04-Feb-2024

ବଲାଙ୍ଗୀର(ଚିତ୍ରସେନ ବେହେରା ): ଏକ ବିକଶିତ ଓଡ଼ିଶା ଗଠନ ପାଇଁ ସଂକଳ୍ପ ବଦ୍ଧ କେନ୍ଦ୍ର ନେତୃତ୍ୱଧୀନ ବିଜେପି ସରକାର ଅମଳରେ ଓଡ଼ିଶାର ବିକାଶ ପାଇଁ କୌଣସି ସୁଯୋଗକୁ ହାତଛଡା କରାଯାଇ ନାହିଁ । । ବଲାଙ୍ଗୀର ସାଂସଦୀୟ କ୍ଷେତ୍ର ସୋନପୁରରୁ ବଲାଙ୍ଗୀର ରେଳ ଚଳାଚଳକୁ ଗତକାଲି ପ୍ରଧାନମନ୍ତ୍ରୀ ଲୋକାର୍ପିତ କରିବା ସହ  ସୋନପୁରରୁ ପୁରୀ କୁ ଏକ ସାପ୍ତାହିକ ଟ୍ରେନ ଚାଲିବ ବୋଲି ଘୋଷଣ କରିଛନ୍ତି । । ଏଥିପାଇଁ ପ୍ରଧାନମମନ୍ତ୍ରୀ  ନରେନ୍ଦ୍ର ମୋଦୀ ଓ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ବିଜେପି ପକ୍ଷରୁ କୃତଜ୍ଞତା ଜ୍ଞାପନ କରାଯାଇଛି । ଆଜି ସ୍ଥାନୀୟ ସାର୍କିଟ ହାଉସ୍ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ କହିଛନ୍ତି ଯେ ଆମର ବହୁଦିନର ଦାବି ପୂରଣ ହୋଇଛି । କେନ୍ଦ୍ର ରେଳ

ବିଭାଗ ପକ୍ଷରୁ କଂଟାବାଞ୍ଜିଠାରେ ରେଳ ୱାଗନ ମରାମତି କାରଖାନା ସ୍ଥାପନ ପାଇଁ ସବୁଜ ସଂକେତ ଦେଇଛନ୍ତି । ବଲାଙ୍ଗୀର ଜିଲ୍ଲା ରେଳସେବା ବିକାଶ  କ୍ଷେତ୍ର ରେ କେନ୍ଦ୍ର ସରକାରଙ୍କ ଅନେକ ଅବଦାନ ରହିଛି । ଏଥିସହ ବଲାଙ୍ଗୀରରୁ ନୂଆପଡା ଭାୟା ପାଟଣାଗଡ଼ ଦେଇ ନୂଆ ରେଳ ଚଳାଚଳ ପାଇଁ ପ୍ରସ୍ତାବ ଦିଆଯାଇଛି । ଆବଶ୍ୟକୀୟ ଜମି ଓ ଭିତ୍ତିଭୂମି  ପ୍ରଦାନ ଦିଗରେ ରାଜ୍ୟ ସରକାର ଙ୍କ ଅବଦାନ ରହିବା ସହ କେନ୍ଦ୍ର ସରକାରଙ୍କ ମଧ୍ୟରେ ସମନ୍ୱୟ ସ୍ଥାପନ ହୋଇ ପାରିଲେ  ପ୍ରକଳ୍ପ କାମ ତ୍ୱରାନ୍ୱିତ ହୋଇ ପାରିବ ବୋଲି ସାଂସଦ ଶ୍ରୀମତୀ ସିଂଦେଓ କହିଛନ୍ତି । ଅଯୋଧ୍ୟାର ରାମଲାଲାଙ୍କୁ ଦର୍ଶନ କରିବା ପାଇଁ ଚାହୁଁ ଥିବା ଭକ୍ତ ମାନଙ୍କ ପାଇଁ ଆସନ୍ତା ମାର୍ଚ୍ଚ ୧ ତାରିଖରେ ବଲାଙ୍ଗୀରରୁ ଅଯୋଧ୍ୟାକୁ ଏକ ସ୍ୱତନ୍ତ୍ର ଟ୍ରେନ ଚାଲିବ ଯେଉଁଥିରେ ଭକ୍ତ ମାନେ ଟିକେଟ୍ ମୂଲ୍ୟର ୫ଠ ପ୍ରତିଶତ ରିହାତି ଦରରେ ଟ୍ରେନ୍ ଯାତ୍ରା କରିପାରିବେ ବୋଲି ଶ୍ରୀମତୀ ସିଂଦେଓ ଏହି ଅବସରରେ ସୂଚନା ଦେଇଛନ୍ତି । ଆଜିର ସାମ୍ବାଦିକ ସମ୍ମିଳନୀରେ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ, ଦିନେଶ ସର୍ମା ଓ ନାରୀ ନେତ୍ରୀ ପଙ୍କଜିନୀ ପଣ୍ଡା ମଂଚାସୀନ ଥିଲେ ।