04-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ଘଣ୍ଟାପଡ଼ା ଥାନା ଅନ୍ତର୍ଗତ ନାରାୟଣପ୍ରସାଦ ପଞ୍ଚାୟତର ନାରାୟଣପ୍ରସାଦ ଖେଳ ପଡିଆରେ ବୌଦ୍ଧ ଜିଲା ପୋଲିସ ପକ୍ଷରୁ ଶନିବାର ଦିନ ୧୦ଟା ସମୟରେ ଏକ ଜନମୈତ୍ରୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ସାଧାରଣ ଲୋକଙ୍କ ମଧ୍ୟରେ ମାଓବାଦୀଙ୍କ ଅସାମାଜିକ, ଅସାମ୍ବିଧାନିକ କାର୍ଯ୍ୟ ନେଇ ସଚେତନ କରାଯିବା ଉଦ୍ଦେଶ୍ୟରେ ଜନମୈତ୍ରୀ କାର୍ଯ୍ୟକ୍ରମ ଆୟୋଜିତ ହୋଇଥିଲା l କାର୍ଯ୍ୟକ୍ରମରେ ବୌଦ୍ଧ ଜିଲା ଆରକ୍ଷୀ ଅଧିକ୍ଷକ ରାଜ ପ୍ରସାଦ ଯୋଗଦେଇ

ମାଓବାଦୀଙ୍କ କାର୍ଯ୍ୟକଳାପ ନେଇ ଭୟଭୀତ ନହେବାକୁ ଲୋକଙ୍କୁ ପରାମର୍ଶ ଦେଇଥିଲେ l ଏହାସହ ମାଓବାଦୀଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବା ପାଇଁ ରହିଥିବା ସରକାରୀ ପୁନର୍ବାସ ଓ ଥଇଥାନ ଯୋଜନା ସମ୍ପର୍କରେ ଲୋକଙ୍କୁ ବୁଝାଇବା ସହିତ ମାଓବାଦୀ ବିଚାରଧାରାର ଯୁବକଯୁବତୀ ଆତ୍ମସମର୍ପଣ କଲେ ୪ଡ଼ିସିମିଲ ଘରଡ଼ିହ, ଆବାସ ଗୃହ ସହିତ ପାଠପଢା ଖର୍ଚ୍ଚ, ବିବାହ ଆଦି ବିଭିନ୍ନ ସରକାରୀ ସହାୟତାର ବନ୍ଦୋବସ୍ତ କରାଯିବ ବୋଲି

କହିଥିଲେ l ଏହି ଅବସରରେ ଉପସ୍ଥିତ ବୃଦ୍ଧବୃଦ୍ଧାଙ୍କୁ ଧୋତି,ଶାଢ଼ୀ ଓ ଶୀତବସ୍ତ୍ର ଆଦି ବଣ୍ଟନ କରାଯାଇଥିଲା l ଏବଂ ଉଡେନ ଓ ନାରାୟଣପ୍ରସାଦ ଗ୍ରାମର ଖେଳାଳୀ ମାନଙ୍କୁ ନେଇ ଭଳିବଳ ପ୍ରତିଯୋଗିତା ଆୟୋଜନ କରାଯାଇଥିଲା l ପ୍ରତିଯୋଗିତାର ବିଜେତା ନାରାୟଣପ୍ରସାଦ ଏବଂ ଉପବଜେତା ଉଡେନ ଦଳକୁ ଟ୍ରଫି ସହିତ ଖେଳ ସାମଗ୍ରୀ ପ୍ରଦାନ କରାଯାଇଥିଲା l କାର୍ଯ୍ୟକ୍ରମରେ ନୂତନ ଆଇପିଏସ ବିନୋଦ ପଟେଲ, ଏସଡିପିଓ କୈଳାଶ ଚନ୍ଦ୍ର ସେଠି, ନାରାୟଣପ୍ରସାଦ ସରପଞ୍ଚ ତାରାକାନ୍ତୀ ମାଝୀ, ଘଣ୍ଟାପଡ଼ା ଥାନାଧିକାରୀ ବଳଭଦ୍ର ଗଣ୍ଡା, ଏସଆଇ ବିଶ୍ଵାମିତ୍ର ଲୋଇଙ୍କ ସମତେ ଅନ୍ୟ ପୋଲିସ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ l