଠକ ଅନୁଷ୍ଠିତ ହୋଇଥିଲା । ଏହି ସଭାରେ ଚଳିତ ବର୍ଷ ସେବା ସମର୍ପିତ କାର୍ଯ୍ୟ ପାଇଁ ସ୍ୱେଚ୍ଛାସେବୀ ପ୍ରଦୀପ ପଶାୟତଙ୍କୁ ମର୍ଯ୍ୟାଦା ପ୍ରଭାକର ରଥ ସ୍ମୃତି ସେବା ସମ୍ମାନ ଦେବା ପାଇଁ ସ୍ଥିର ହୋଇଥିଲା । କରୋନା ପାଇଁ ସ୍ମୃତି ସମିତିର ସମସ୍ତ କାର୍ଯ୍ୟ ହୋଇ ପାରି ନ ଥିଲା । ଏଣୁ କାର୍ଯ୍ୟର କାର୍ଯ୍ୟକାଳ ତାରିଖ ୧.୧.୨୦୨୧ ପରିବର୍ତ୍ତେ ୧.୧.୨୦୨୨ କୁ ବୃଦ୍ଧି କରିବା ପାଇଁ ସ୍ଥିର କରାଯାଇଥିଲା । ଏହି ବୈଠକରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଜୟରାମ ମିଶ୍ର, ରତ୍ନମୟ ତ୍ରିପାଠୀ, କପିଳ ପତି, ବଳିଷ୍ଠ ପଧାନ, ମଧୁ ସାହୁ, ଧୃବ ଚରଣ ସାହୁ, ଚୁଡେନ୍ଦ୍ର କୁମାର ବେହେରା, ପ୍ରଦୀପ ପଶାୟତ, ଅରୁଣ ଖୁଆସ, ଦୁର୍ଗା ଚରଣ ସାହୁ ଓ ମଦନ ମୋହନ ରଥ ଉପସ୍ଥିତ ଥିଲେ । ଶେଷରେ ସୁନାଧର ବନଛୋର ଧନ୍ୟବାଦ ଅର୍ପଣ କରିଥିଲେ ।