22-Dec-2020

ଟିଟିଲାଗଡ଼, (ପ୍ରେରଣା ଖବର) - ଗତ ସୋମବାର ୨୧ ତାରିଖ ସାନ୍ଧ୍ୟ ପ୍ରାୟ ୫ଟା ରେ ସିନ୍ଧେକେଲା ଥାନା ଅନ୍ତର୍ଗତ କେନ୍ଦୁମୁଣ୍ଡି ଗ୍ରାମରେ ଦୁଲମଣୀ ସିକା ଙ୍କ ସ୍ତ୍ରୀ କୁନ୍ତୀ ସିକା(ବ-୨୯)ଙ୍କ ହଠାତ ପ୍ରସବ ଯନ୍ତ୍ରଣା ହୋଇ ଘରେ ଏକ ଶିଶୁ କୁ ଜନ୍ମ ଦେଇଥିଲେ । ଶିଶୁ ଟି ଜନ୍ମ ର କିଛି ସମୟ ପରେ ମୃତ୍ୟୁ ବରଣ କରିଥିବା ବେଳେ ମହିଳାଙ୍କୁ ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ପରିବାର ଲୋକେ ଆଣି କିଛି ସମୟ ଡାକ୍ତର ଖାନା ରେ ରହି ପରେ ଘରକୁ ପ୍ରାୟ ରାତି ୮ ଟା ରେ ଘରକୁ ଚାଲିଯାଇଥିଲେ । ହେଲେ ରାତି ୯ ଟା ରେ ମହିଳା ଅଧିକ ଗୁରୁତର ହେବାରୁ ତାଙ୍କୁ ପୁନଃ ସିନ୍ଧେକେଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠୁ ଡାକ୍ତର ଅଧିକ ଗୁରୁତର ଥିବା ଓ ତୁରନ୍ତ ଟିଟିଲାଗଡ ନେଇ ଯିବାକୁ ପରାମର୍ଶ ଦେଇଥିଲେ । ଆମ୍ବୁଲାନ୍ସ ଯୋଗେ ତାଙ୍କୁ ଟିଟିଲାଗଡ ଡାକ୍ତରଖାନା କୁ ରାତି ପ୍ରାୟ ୧୧ ଟା ରେ ଆଣି  ଭର୍ତ୍ତି କରାଯାଇଥିଲା । କାର୍ଯ୍ୟରତ  ଡ଼ଃ ଓଁକାର ହୋତା ଅବସ୍ଥା ଅତି ଗୁରୁତର ଥିବା ଓ ରକ୍ତସ୍ରାବ ହେବ ଯୋଗୁଁ ତୁରନ୍ତ ବଲାଙ୍ଗୀର ମ୍ୟାଡିକାଲ କଲେଜ ଡାକ୍ତରଖାନା କୁ ଏକ ପ୍ୟାକେଟ ରକ୍ତ ଦେଇ  ପରାମର୍ଶ ଦେଇଥିଲେ । ହେଲେ ପରିବାର ଲୋକେ ଅନ୍ୟ ଲୋକର ରକ୍ତ ଆମେ ନେବୁନି ବୋଲି ଜିଦ ଧରିଥିଲେ । ଶେଷରେ ରାତି ପ୍ରାୟ ୨ ଟା ରେ ତାଙ୍କର ଶୋଚନୀୟ ମୃତ୍ୟୁ ଘଟିଥିଲା । ଏବେବି ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଅନ୍ୟ ଦେହର ରକ୍ତ ନ ନେବା ଓ ଇଂଜେକସନ, ସଲାଇନ ନେବୁ ବୋଲି ଜିଦ ଧରିବା ଓ ଅନ୍ୟଦେହର ରକ୍ତ ନେଲେ ଗ୍ରାମ ଦେବୀ ଙ୍କ କୋପ ଦୃଷ୍ଟି ପଡିବ କହି ଏପରି ଚିକିତ୍ସା ସେବା ପାଇବାରୁ ବଞ୍ଚିତ ରହି ଅନେକ ଲୋକ ମୃତ୍ୟୁ ବରଣ କରିବା ପରି ଶୋଚନୀୟ ଘଟଣା ମାନ ଦେଖିବା କୁ ମିଳୁଛି । ସରକାର ଙ୍କ ଏତେ ଯୋଜନ ଥାଇ ସୁଦ୍ଧା ସେ ସବୁ କାର୍ଯ୍ୟକାରୀ କେତେ ପରିମାଣ ରେ ହେଉଛି ଏଥିରୁ ସ୍ପଷ୍ଟ ।