04-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ପ୍ରଥମ ବିଶ୍ୱ ଭାଷା ସମ୍ମିଳନୀ ଅବସରରେ କଣ୍ଟାମାଳ ବ୍ଲକର ବିଭିନ୍ନ ପଂଚାୟତରେ ବିବିଧ କାର୍ଯ୍ୟକ୍ରମ କୁ ନେଇ ଭାଷା ଦିବସ ଅନୁଷ୍ଠିତ ହୋଇ ଯାଇଛି  l ପୂର୍ବାହ୍ନ 11 ଘଣ୍ଟା ସମୟରେ ବ୍ଲକ ସହିତ ବିଭିନ୍ନ ପଂଚାୟତ, ବିଦ୍ୟାଳୟ, ମହାବିଦ୍ୟାଳୟରେ ସାମୁହିକଭାବେ ବନ୍ଦେ ଉତ୍କଳ ଜନନୀ ଗାନ କରାଯିବା ସହ ଭୁବନେଶ୍ୱରର ଲାଇଭ କାର୍ଯ୍ୟକ୍ରମ ପ୍ରଦର୍ଶିତ ହୋଇଥିଲା  l ବିଦ୍ୟାଳୟ ଗୁଡିକରେ ଭାଷା, ସାହିତ୍ୟ ଓ ସୃଜନଶୀଳତାର ଉତ୍ସବ ମଧ୍ୟ୍ୟ ପାଳନ ହୋଇଥିଲା l ବିଦ୍ୟାଳୟ ଗୁଡିକରେ ଛାତ୍ର ଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତାର ଆୟୋଜନ ହୋଇଥିଲା  l ଓଡିଶା ସରକାରଙ୍କ ଏହା ଏକ ସମ୍ବେଦନଶୀଳ କାର୍ଯ୍ୟକ୍ରମ ହୋଇ ଥିଲେ ହେଁ ଖୋଦ କଣ୍ଟାମାଳରେ ଆୟୋଜିତ ବ୍ଲକ ସ୍ତରୀୟ କାର୍ଯ୍ୟକ୍ରମ ଧର୍ମକୁ ଆଖି ଠାର ନ୍ୟାୟରେ ହୋଇ ଥିବା ଦେଖିବାକୁ ମିଳି ଥିଲା  l କାର୍ଯ୍ୟକ୍ରମ ରେ କୌଣସି ଅଧିକାରୀ କି ବ୍ଲକ ଅଧ୍ୟକ୍ଷl, ବିଡ଼ିଓଙ୍କ ଉପସ୍ଥାନ ନଥିବା ବେଳେ ସାମାଜିକ ସୁରକ୍ଷା ଅଧିକାରୀ  ଓ କଲ୍ୟାଣ ଅଧିକାରୀ ହାତ ଗଣତି 15/20  ଜଣ ମିଶନ ଶକ୍ତି ମା ଙ୍କୁ ନେଇ  ଏହି କାର୍ଯ୍ୟକ୍ରମକୁ କାମଚଳା ଭାବେ କରି ଥିବା ଦେଖିବାକୁ ମିଳି ଥିଲା  l ରାଜ୍ୟ ସରକାର ବ୍ଲକ ପିଛା  50 ହଜାର ଟଙ୍କାର ସହାୟତା ଯୋଗାଇ ଦେଇଥିଲେ ହେଁ, କାର୍ଯ୍ୟକ୍ରମ ପ୍ରତି ଆଗ୍ରହ ନଥିବା ଦେଖିବାକୁ ମିଳି ଥିଲା  lସେହି ପରି ପ୍ରତି ସରକାରୀ ପ୍ରାଥମିକ  ଓ ଉଚ୍ଚ ପ୍ରାଥମିକ ବିଦ୍ୟାଳୟକୁ 1000 ଓ 3000 ହଜାର ଟଙ୍କାର ସହାୟତା ଯୋଗାଇ ଦେଇଥିଲେ ହେଁ ବ୍ଲକର ଶତକଡା 25% ଭାଗ ବିଦ୍ୟାଳୟରେ ଏହା ପାଳନ ହୋଇ ଥିବା ବେଳେ ବାକି ବିଦ୍ୟାଳୟ ଆମେ କୌଣସି  ସୂଚନା ପାଇ ନାହୁଁ ବୋଲି କହୁଥିବା ଜଣା ଯାଇଛି l ରାଜ୍ୟ ସରକାରଙ୍କ ଦ୍ୱାରା କାର୍ଯକାରୀ ହୋଇଥିବା ଖେଳ, କୁଦ, ଜଗନାଥ ପରିକ୍ରମା ପ୍ରକଳ୍ପ ଭଳି କାର୍ଯ୍ୟକ୍ରମ ଗୁଡିକରେ ପରିଚାଳନଗତ ତ୍ରୁଟି ଯୋଗୁଁ ଲକ୍ଷାଧିକ ଟଙ୍କା ଖର୍ଚ୍ଚ ହୋଇ ପାରି ନଥିବା ଜଣା ଯାଇଛି ଯାହାକି ସରକାରଙ୍କୁ ଫେରାଇ ଦିଆଯିବ ବୋଲି କୁହା ଯାଇଛି  l     (କଣ୍ଟାମାଳରୁ ଜୟ କୁମାର ମହାରଣା ଙ୍କ ରିପୋର୍ଟ ପ୍ରେରଣା ନିୟୁଜ )